Ab'e Kolosai 3:4 - Baibuli Ekibono kya Katonda 2014

⁴ Kurisito n'obulamu bwaife era bw'aliboneka olwo mwena mulibonekera ghalala naye mu kitiisa.

Ab'e Kolosai 3:4 ပူးပေါင်းရင်းမြစ်များ

Zabbuli 17:15

Aye nze ndidha kulingiriranga amaiso go, kuba nziraku musango. Buli lwe nnaazuukanga ndidha kubanga musangaavu okukubona nga bw'oli.

Zabbuli 73:24

Ntambula nga njiira ku kugalaga kwo era ku nkomerero oliinanhiriza mu kitiisa.

Matayo 13:43

Abo abatuufu balimesunkana oti ndhuba mu Bwakyabazinga bwa Iseibwe. Ali n'amatu awulire.

Luka 17:30

Kityo bwe kiriba ku lunaku Omwana w'Omuntu lw'alibonekeraku.

Yoanne 11:25

Yesu yaamukoba ati: “Ninze okuzuukira era ninze obulamu. Kiisi aikiriza nze ni bw'afa, aba mulamu

Yoanne 14:3

Bwe ndimala okuja n'okubategekera ekifo ndiira naabatwala ye ndi, mwena mwaba ghe ndi.

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Yoanne 20:31

Aye bino byaghandiikibwa ku lwaimwe, mwikirize nga Yesu ni Kurisito, Omwana wa Katonda, era olw'okwikiriza okwo, mufune obulamu mu liina lye.

Ebikolwa by'Abatume 3:15

Mwaita mwene bulamu, oyo Katonda ye yazuukiza mu bafu, era ife tuli badhulizi b'ekyo.

Ab'e Roma 8:18

Tidhuuba nga okudaagadaaga buti kwe tulimu kughanga okwagayaga n'ekitiisa ekiritwolekebwa.

Ab'e Roma 8:19

Ebitonde byonabyona birindirira nga byesumba okubona Katonda ng'ayoleka abaana be.

1 Ab'e Korintho 1:7

Olwo ghaabula ekitone eky'omwoyo kyonakyona kye muzira, nga bwe muteegerera okweyoleka kwa Musengwa waife Yesu Kurisito.

1 Ab'e Korintho 15:43

Mu kuziikibwa guba gunhoomebwa, aye mu kuzuukizibwa guliba gwa kitiisa. Mu kuziikibwa guba munafu, aye mu kuzuukizibwa guliba gwa maani.

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

Ab'e Galatia 2:20

era tiri mulamu ku bwange aye Kurisito n'omulamu mu nze. Obulamu buno bwe ndi nabwo mperaano mu mubiri, ndi nabwo lwa kwikiriza Mwana wa Katonda eyangonza n'aghaayo obulamu bwe ku lwange.

Ab'e Filippi 3:21

Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.

1 Ab'e Thessalonika 4:17

memale ife abalamu, abaliba bakaasigairegho twatwalibwa ghalala nabo mu bire okwagaanana ni Musengwa mu ibbanga. Era olwo tubenga eyo ni Musengwa buliidho.

1 Timotheo 6:14

okuumenga ekiragiro kalemberera nga ghazira kibi kyonakyona kikwogerwaku, okutuusa Musengwa waife Yesu Kurisito lw'aliidha.

2 Timotheo 1:1

Ninze Paulo omutume wa Kurisito Yesu olw'okwenda kwa Katonda. Natumibwa okukobera abantu eky'obulamu Katonda bwe yasuubiza abo abaisa ekirala mu Kurisito Yesu.

2 Timotheo 4:8

Era mperaano Katonda ambiikiire eyo obutuufu ng'ekirabo eky'obughanguzi, Musengwa era omulamuzi omutuufu ky'alimpa ku Lunaku lule. Taligha nze zenka aye aligha abo boonaboona abeesunga okwira kwe.

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

1 Petero 1:13

Kale ni mu myoyo gyaimwe mubenga beetegefu era mwefugenga. Eisuubi lyaimwe lyonalyona mulitenga mu kisa Katonda ky'aja okubagemerwa ku lunaku Yesu Kurisito lw'alibonekeraku.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.

1 Yoanne 2:28

Kale baana bange, musigale nga mukaali naye, bw'alyeyoleka tube bagumu tulobe kugemebwa nsoni mu maiso ge.

1 Yoanne 3:2

Bakagwa, mperaano tuli baana ba Katonda. Kye tuja okuba kikaali kumanhika, aye kye twidhi ni kino nti Kurisito bw'aliboneka tuliba oti ni mwene, kuba tulimubona nga bw'ali.

1 Yoanne 5:12

Oyo ali ni Mwana, ali n'obulamu oyo azira Mwana wa Katonda, azira bulamu.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,

Okwolekebwa 2:7

“Ali n'amatu, awulire Mwoyo ky'akoba Ebikunsu eby'Abaikiriza mu Kurisito. Oyo aghangula, ndimuganha okulya ku muti ogw'obulamu oguli mu kifo kya Katonda eky'okwesiima.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.

Okwolekebwa 22:14

Ba nkabi abo abaamula ebivaalo byaibwe. Baligheebwa obukumu okulya ebibala eby'omuti ogw'obulamu, era n'okwingira mu kibuga nga babita mu miryango.