Ab'e Galatia 5:4 - Baibuli Ekibono kya Katonda 2014

⁴ Era abo ku imwe abenda okuba abatuukirivu olw'okutuukiriza Amateeka, mwekutwire ku Kurisito beene era muviire mu kisa kya Katonda.

Ab'e Galatia 5:4 ပူးပေါင်းရင်းမြစ်များ

Ab'e Roma 11:6

Okulondebwamu kwaibwe kujiira ku kisa kya Katonda aye ti ku bikolwa byaibwe. Kuba nguli okulonda kwa Katonda kujiira ku bikolwa byaibwe, ekisa kye tikyandibaire nga kikaali kisa kyene.

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Ab'e Galatia 2:21

Tidibya kisa kya Katonda. Aye oba omuntu asobola okubalibwa okuba omutuukirivu olw'okugema Amateeka, olwo Kurisito aba yafiira busa.

Ab'e Galatia 5:2

Nze mwene Paulo mbakobera nti, bwe muganha okubakeketa, kiba kitegeeza nga Kurisito azira muganhulo ye muli.

Abaheburayi 12:15

Mwekuume ghalobe kubaagho afiirwa kisa kya Katonda, era ghalobe kubaagho bubi buva mu imwe ni butabulatabula era ni bwonoona bantu kamaala.

Abaheburayi 4:1

Kale ni ng'ekisuubizo eky'okutuuka aghali okuwuumula bwe kikaaligho, tufengayo okubona nga tighabaagho muntu yeenayeena ku imwe alemwa kutuukagho.

Okwolekebwa 2:5

Kale idhukira bwe wangonzanga ng'okaali kugwa, weenenie, okole bye wakolanga mu mainhama. Aye bw'oteenenie, ndidha kwidha y'oli, ntoolegho ekikondo kyo eky'entaala mu kifo kyayo.