Ab'e Galatia 4:3 - Baibuli Ekibono kya Katonda 2014

³ Kityo bwe kyali n'ife, bwe twali tuli baana bato twali bairu ba misambwa gyonagyona egy'oku nsi kuno.

Ab'e Galatia 4:3 ပူးပေါင်းရင်းမြစ်များ

Matayo 11:28

“Mwidhe ye ndi imwe mwenamwena abadaaga n'abali n'ebibavuna, ndidha kubawuumuza.

Yoanne 8:31

Yesu yaakoba Abayudaaya abaamwikiriza ati: “Bwe mukalangukira ku kibono kyange, ng'olwo muli beegeresebwa bange beenebeene.

Ebikolwa by'Abatume 15:10

Kale mperaano, lwaki muleba Katonda nga mutwika abaikiriza emigugu badhaadha baife, waire ife, gye tutaghanga kwetwika?

Ab'e Roma 7:14

Twidhi nga Amateeka galigho ku lwa bya mwoyo, aye nze nfugibwa mubiri era ndi mwiru wa kibi.

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

2 Ab'e Korintho 11:20

Muguminkiriza omuntu bw'abatwala okuba abairu, oba bw'abanhaga, oba bw'abatega, oba bwe yeekudumbaza, oba bw'abakuba mu maiso.

Ab'e Galatia 2:4

Ghaligho abaakyogeraku nga beefuula okuba abaikiriza, beibirira baatweyimbaku. Kye baayenda n'okubona eidembe lye tuli nalyo mu Kurisito Yesu era n'okutwiza mu bwiru.

Ab'e Galatia 3:19

Olwo kiki ekyateesaagho Amateeka? Gaateebwagho okwoleka okwona, era gaali nga ga kubaagho okutuusa ku kwidha kwa mwidhukulu wa Aburahamu. Omwidhukulu oyo n'oyo ayogerwaku mu kisuubizo ekyasuubizibwa Aburahamu. Amateeka bamalaika baagaleeta nga gabita mu muntu eyagemagania Katonda n'abantu.

Ab'e Galatia 4:2

kuba aba mu mikono gya bakuza na basigire okutuusa ekiseera lata we kye yataagho.

Ab'e Galatia 4:24

Amakulu ga bino gali nga ga lufumo: Abakazi abo bombi obageza ku ndagaano eibiri. Owundi ava ku lusozi Sinai yaazaala abaana abairu, era oyo nga ni Hagari.

Ab'e Galatia 4:25

Hagari oyo, n'olusozi Sinai oluli mu Buwarabu era afaanana ni Yerusalemu ekya mperaano, ekiri mu bwiru n'abantu baakyo boonaboona.

Ab'e Galatia 4:31

Kale aboluganda, ife tituli baana ba mukazi mwiru, tuli ba mukazi waagho.

Ab'e Galatia 4:8

Eira, bwe mwali nga mukaali kumanha Katonda, mwali bairu ba bintu, mu butuufu ebitali bakatonda.

Ab'e Galatia 4:9

Aye mperaano nga bwe mwidhi Katonda, oba ka nkobe nga Katonda bw'abaidhi, musobola mutya kabiri okwiramu okufugibwa emisambwa egy'oku nsi kuno, eminafu era egizira kye gigasa? Mwenda kabiri mube bairu ba bintu ng'oti n'ebyo?

Ab'e Kolosai 2:20

Oba nga bwe mwafa ni Kurisito mwawona okufugibwa emizimu egifuga ensi, memale lwaki muba oti mukaali ba nsi? Lwaki muwulira ebiragiro ng'oti ni bino:

Ab'e Kolosai 2:8

Mubone nga tighabaagho muntu yeenayeena abafuula bairu, ng'akozesa ebidhuubo eby'abagezigezi n'obuguya obuli mu mpisa dh'abantu, ni mu mizimu egitwalibwa nga n'egifuga ensi eno. Ebintu bino tibiva wa Kurisito.

Abaheburayi 5:12

Waire nga buti mwandibaire nga muli beegeresa, aye ate mukaayenda omuntu okubeegeresa ebyo ebiinhamirwaku mu kwega ekibono kya Katonda. Mukaayenda mata buta ng'oti n'abaana abato, mu kifo ky'emere yeene.

Abaheburayi 7:16

ataafuuka kabona lwa mateeka ga buzaaliranwa, aye olw'amaani ag'obulamu obutakoma.