Ab'e Filippi 3:8 - Baibuli Ekibono kya Katonda 2014

⁸ Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

Ab'e Filippi 3:8 ပူးပေါင်းရင်းမြစ်များ

1 Bakyabazinga 14:10

Kale ni bona eno, ndidha kutuusa akabi ku b'endhu yo iwe Yeroboamu, mmaliregho irala kiisi wa ku lulyo lwo ayetebwa omusaadha, k'abe omusibe oba ow'eidembe. Era ndidha kusaanizaagho irala ab'endhu yo, ng'oti n'omuntu bw'ayokya obusa okutuusa lwe buweekereragho bwonabwona.

2 Bakyabazinga 9:37

Omulambo gwe guliba mu nsiko ey'eyo mu Yezireeli ng'oti bwa busa, ghabulegho aghanga n'okukoba ati ono ni Yezebeli.’ ”

Yobu 20:7

Aye alifuuyibwa empewo yaawaagho ng'oti nkungu. Abo ababaire bamubona balyebuuza ye yaaja.

Zabbuli 126:6

Abo abaja nga balira, nga batwala ensigo, baliira nga bakuba mizira, nga beetwise bye bakungwire.

Zabbuli 73:25

Eyo mu igulu nzirayo wundi ali ku lwange okutoolaku iwe era ni ku nsi kuzira kye neetaaga okutoolaku iwe.

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Malaki 2:3

Ndibonereza abaana baimwe, n'imwe beene naababbaaka obusa bw'ensolo dhe mughaayo ng'emisengo. Era ndibabinga ghe ndi.

Okubala 14:30

ghazira waire mulala ati alituuka mu nsi ye nabalayirira okubagha, okutoolaku Kalebu mutabane wa Yefune, ni Yoshua mutabane wa Nuni.

Luka 1:43

Kiviire kuki inhina Musengwa wange okwidha ye ndi?

Luka 11:20

Aye oba nga emizimu emibi ngibinga na bukumu bwa Katonda, agho ni Obwakyabazinga bwa Katonda butuuse mu imwe.

Yoanne 14:20

Olunaku olwo bwe lulituuka mulimanha nga mba mu Lata wange, imwe mwaba mu nze, ate nze naaba mu imwe.

Yoanne 14:7

Nguli nze mundidhi ni Lata wange mwandimumanhie, era okuva ni mperaano mumwidhi era mumuboine.”

Yoanne 16:3

Ebintu bino balibikola olw'okuba tibamanhanga Lata waire nze.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Yoanne 17:8

Kuba ebibono bye wampa mbibakobeire era baabisangaalira. Bamanhie bati bwenebwene nava y'oli era baikiriza nga niiwe owantuma.

Yoanne 20:13

Baamukoba bati: “Mukazi iwe, olirira ki?” Yaabairamu ati: “Batoiremu Musengwa wange era tiidhi ghe bamutaire.”

Yoanne 20:28

Thomasi yaamwiramu ati: “Musengwa wange era Katonda wange!”

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ab'e Roma 8:18

Tidhuuba nga okudaagadaaga buti kwe tulimu kughanga okwagayaga n'ekitiisa ekiritwolekebwa.

Ab'e Roma 8:39

waire obugungumavu, waire okwika ghansi, waire ekitonde ekindi kyonakyona, tibirisobola kututoola ku kugonza kwa Katonda okuli mu Kurisito Yesu Musengwa waife.

1 Ab'e Korintho 2:2

Kuba nasalagho okuleka ebindi byonabyona okutoolaku Yesu Kurisito n'okufa kwe ku musalaba.

1 Ab'e Korintho 9:10

Bwene yali tategeeza ife? Kyaghandiikibwa ku lwaife, kuba alima agwana okulima ng'asuubira, ate asekula agwana okusekula nga asuubira okugheebwa ku by'asekula.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,

Ab'Efeso 4:13

okutuusa twenatwena lwe tulituuka okuba omuntu mulala mu kwikiriza ni mu kumanha Omwana wa Katonda. Olwo tukakate mu by'omwoyo, era tube abatuukiriire mu bulamu bwa Kurisito.

Ab'e Filippi 1:1

Ninze Paulo ni Timotheo abagheereza ba Kurisito Yesu. Tughandiikiire abatuukirivu boonaboona abaisa ekirala mu Kurisito Yesu abali e Filippi, n'abalabirizi n'abagheereza.

Ab'e Filippi 3:10

Era nhenda okumumanha amaani ag'okuzuukira kwe, n'okudaazibwadaazibwa nga mwene bwe yadaazibwadaazibwa, era n'okumufaanana mu kufa kwe.

Ab'e Filippi 3:12

Tikoba nti naghangula, oba nti namala okutuukirira aye neekalangula okufuna ekyo Kurisito Yesu kye yavaaku okunfuula owuwe.

Ab'e Filippi 3:7

Aye oba nga nafunamu eigoba lyonalyona, eigoba eryo buti ndibala nti kwali kufiirwa ku lwa Kurisito.

2 Timotheo 4:6

Kuba nze ndi kumpi okugheebwayo ku alutaari ng'omusengo, esaawa yange ey'okuva mu bulamu buno teri ghala.

Abaheburayi 3:14

Kiri nti tuba tuli kwisa kirala mu Kurisito, kasita tukalangula obwesige bwaife bwe twatoolera nabwo, ni tubutuukiza irala ku nkomerero.

1 Petero 2:7

Kyava n'aba ow'omughendo einho ye imwe abamwikiriza, aye y'abo abatamwikiriza, ebyaghandiikibwa bikoba biti: “Eibaale abazimbi lye baasuula bati lizira mugaso, n'eryafuuka empango ey'omusingi mu nsonda.”

2 Petero 1:2

Enkabi n'emiraala byeyongerenga mu imwe mu kumanha Katonda ni Yesu Musengwa waife.

2 Petero 1:3

Musengwa waife oyo, mu buyinza bwe nga Katonda, yatugha byonabyona bye twetaaga okuba abalamu n'okutya Katonda, nga tubita mu kumanha oyo eyatweta tube mu kitiisa kye ni mu bulungi bwe.

2 Petero 1:8

Kuba bwe muba ni bino era ni byeyongeraku obungi, bibafuula bakozi ba bikolwa birungi ebyoleka nga bwe mwidhi Musengwa Yesu Kurisito.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

1 Yoanne 1:3

Ekyo kye twabona era kye twawulira mwena kye tubakobera, musobole okutweyimbaku mu kwisania. Okwisania kwene kwe tuli nakwo ni Lata era n'Omwana we Yesu Kurisito.

1 Yoanne 2:19

Abantu abo baava mu ife, aye tibaali baife, kuba nguli baali baife bandibaire nga bakaali n'ife. Aye baatuvaamu, kimanhikanire irala nga boonaboona ti baife.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.