Ab'e Galatia 2:4 - Baibuli Ekibono kya Katonda 2014

⁴ Ghaligho abaakyogeraku nga beefuula okuba abaikiriza, beibirira baatweyimbaku. Kye baayenda n'okubona eidembe lye tuli nalyo mu Kurisito Yesu era n'okutwiza mu bwiru.

Ab'e Galatia 2:4 ပူးပေါင်းရင်းမြစ်များ

Zabbuli 119:45

Era ndidha kutambulanga nga neetaaya, kuba nfuba inho okujiira ku mateeka go ago.

Zabbuli 51:12

Ndhiriza eisanhu ery'obulokozi bwo, ompe omwoyo ogwenda okukugonderanga.

Isaia 51:23

Ekikopo ekyo ndikigemya abo ababalumya ni bakoba bati, ‘Mweyale ghansi ku itaka tubatambulireku tuje’, era mwena ni mutaagho emigongo gyaimwe ni gifuuka oluguudo kwe batambulira.”

Luka 5:38

Aye omwenge gw'emizabbibu omusu guteekwa kuteebwa mu nsawo dha luwu mpyaka.

Ebikolwa by'Abatume 15:1

Agho, abantu abandi baava e Buyudaaya baaja mu Antiokia baayegeresa aboluganda bati: “Bwe mutakeketebwa nga Musa bwe yalagira, timughanga kulokolebwa.”

Ebikolwa by'Abatume 15:24

Tuwuliire tuti ghaligho abaava mu ife baidha baabadaaza n'ebibono ebyabatabula ebidhuubo, waire nga ife titubatumanga.

Ebikolwa by'Abatume 20:30

Era ni mu imwe mulivaamu abantu abalyegeresa eby'obuguya okufuna abeegeresebwa ab'okubanonereza.

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

2 Ab'e Korintho 11:13

Abantu oti n'abo ti batume beene, aye batume ba buguya, era abakolera mu buguya ni beefuula abatume ba Kurisito.

2 Ab'e Korintho 11:17

Kye ndi kwogera buti, ti ni Musengwa kye yandyenze ndhogere, aye ndi kwogera ng'omusiru mu bino eby'okwesaaka.

2 Ab'e Korintho 11:20

Muguminkiriza omuntu bw'abatwala okuba abairu, oba bw'abanhaga, oba bw'abatega, oba bwe yeekudumbaza, oba bw'abakuba mu maiso.

2 Ab'e Korintho 11:26

Mu ngendo dhange kamaala nfunie obuzibu obw'emiigo, obw'abanhazi, obuva mu Bayudaaya banange n'obuva mu bamaghanga agandi. Mbaire mu buzibu mu bibuga ni mu malungu, ku nhandha, era n'okuva y'abo abeeyeta aboluganda ate nga tibali.

2 Ab'e Korintho 3:17

Musengwa ni Mwoyo, era Mwoyo wa Musengwa gh'aba, ghaba eidembe.

Ab'e Galatia 1:7

Bwenebwene ghazira Mawulire Malungi gandi, aye ghaligho ababatabula nga benda okukiidhamya Amawulire Amalungi aga Kurisito.

Ab'e Galatia 4:25

Hagari oyo, n'olusozi Sinai oluli mu Buwarabu era afaanana ni Yerusalemu ekya mperaano, ekiri mu bwiru n'abantu baakyo boonaboona.

Ab'e Galatia 4:3

Kityo bwe kyali n'ife, bwe twali tuli baana bato twali bairu ba misambwa gyonagyona egy'oku nsi kuno.

Ab'e Galatia 5:1

Okutuuka ku kwetaaya kuno, Kurisito n'eyatuteekuza okuva mu bwiru. Kale ni mwekalangule mulobe kweiza kabiri mu bwiru obwo.

Ab'e Galatia 5:10

Mu Musengwa nkakasa nti timwidha kuja na birowoozo bindi bitafaanana na byange era nti oyo abatabula ni bw'aliba ani alibonerezebwa.

2 Timotheo 3:6

Mu abo n'omuli abaja mu maka ag'abantu ni baagaanamu abakazi abanafu mu myoyo, ni babatwala ng'abairu. Bano n'abakazi abaidhwire ebibi era abatwalirizibwa ebintu kamaala.

Yakobo 1:25

Aye oyo eyeekalirisa amateeka amatuufu agaleetera abantu eidembe, era n'ageekalanguliraku nga tawulira buwulire ni yeerabira, aye ng'akola bye gakoba, omuntu oyo anaabanga wa nkabi mu buli ky'akola.

1 Petero 2:16

Mubenga ba idembe, aye mulobe kweyambisa idembe eryo mu kukola bubi. Mubenga bagheereza ba Katonda.

2 Petero 2:19

Babasuubiza eidembe ate nga beene bairu ba kibi kuba kiisi muntu aba mwiru w'ekyo ekimughangula.

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.