Ab'e Galatia 1:4 - Baibuli Ekibono kya Katonda 2014

⁴ Yesu Kurisito ono n'eyeeghaayo olw'okwona kwaife atununule mu byanda bino bye tulimu buti ebyonooni, nga Katonda Lata waife bwe yayenda.

Ab'e Galatia 1:4 ပူးပေါင်းရင်းမြစ်များ

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Ab'e Roma 4:25

Yesu oyo yaitibwa olw'ebibi byaife, yaazuukira tusobole okutoolebwaku omusango.

Ab'e Galatia 2:20

era tiri mulamu ku bwange aye Kurisito n'omulamu mu nze. Obulamu buno bwe ndi nabwo mperaano mu mubiri, ndi nabwo lwa kwikiriza Mwana wa Katonda eyangonza n'aghaayo obulamu bwe ku lwange.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

1 Timotheo 2:6

Oyo yeeghaayo olw'okununula abantu boonaboona. Ekyo kyakakasibwa mu kiseera kyakyo ekituufu.

Ab'Efeso 2:2

bye mwalimu nga mujiira ku bantu b'ensi nga bwe bakola, nga mufugibwa omukulu ow'emizimu egy'omu ibbanga, buti egikolera mu abo abatawulira Katonda.

1 Ab'e Thessalonika 3:13

Olwo abagumye emyoyo gyaimwe, mube nga muziraku musango, era mube abatukuvu mu maiso ga Katonda waife era Lata, ku lule Musengwa waife Yesu lw'aliidha n'abatuukirivu be boonaboona.

Ab'e Roma 12:2

Muteebisanga ng'abantu ab'ensi eno bwe beebisa, aye mukyuse ebirowoozo byaimwe musobolenga okumanha ebyo Katonda by'ayenda ebikalamu, ebiikirizibwa era ebituufu.

Ab'e Filippi 4:20

Ekitiisa kibenga kya Katonda waife era Lata waife ebyanda n'ebyanda. Amiina.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.

1 Yoanne 3:16

Ku kino kwe tumanhira okugonza. Nga Kurisito bwe yaghaayo obulamu bwe ku lwaife, twena tugwaine okughaayo obulamu bwaife ku lwa baganda baife.

1 Yoanne 2:2

Oyo n'omutango ogw'ebibi byaife, ate ti bibi byaife byonka aye n'ebibi eby'abantu abandi boonaboona.

1 Petero 3:18

kuba ni Kurisito atyo bwe yafa olw'ebibi byaife omukuzi mulala guti era yaamala. Oyo aziraku kibi yaafiirira aboonooni, olwo atutuuse ye Katonda. Yaitibwa mu mubiri aye yairizibwa obulamu mu mwoyo.

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.

Abaheburayi 6:5

Era abaali bamanhieku ku bulungi obw'ekibono kya Katonda era n'amaani agali kwidha.

2 Ab'e Thessalonika 2:16

Musengwa waife Yesu Kurisito mwene, era ni Katonda Lata eyatugonza olw'ekisa kye n'atugha eisanhu eritawaagho n'okusuubira ebirungi,

Yoanne 12:31

Kino n'ekiseera okusalira ensi omusango, mperaano abaire afuga ensi eno aja kubingibwa.

Matayo 26:28

kuba guno musaayi gwange, ogw'endagaano empyaka oguyuyibwa olw'abantu kamaala okusoniyibwa ebibi.

Isaia 65:17

“Bona, buti ndi kutonda eigulu eiyaaka n'ensi empyaka. Era ebintu ebyabita tibiriidhukirwa waire okulowoozebwaku.

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

Abaheburayi 2:5

Katonda tiyagha bamalaika kufuga nsi ye twogeraku eja okubaagho.

1 Ab'e Thessalonika 3:11

Tusaba Katonda waife era Lata waife, mwene ni Musengwa waife Yesu, atusobozese okwidha ye muli.

