Ab'e Filippi 3:20 - Baibuli Ekibono kya Katonda 2014

²⁰ Aye ife obutaka bwaife buli mu igulu, era tulindirira nga twesunga Omulokozi alivaayo, Musengwa Yesu Kurisito.

Ab'e Filippi 3:20 ပူးပေါင်းရင်းမြစ်များ

Zabbuli 16:11

Ondholeka engira entuusa mu bulamu; gh'oli n'aghali okusangaala okwidhuvu, mu mukono gwo omusaadha n'omuva okusagamba.

Zabbuli 17:15

Aye nze ndidha kulingiriranga amaiso go, kuba nziraku musango. Buli lwe nnaazuukanga ndidha kubanga musangaavu okukubona nga bw'oli.

Ensambo 15:24

Omuntu omugezi agema engira emutwala ghaigulu eri obulamu, awone okuja ghansi mu magombe.

Matayo 19:21

Yesu yaamukoba ati: “Oba ng'oyenda okuba atuukiriire, ja otane ebibyo, oghe abaavu, era oidhe onnonereze, obukombe oliba nabwo mu igulu.”

Luka 12:21

“Atyo bw'aba ole eyeesololeza eby'obukombe eby'oku nsi ate nga mu bya Katonda ti mukombe.”

Luka 14:14

olwo oliba wa nkabi, kuba bazira kye balikusasula olisasulwa ng'abatuufu bazuukira.”

Ebikolwa by'Abatume 1:11

era baakoba bati: “Abasaadha Abagalilaaya, lwaki mwemereire mwalingirira eigulu? Yesu ono abatooleibwaku n'atwalibwa mu igulu, atyo era bw'aliira nga bwe mumuboine ng'aja mu igulu.”

1 Ab'e Korintho 1:7

Olwo ghaabula ekitone eky'omwoyo kyonakyona kye muzira, nga bwe muteegerera okweyoleka kwa Musengwa waife Yesu Kurisito.

1 Ab'e Korintho 15:48

Ng'eyakolebwa mu nkungu bwe yali, n'abo abaakolebwa mu nkungu boona bwe bali. Era ng'eyava mu igulu bw'ali, n'abo ab'omu igulu boona bwe bali.

2 Ab'e Korintho 4:18

Tujiira ku bintu ebitaboneka, aye ti ebyo ebiboneka kuba ebyo ebiboneka bya kaseera buseera, aye ebyo ebitaboneka tibiwaagho.

2 Ab'e Korintho 5:8

Tuli bagumu era kasinga tulekayo okuba mu mubiri guno aye twaba ni Musengwa.

Ab'e Galatia 4:26

Aye Yerusalemu eky'omu igulu kiziramu bwiru era ni inhaife.

Ab'Efeso 2:19

Agho ni timukaali bagwira oba basenze, aye muli ba nsi ndala n'abatuukirivu, era muli ba mu ndhu ya Katonda

Ab'Efeso 2:6

Mu Kurisito Yesu, Katonda yatuzuukiza ghalala ni Kurisito oyo, era yaatutyamya mu igulu.

Ab'e Filippi 1:10

Olwo mube nga musobola okulondagho ekyo ekisinga bukalamu, mube abaamufu era abaziraku musango ku lunaku lwa Kurisito.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Ab'e Kolosai 1:5

olw'ebyo bye musuubira, ebyabakuumirwa mu igulu. Bino mwabiwuliraku mu bibono eby'amazima, Amawulire Amalungi.

1 Ab'e Thessalonika 1:10

Era n'okulindirira Omwana we Yesu okuva mu igulu oyo ye yazuukiza okuva mu bafu, atuwonia ekiruyi kya Katonda ekiri kwidha.

1 Ab'e Thessalonika 4:16

Musengwa mwene aliika ng'ava mu igulu, ekiragiro kyawulirwa mu iroboozi ery'amaani, isebamalaika yaayeta era endeka ya Katonda yaavuga. Abo abaafa nga baikiriza mu Kurisito n'abalisooka okuzuukira,

2 Timotheo 4:8

Era mperaano Katonda ambiikiire eyo obutuufu ng'ekirabo eky'obughanguzi, Musengwa era omulamuzi omutuufu ky'alimpa ku Lunaku lule. Taligha nze zenka aye aligha abo boonaboona abeesunga okwira kwe.

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Abaheburayi 12:22

Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.

Abaheburayi 9:28

ni Kurisito atyo bwe yagheebwayo omukuzi mulala olw'okutoolagho ebibi eby'abantu kamaala. Aliboneka omukuzi ogwokubiri, ti lwa kibi aye lwa kulokola abo abamulindirira.

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.