Ab'e Filippi 4:9 - Baibuli Ekibono kya Katonda 2014

⁹ Era mukolenga ebyo bye nabeegeresa, era ni bye nabagemya mu bibono byange era ni mu bye nakolanga. Era Katonda mwene kugha miraala aidha kubanga n'imwe.

Ab'e Filippi 4:9 ပူးပေါင်းရင်းမြစ်များ

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Matayo 7:21

“Buli muntu andheta ati: ‘Musengwa, Musengwa’, ti n'alingira mu Bwakyabazinga obw'omu igulu, aye oyo akola Lata wange ali mu igulu ky'ayenda.

Luka 6:46

“Lwaki mundheta Musengwa, Musengwa, ng'ate timukola bye nkoba?

Luka 8:21

Yesu yaabairamu ati: “Mukaire wange ni baganda bange n'abo abawulira ekibono kya Katonda era ni bakikoleraku.”

Yoanne 13:17

Bino bwe muba mubiidhi, muli ba nkabi bwe mubikola.

Yoanne 15:14

Bwe mukola bye mbalagira muba bakagwa bange.

Yoanne 2:5

Aye inhina yaakoba abagheereza ati: “Ky'abakoba kyonakyona kye mube mukole.”

Ebikolwa by'Abatume 9:6

Aye situka oje mu kibuga. Eyo ye banaakukoberera ky'ogwaine okukola.”

Ab'e Roma 15:33

Katonda mwene kugaba miraala, abe n'imwe mwenamwena. Amiina.

Ab'e Roma 16:20

Kale ni Katonda ensimuko ey'emiraala gyaife, mangu inho aja kutyankirira Sitaani ghansi gh'ebigere byaimwe. Enkabi dha Musengwa waife Yesu Kurisito dhibenga n'imwe.

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

1 Ab'e Korintho 14:33

kuba Katonda tayenda tube mu kudoobaana, aye ayenda tube miraala, nga bwekiri mu Bikunsu eby'Abaikiriza mu Kurisito byonabyona.

1 Ab'e Korintho 4:16

Kale mbeeghembye muntwale ng'eky'okuboneraku.

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

Amateeka Agokubiri 5:1

Agho Musa yaayeta Abaisiraeli boonaboona, yaabakoba ati: “Imwe Abaisiraeli, muwulire amateeka n'ebiragiro bye ndi kubagha olwaleero. Mubyege era mwegendereze okubituukirizanga.

Ab'e Filippi 3:17

Aboluganda, mukolenga nga nze bwe nkola, era mugenderere abo abajiira ku by'okuboneraku ebituufu bye twabateeragho.

Ab'e Filippi 4:7

Era n'emiraala gya Katonda egiswikiriire okumanha kwonakwona gikuume emyoyo n'amagezi gaimwe mu Kurisito Yesu.

1 Ab'e Thessalonika 1:6

Era n'imwe bwemwebisanga nga mubonera ku ife ni ku Musengwa, kuba waire mwadaazibwadaazibwa inho olw'ekibono, mwakiikiriza n'eisanhu eriva mu Mwoyo Mutukuvu.

1 Ab'e Thessalonika 2:14

Aboluganda, mwaba oti n'ab'omu Bikunsu eby'Abaikiriza mu Kurisito Yesu ebya Katonda eby'omu Buyudaaya. Mwena mwadaazibwadaazibwa ab'eighanga lyaimwe nga bale bwe badaazibwadaazibwa Bayudaaya banaibwe.

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

2 Ab'e Thessalonika 3:4

Tubeesiga mu Musengwa era tukakasa nga mukola, era nga mwidhanga kukola nga bwe tubalagira.

2 Timotheo 4:22

Musengwa abe n'omwoyo gwo. Enkabi dha Katonda dhibe n'imwe mwenamwena.

Yakobo 1:22

Mulobenga kwesubagha nga muwulira buwulire ekibono, aye mukolenga nga bwe kikoba.

2 Petero 1:10

Kale ni aboluganda, mufubenga inho okwekalangulira ku kwetebwa Katonda kwe yabeetamu n'okulondebwa kwe yabalondamu, birobe kukyukamu. Bwe mukola mutyo timuja kugwa

1 Yoanne 3:22

Era kiisi kye tumusaba tukifuna, kuba tugema ebiragiro bye era bye tukola bimusangaaza.