Ab'Efeso 6:12

kuba tituli kulwana na bantu buntu aye tuli kulwana n'emizimu emibi egy'omu ibbanga kamaala. Tuli kulwana n'abafuzi n'ab'obukumu, n'emisambwa egy'omu luse luno olw'ekizikiiza.

Ab'Efeso 1:11

Katonda akola byonabyona nga bw'ayenda ng'ajiira ku ntegeka ye, mu Kurisito oyo

Ab'e Galatia 6:14

Aye nze neesuuta lwa musalaba gwa Musengwa waife Yesu Kurisito gwonka kuba ku musalaba okwo ensi ngibona nga kwe yakomererwa, yoona yambona nga kwe nakomererwa.

Ab'e Roma 8:32

Oyo ataasaasira na mwana we mwene, aye n'amughaayo ku lwaife twenatwena, aliroba atya okutugheera aghalala n'Omwana we oyo ebintu byonabyona?

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

Ab'e Roma 1:7

Kale ni mbaghandiikira imwe mwenamwena ab'e Roma, Katonda b'agonza era be yayeta okuba abantu be. Katonda Iseife ni Musengwa waife Yesu Kurisito abaghe enkabi n'emiraala.

Yoanne 10:11

“Ninze omwayi omulungi, omwayi omulungi aghaayo obulamu bwe olw'entaama dhe.

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Yoanne 5:30

“Tisobola kukola kintu kyonakyona ku bwange; nsala omusango nga bwempulira aghazira kusaliriza, kuba tinuyirira kukola nga bwe nhenda aye nga Lata eyantuma bw'ayenda.

Luka 22:42

yaakuba amakiryaivu, yaasaba, ati: “Lata, bwe kuba nga n'okwenda kwo ntoolaaku ekikopo kino, aye ti nga nze bwe nhenda aye nga iwe bw'oyenda.” [

Mariko 10:45

kuba n'Omwana w'Omuntu tiyaidha kugheerezebwa aye kugheereza n'okughaayo obulamu bwe, olw'okununula abantu kamaala.”

Matayo 26:42

Kabiri yaaja omukuzi ogwokubiri yaasaba ng'akoba ati: “Lata, oba nga ekikopo kino tikighanga kuntoolebwaku, okutoolaku nga nkinhweire, kikolebwe nga bw'oyenda.”

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Zabbuli 40:8

Wo Katonda wange, nhenda inho okukola by'oyenda, era amateeka go gandi ku mwoyo.”

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.

Ab'e Roma 8:27

Era Katonda akebera emyoyo gy'abantu era aidhi Mwoyo ky'adhuuba, kuba Mwoyo n'ayogererayo abantu ba Katonda, nga Katonda bw'asiima.

Luka 22:19

Olwo yaatoola omugaati yeeyanza Katonda, yaagumegulamegulamu, yaabagha ng'akoba ati: “Guno n'omubiri gwange, [ogugheebwayo ku lwaimwe. Kino mukikolanga okundidhukira.”

Matayo 13:22

Ensigo edhaagwa mu mawa, n'oyo awulira ekibono aye okweraliikirira eby'obulamu obw'ensi, n'okuguyibwa eby'obukombe bifundekeza ekibono kyaloba kwama naire.

1 Ab'e Korintho 15:3

Nabagha ekibono ekisinga bukulu, zeena kye nagheebwa, ekikoba kiti Kurisito yafa olw'ebibi byaife nga bwekiri mu Byaghandiikibwa.

Ab'Efeso 5:16

Buli kaseera ke muli nako mukakozese bukalamu, kuba enaku dhino mbi.

1 Ab'e Thessalonika 1:3

Twidhukira mu maiso ga Katonda era Lata waife, nga bwe mwoleka okwikiriza n'okugonza kwaimwe mu bye mukola, era twidhukira nga bwe mwoleka eisuubi lyaimwe eritakoma mu Musengwa waife Yesu Kurisito.