Ab'e Filippi 4:3 - Baibuli Ekibono kya Katonda 2014

³ Era weena mukozi munange omwesigwa nkweghemba oyambe abakazi abo, kuba baakola inho ninze mu kusansaania Amawulire Amalungi. Era nga batyo bwe baali ni Kelementi, era ni bakozi banange abandi, beene maina agali mu kitabo kya Katonda eky'obulamu.

Ab'e Filippi 4:3 ပူးပေါင်းရင်းမြစ်များ

Zabbuli 69:28

Amaina gaibwe ka gasasibwe mu kitabo eky'obulamu; gatoolebwe mu lukalala olulimu abatuufu.

Okuvaayo 32:32

Aye ndi kukusaba obasonighe ekibi kyaibwe ekyo. Bw'oba nga toobasonighe, sasa eriina lyange mu kitabo kyo mw'oghandiika abantu bo.”

Isaia 4:3

Kiisi muntu yeenayeena aliba ng'asigairegho mu Sioni, ng'alondeibwa okusigala nga mulamu mu Yerusalemu, alyetebwa mutukuvu.

Ezekieli 13:9

Nja kubabonereza imwe abalanzi abafuna okubonekerwa okw'obulimba era abalanga eby'obuguya. Timulityama mu lwekobaano lwa bantu bange, waire okughandiikibwa mu kitabo eky'ab'eighanga lya Isiraeli. Era timuliirayo mu nsi yaimwe Isiraeli naire. Olwo mulimanha nga ninze Musengwa Katonda.

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Luka 10:20

Aye mutasangaala olw'okuba emizimu gibawulira, musangaale olw'okuba amaina gaimwe gaaghandiikibwa mu igulu.”

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Ab'e Roma 16:12

Muunamukize Torufaina ni Tirufosa abakola omulimo gwa Musengwa. Muunamukize ni mukagwa wange Perusi eyakolera Musengwa emirimo ekyodo.

Ab'e Roma 16:9

Mulamuse Urubano mukozi munaife mu Kurisito ye tugheereza naye. Mulamuse ni Sitaku mukagwa wange.

Ab'e Filippi 1:12

Aboluganda, nhenda mumanhe ng'ebyo ebintuuseeku byongeire okuyamba Amawulire Amalungi okusansaana.

Ab'e Filippi 1:16

Bano babikola mu kugonza nga baidhi nga nateebwa ghano lwa kulwanirira Amawulire Amalungi.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Ab'e Filippi 1:5

olw'ensambo ye mumbeeraku mu kukobera abantu Amawulire Amalungi, okuviira irala ku lunaku lwe natoolera, okutuusa ni ye buli eno.

Ab'e Filippi 1:7

Ndi mutuufu okubalowoozaaku ntyo mwenamwena kuba mundi ku mwoyo, ate era kuba mugabanira ghalala ninze ku kisa kya Katonda, ka kibe mu busibe bwange mu ikomera, oba mu kulwanirira n'okukakasa Amawulire Amalungi.

Ab'e Filippi 4:2

Ewodia ni Suntuke, mbeeghembye mwisanie mu kuwulira Musengwa.

Ab'e Kolosai 1:7

Mwakyega okuva ku Epafura mugheereza munaife era ye tugonza einho, omugheereza wa Kurisito omwesigwa ku lwaife.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 17:8

Ekisolo ky'oboine kyaligho, aye mperaano tikikaaligho. Aye kiidha kuniinaniina okuva mu lwina olutakoma, kije kizikirizibwe. Abantu abali ku nsi, beene maina agataaghandiikibwa mu kitabo eky'obulamu, okuva ensi lwe yatondebwa, balyewuunhia bwe balibona ng'ekisolo ekyaligho, mperaano tikikaaligho, ate nga kiriidha.

Okwolekebwa 20:12

Naabona abafu, abakulu n'abato, nga beemereire mu maiso g'ekityamo ekyo eky'obwakyabazinga. Ebitabo byawumbululwa. Era n'ekitabo ekindi kyawumbululwa, ekitabo eky'obulamu. Abafu baasalirwa omusango okuva ku bye baakola, ebyaghandiikibwa mu bitabo.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.

Okwolekebwa 3:5

Oyo aghangula, alivaazibwa ebivaalo ebyeru, era tirisasa liina lye mu kitabo kya bulamu, aye ndiryatula mu maiso ga Lata, n'aga bamalaika be.