Ab'e Filippi 4:1 - Baibuli Ekibono kya Katonda 2014

¹ Agho ni aboluganda abagonzi era abatanva ku mwoyo, neegomba inho okuba n'imwe aghalala, kuba niimwe eisanhu lyange era niimwe okwenhumiriza kwange. Bakagwa, obwo n'obulamu bwe mube mwekalanguliremu mu Musengwa.

Ab'e Filippi 4:1 ပူးပေါင်းရင်းမြစ်များ

Yobu 31:36

bwenebwene nandigubbeedeire ku ibega gwabonebwa. Nandigutaire ku mutwe gwange ng'oti ngule.

Zabbuli 125:1

Abo abeesiga Musengwa Katonda bali ng'oti n'olusozi Sioni, olutatengeeseka era olutavaagho ebyanda n'ebyanda.

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Matayo 10:22

Abantu boonaboona balibakyagha olw'eriina lyange. Aye oyo alyekalangula okutuusa ku nkomerero, alirokolwa.

Yoanne 8:31

Yesu yaakoba Abayudaaya abaamwikiriza ati: “Bwe mukalangukira ku kibono kyange, ng'olwo muli beegeresebwa bange beenebeene.

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Ebikolwa by'Abatume 2:42

Beekalangulira mu kwegeresebwa kw'Abatume, ni mu kwisa ekirala, mu kumegula omugaati, ni mu kusaba.

Ab'e Roma 2:7

Abo abanoonia ekitiisa, okusaakibwa n'obutafa nga banhiinkiira okukola obukalamu, alibagha obulamu obutawaagho

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

1 Ab'e Korintho 16:13

Mumogenga butatemya, munhwere mu kwikiriza, mube bagumu era ba maani.

2 Ab'e Korintho 1:14

nga bwe mwabitegeeraku akatono, mughange okwesiima olwaife, oti niife bwe tulyesiima olwaimwe ku lunaku lwa Musengwa waife Yesu.

Ab'e Galatia 5:1

Okutuuka ku kwetaaya kuno, Kurisito n'eyatuteekuza okuva mu bwiru. Kale ni mwekalangule mulobe kweiza kabiri mu bwiru obwo.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Ab'e Filippi 1:8

Katonda n'omudhulirwa wange akakasa nga bwe mbalumirwa omwoyo mwenamwena mu kugonza kwa Kurisito Yesu.

Ab'e Filippi 2:16

Mukalangule ekibono eky'obulamu memale ku lunaku lwa Kurisito nsobole okwenhumiriza nti amaani n'okufaabiikana kwange tibyafa busa.

Ab'e Filippi 2:26

Kuba omwoyo gubaire gumuluma inho okubabonaku mwenamwena, era abairenga n'enaku ku mwoyo olw'okuba mwawulira bwe yalwala.

Ab'e Kolosai 4:12

Epafura, owundi ku abo ab'ewaimwe, ate era omugheereza wa Kurisito Yesu, abalamwisa. Buliidho abasabira n'omwoyo gwe gwonagwona mwekalangule ng'abantu abakulu abeekakasa mu ebyo Katonda by'ayenda.

1 Ab'e Thessalonika 3:13

Olwo abagumye emyoyo gyaimwe, mube nga muziraku musango, era mube abatukuvu mu maiso ga Katonda waife era Lata, ku lule Musengwa waife Yesu lw'aliidha n'abatuukirivu be boonaboona.

2 Ab'e Thessalonika 2:15

Agho ni, aboluganda, mwekalangulire ku by'amazima bye twabeegeresa, mu bibono bye twayogera ni mu mbaluwa yaife.

2 Timotheo 2:1

Iwe niini mwana wange, weekalangule ng'oyambibwa amaani agali mu kwisa ekirala mu Kurisito Yesu.

Abaheburayi 10:23

Tukalangule eisuubi lye tuli nalyo kuba Katonda eyatusuubiza mwesigwa.

Abaheburayi 3:14

Kiri nti tuba tuli kwisa kirala mu Kurisito, kasita tukalangula obwesige bwaife bwe twatoolera nabwo, ni tubutuukiza irala ku nkomerero.

Abaheburayi 4:14

Kale nga bwe tuli n'Omukulu wa Bakabona omukologho atyo, Yesu Omwana wa Katonda, eyajiira irala ye Katonda, tukalangukire ku kwikiriza kwaife kwe twatula.

2 Petero 3:17

Imwe ni bakagwa, nga bwe mukiidhi obukalamu, mwekuume mulobe kutwalibwa mu bukyamu bwa bantu babi, na kuva ghe mwekalanguliire kugwa.