Ab'e Galatia 4:9 - Baibuli Ekibono kya Katonda 2014

⁹ Aye mperaano nga bwe mwidhi Katonda, oba ka nkobe nga Katonda bw'abaidhi, musobola mutya kabiri okwiramu okufugibwa emisambwa egy'oku nsi kuno, eminafu era egizira kye gigasa? Mwenda kabiri mube bairu ba bintu ng'oti n'ebyo?

Ab'e Galatia 4:9 ပူးပေါင်းရင်းမြစ်များ

1 Bakyabazinga 8:43

wuliranga by'akusaba eyo y'oli mu kifo kyo mu igulu. Olwo abantu boonaboona mu nsi baghange okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

Zabbuli 1:6

Katonda alabirira era yaakugira abatuufu, aye ababi balizikirira.

Zabbuli 9:10

Abo abakwidhi, obwesige bwaibwe babuta mu iwe, kuba Musengwa Katonda tiweerabira abo abatakabana okwidha y'oli.

Okuvaayo 33:17

Agho Musengwa Katonda yaakoba Musa ati: “Ekyo kyenekyene ky'okobye ndidha kukikola, kuba nkwidhi bukalamu inho era nsiima by'okola.”

Ensambo 2:5

Olwo olyega okutya Musengwa Katonda, era waamanhira irala Katonda ky'ali.

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Habakkuku 2:14

Aye ensi eja kwidhula abantu abaidhi ekitiisa kya Musengwa Katonda ng'oti n'enhandha bw'eidhula amaadhi.

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Luka 5:38

Aye omwenge gw'emizabbibu omusu guteekwa kuteebwa mu nsawo dha luwu mpyaka.

Yoanne 10:14

Ninze omwayi omulungi. Edhange ndiidhi era dhoona dhindidhi,

Yoanne 10:27

Entaama dhange dhiwulira amamiro gange, ndiidhi era dhiinonereza.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Ab'e Roma 8:29

Kuba abo be yalonda yabaawula era yaabategeka okufaanana Omwana we, Omwana we oyo abe omuberi mu baganda be kamaala.

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

1 Ab'e Korintho 13:12

Mperaano tubonera mu mbonerwamu, twaloba kubona bukalamu. Aye ku lule tulibonagana maiso ku maiso. Mperaano ndidhiku kitundu butundu, aye ku lule ndimanhira irala mu bwidhuvu, era oti ni Katonda bw'andidhi.

1 Ab'e Korintho 15:34

Mweireku mulekere agho okukola ebibi, kuba abandi ku imwe timwidhi Katonda. Kino nkyogeire mbagemye ensoni.

1 Ab'e Korintho 8:3

Aye omuntu bw'agonza Katonda, Katonda amumanha.

2 Ab'e Korintho 11:20

Muguminkiriza omuntu bw'abatwala okuba abairu, oba bw'abanhaga, oba bw'abatega, oba bwe yeekudumbaza, oba bw'abakuba mu maiso.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'e Galatia 3:3

Musobola okuba abasiru okwaga agho? Mwatoolera na Mwoyo wa Katonda, mperaano mwenda kufundikira na maani gaimwe imwe beene?

Ab'e Galatia 4:3

Kityo bwe kyali n'ife, bwe twali tuli baana bato twali bairu ba misambwa gyonagyona egy'oku nsi kuno.

Ab'Efeso 1:17

Katonda wa Musengwa waife Yesu Kurisito, Lata ow'ekitiisa, abaghe Mwoyo ow'amagezi era ayoleka, mumumanhe.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

Abaheburayi 7:18

Kale ekiragiro ekyasooka kyadibizibwa olw'obunafu bwakyo n'obutaba na muganhulo,

2 Petero 2:20

Abantu bwe bamala okuwona obubi obw'ensi eno nga babita mu kumanha Musengwa waife era Omulokozi Yesu Kurisito, memale kabiri ni babwiramu era ni bubaghangula, embeera yaibwe ku nkomerero eba mbi inho okusinga eyasooka.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.