Ab'e Galatia 2:9 - Baibuli Ekibono kya Katonda 2014

⁹ Yakobo, Petero ni Yoanne, abaabonekanga okuba nga n'abakulembeze, baakibona nga Katonda yangemya omulimo omukulu guno. Kale baatugema mu ngalo, nze ni Barunaba, ng'akamanhiso akooleka nga tuli bakozi banaibwe ku mulimo n'omulala. Era twaisania ife tuje mu bamaghanga agandi, ate beene baje mu bakekete.

Ab'e Galatia 2:9 ပူးပေါင်းရင်းမြစ်များ

2 Bakyabazinga 10:15

Yehu bwe yava agho, yaayagaana Yehonadabu mutabane wa Rekabu ng'ali kwidha okumubona. Yehu yaamulamusa, yaamubuuza ati: “Iwe ninze tufaanania endowooza?” Yehonadabu yairamu ati: “N'ekyo kyene, isebo.” Yehu yaakoba ati: “Oba nga kityo bwekiri, kale mpe eno omukono gwo.” Yehonadabu yaamugha omukono gwe. Yehu yaamuniinisa mu kigaali kye eky'omu lutalo,

Matayo 16:18

Era zeena ka nkukobere, Petero, ‘Oli lubaale, era ku lubaale kuno, kwe ndizimba Ekikunsu kyange eky'Abaikiriza mu Kurisito n'emiryango egy'e magombe tigirikisobola naire.

Luka 22:8

Yesu yaatuma Petero ni Yoanne ng'abakoba ati: “Muje mututegekere Ekibinuko eky'Okwidhukiriraku Okubitizibwa.”

Yoanne 1:42

Yaatwala Simoni eri Yesu. Yesu bwe yamubona yaamukoba ati: “Niiwe Simoni mutabane wa Yoanne? Oidha kwetebwanga Kefasi,” amakulu gaakyo nti Petero n'olubaale.

Ebikolwa by'Abatume 12:17

Yaabaghemya basirike, yaabakobera nga Musengwa bw'amuwoniiza eikomera. Era yaabakoba ati: “Bino mubikobere Yakobo n'aboluganda.” Yaavaayo yaaja aghandi.

Ebikolwa by'Abatume 15:13

Bwe baamala okwogera ni basirika Yakobo yaakoba ati: “Aboluganda, mumpulirise.

Ebikolwa by'Abatume 15:7

Bwe baamala okukubagania ebidhuubo einho, Petero yaayemerera, yaakoba ati: “Aboluganda, mwidhi muti mu nnaku edhaabita Katonda yaanonda mu imwe, nkobere abamaghanga agandi Amawulire Amalungi basobole okwikiriza.

Ebikolwa by'Abatume 4:36

Ni Yosefu, Abatume ye baatuuma erya Barunaba (ekitegeeza: “Omwana aizaamu amaani”) Omulevi, nga wa mu ighanga ly'e Kupuro,

Ab'e Roma 1:5

Ku lw'oyo, Katonda yampa omukisa ogw'okuba omutume olwa Kurisito. Nsobole okutuusa abantu abamaghanga goonagoona ku kwikiriza ni ku kuba abagonvu,

Ab'e Roma 12:3

Olw'ekisa Katonda kye yampa, nkoba kiisi mulala ku imwe obuteetwala nga wa kitalo. Aye yeebisenga bukalamu ng'ajiira ku kigero eky'okwikiriza Katonda kye yamugha.

Ab'e Roma 15:15

Aye mu mbaluwa eno, aghandi mpandiise n'obugumu nga ndiku ni bye mbaidhukiza. Kino nkikoze kuba Katonda yansaasira

1 Ab'e Korintho 15:10

Aye olw'ekisa kya Katonda, kye nva ni mba nga bwendi buti. Era ekisa ekyo tikyafa busa. Nakola inho okusinga abatume abandi, waire nga mu butuufu ti ninze eyali akola, aye ekisa kya Katonda nga n'ekikolera mu nze.

2 Ab'e Korintho 11:5

Tirowooza nti abo be mweta okuba abatume abakulu einho ghaligho kye bansinga naire.

2 Ab'e Korintho 12:11

Ndi oti musiru aye niimwe mundeeteire okuba ntyo, kuba mbaire ngwaniire okusaakibwa imwe. Waire tiri kintu, abo be mweta okuba abatume abakulu einho ghazira ni kye bansingamu naire.

2 Ab'e Korintho 8:4

Baatweghemba inho tubaghe akaghagaanhia babeeku ni kye bagha abatuukirivu ab'omu Buyudaaya.

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,

Ab'e Galatia 1:18

Ghaabitagho emyaka esatu memale olwo naaja e Yerusalemu okukyaliraku Kefasi era naabaayo enaku ikumi na itaanu.

Ab'e Galatia 2:1

Bwe ghaabitagho emyaka eikumi n'ena, memale kabiri naaja e Yerusalemu, twaja ni Barunaba era naatwala ni Tito.

Ab'e Galatia 2:2

Najaayo kuba Katonda yakindholeka nga kingwaniire okujaayo. Era nga tuli twenka n'abakulu, nayandha mu maiso gaibwe Amawulire Amalungi ge nalinga nga nkobera abamaghanga agandi. Ekyo nakikola omulimo gwe nali nkoze, ni gwe nali nja okukola gulobe kunfa busa.

Ab'e Galatia 6:3

Kuba oyo eyeebona nga kintu kikulu ate nga tali, yeesubagha mwene.

Ab'Efeso 2:20

kuba mwazimbibwa ku musingi ogw'Abatume n'abalanzi, nga Kurisito Yesu mwene n'eibaale eikulu ery'omu nsonda.

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

Ab'e Kolosai 1:29

Kino kye ntakabanira era ni nfaabiikana, mwene nga n'akolera mu nze n'amaani ge.

1 Timotheo 3:15

Aye bwenaaba nga ndwire, bino binaakumanhisa bwetugwaine okwebisa nga bwe tuli abantu ba Katonda, ekyo nga n'Ekikunsu eky'Abaikiriza mu Kurisito ekya Katonda omulamu, era ng'ekyo n'empango n'omusingi ogw'amazima.

1 Yoanne 1:3

Ekyo kye twabona era kye twawulira mwena kye tubakobera, musobole okutweyimbaku mu kwisania. Okwisania kwene kwe tuli nakwo ni Lata era n'Omwana we Yesu Kurisito.

Okwolekebwa 3:12

Oyo aghangula, ndimufuula empango mu isinzizo lya Katonda wange era talirivaamu. Ndimughandiikaku eriina lya Katonda wange, n'eriina ly'ekibuga kya Katonda wange Yerusalemu ekiyaaka ekiika nga kiva mu igulu ewa Katonda wange. Era ndimughandiikaku eriina lyange eiyaaka.