Ab'e Galatia 4:4 - Baibuli Ekibono kya Katonda 2014

⁴ Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,

Ab'e Galatia 4:4 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Isaia 48:16

Museete ghe ndi muwulire kino: Okuviira irala mu mainhama n'okutuusa mpegaano, tyogerangaku mu kyama. Era bye ndhogera bimala byatuusa ekiseera byabaagho. Mpegaano Musengwa Katonda antumye n'amaani ag'omwoyo gwe.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Yeremia 31:22

Imwe abantu abatali beesigwa, mulirekera li okudaaliimira eno n'ere? Nze Musengwa Katonda ntonzeegho ekintu ekiyaaka ku nsi era nga kya ndhawulo, eky'omukazi okuba nga n'omukuumi w'omusaadha.”

Zekaria 6:12

Omukobe oti Musengwa Katonda Afuga Amagye akoba ati, ‘Bona eno, omuntu ayetebwa eriina Olusaga aja kukulira gheene agho mwene gh'ali, era aja kuzimba eisinzizo lya Musengwa Katonda.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Okubala 28:22

Era mwidha kughangayo embuzi enume ndala ng'ekigheebwayo olw'ebibi, olw'okutoolebwaku ebibi byaimwe.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Matayo 3:15

Yesu yaamukoba ati: “Mperaano leka kibe kityo kuba tutyo ife bwe tugwaine okutuukiriza obutuufu bwonabwona.” Agho yaamuganha.

Matayo 5:17

“Muleke kudhuuba muti naidha okudibya Amateeka oba abalanzi, tyaidha kudibya aye kutuukiriza.

Mariko 1:15

Era ng'akoba ati: “Obwire butuuse, Obwakyabazinga bwa Katonda buseese, mwenenie era mwikirize Amawulire Amalungi.”

Luka 1:31

Oidha kutoola enda ozaale omwana wa bulenzi, omutuume eriina Yesu.

Luka 1:35

Malaika yaamwiramu ati: “Mwoyo Mutukuvu aidha kukwikaku, n'amaani g'oyo Ali Ghaigulu Yeene gaidha kukuboghera, kyova ky'olizaala, ekitukuvu, kiryetebwa Mwana wa Katonda.

Luka 2:7

Yaazaala omwana we omuberi nga mulenzi, yaamuzingirira mu bugozi, yaamuta mu kiibo ensolo mwe dhiriira kuba tibaafuna kifo mu ndhu ey'abageni.

Luka 20:44

Kale oba Daudi amweta Musengwa we, memale aba atya kabiri mwidhukulu we?”

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 10:36

memale mukoba mutya nze Lata ye yatukuza n'antuma mu nsi muti nvumye Katonda kuba nkobye nti ndi Mwana wa Katonda?

Yoanne 3:16

Atyo Katonda bwe yagonza abantu ab'oku nsi, yaaghaayo Omwana we omulala bedengedenge kiisi amwikiriza alobe kuzikirira aye afune obulamu obutawaagho.

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Yoanne 8:42

Yesu yaabakoba ati: “Nguli Katonda n'eyali Lata waimwe mwandibaire mungonza kuba ewa Katonda ye nava naidha. Tyaidha ku bwange aye mwene n'eyantuma.

Ebikolwa by'Abatume 1:7

Yesu yaabakoba ati: “Ti kyaimwe okumanha entangama n'ekiseera Lata bye yata mu buyinza bwe.

Ab'e Roma 1:3

Amawulire Amalungi gano gafa ku Mwana we, Musengwa waife Yesu Kurisito. Mu mubiri yali wa mu luzi lwa Daudi

Ab'e Roma 15:8

Ka mbakobere, Kurisito yafuuka omugheereza w'abayudaaya, ayoleke nga Katonda bw'ali omwesigwa, era atuukirize ebisuubizo Katonda bye yasuubiza badhaadha baife,

Ab'e Roma 5:6

Bwe twali nga tukaali mu bibi byaife, Kurisito yafiirira aboonooni, mu kiseera Katonda kye yalonda.

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

Ab'e Roma 9:5

Abo ni beene badhaadha abakulu era beene ighanga omwava Kurisito ng'omuntu, Katonda afuga byonabyona asaakibwe ebyanda n'ebyanda. Amiina.

Ab'Efeso 1:10

Entegeka eyo aligituukiriza ng'ekiseera kyayo kituuse, ng'ayimba ghalala mu Kurisito ebintu byonabyona ebiri mu igulu n'ebiri mu nsi.

Ab'e Kolosai 2:14

Ng'amaze okusazaamu endagaano ey'ebitubandhibwa, ni byonabyona ebyali bitusiba mu ndagaano eyo eyali etuli obubi, yaagitoolagho yaagikomerera ku musalaba.

1 Timotheo 2:6

Oyo yeeghaayo olw'okununula abantu boonaboona. Ekyo kyakakasibwa mu kiseera kyakyo ekituufu.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 2:14

Kale, ng'abo Yesu b'ayeta abaana bwe bali abantu obuntu, yeena mwene yafuuka omuntu nga beene. Yakola atyo asobole okufa, era ng'abita mu kufa kwe azikirize Sitaani, ali n'obukumu ku kufa.

Abaheburayi 9:10

Bino byakomanga ku bya ku ngulu ebigema ku kulya, ni ku kunhwa, ni ku bulombolombo obw'okwetukuza, ebyali eby'okubaagho okutuusa ku kiseera eky'okwiza ebintu byonabyona obuyaaka.

1 Yoanne 4:14

Era twakibona, twakighaaku n'obudhulizi tuti Lata yatuma Omwana we okuba Omulokozi ow'ensi.

1 Yoanne 4:2

Kuno kwe tumanhira Mwoyo owa Katonda: Mwoyo akoba ati Yesu Kurisito yaidha ng'omuntu, oyo aba wa Katonda.