Ab'e Filippi 3:21 - Baibuli Ekibono kya Katonda 2014

²¹ Ono n'alikyusa emibiri gyaife eminafu era egifa n'agifuula ng'oti n'ogugwe ogw'ekitiisa, ng'akozesa amaani agamusobozesa okuta ebintu byonabyona mu bufuzi bwe.

Ab'e Filippi 3:21 ပူးပေါင်းရင်းမြစ်များ

Olwembo 1:11

Twidha kukukolerayo n'ebyamadholobera ebya zaabu, tubidholigedholige ni feeza.

Isaia 25:8

Musengwa Katonda alizikiriza okufa kwasaaniragho irala ebyanda n'ebyanda. Alyeya abantu be boonaboona amaziga, yaatoolagho n'okuswazibwa kwe baali nakwo mu nsi yoonayoona. Musengwa Katonda oyo mwene n'ayogeire.

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Hosea 13:14

Tirinunula bantu bano kubatoola mu magombe, waire okubawonia okufa. Iwe Okufa, ebibamba by'osindikira abantu biri gha? Iwe Amagombe, okuzikiriza kwo kuli gha? Nze tikaali na kusaasira naire.

Matayo 17:2

Agho yaafuuka obundi nga babona, amaiso ge gaayaka oti ndhuba, n'ebivaalo bye byayakaayakana oti musana.

Matayo 22:29

Yesu yaabairamu ati: “Mughaba inho olw'obutamanha Byaghandiikibwa, waire okumanha amaani ga Katonda

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Ab'e Roma 8:29

Kuba abo be yalonda yabaawula era yaabategeka okufaanana Omwana we, Omwana we oyo abe omuberi mu baganda be kamaala.

Ab'e Kolosai 3:4

Kurisito n'obulamu bwaife era bw'aliboneka olwo mwena mulibonekera ghalala naye mu kitiisa.

1 Yoanne 3:2

Bakagwa, mperaano tuli baana ba Katonda. Kye tuja okuba kikaali kumanhika, aye kye twidhi ni kino nti Kurisito bw'aliboneka tuliba oti ni mwene, kuba tulimubona nga bw'ali.

Okwolekebwa 1:8

Musengwa Katonda Aghanga Ebintu Byonabyona akoba ati: “Ninze Alufa ni Omega entoolo era Enkomerero, aligho, eyaligho era aliidha.”