Ab'e Filippi 3:19 - Baibuli Ekibono kya Katonda 2014

¹⁹ Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.

Ab'e Filippi 3:19 ပူးပေါင်းရင်းမြစ်များ

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Zabbuli 52:1

Iwe ow'amaani, lwaki weesaaka olw'ebibi by'okola ku abo abatya Katonda? Olunaku lwonalwona

Yeremia 44:17

Twidha kwongera okukolanga byonabyona bye tweyama okukola. Twidha kuniokezanga obubbaani omusambwa gwaife omukazi, ogwetebwa Kyabazinga Omukazi ow'Eigulu, era twidha kugughanga ebigheebwayo ebifukibwa. Ebyo twidha kubikolanga, ng'oti niife beene bwe twabikolanga, era ng'oti ni badhaadha baife, ni bakyabazinga baife, n'abakungu baife, bwebaabikolanga mu bibuga eby'e Buyudaaya ni mu nguudo edh'omu Yerusalemu kuba mu biseera ebyo twabanga n'emere kamaala, nga buli kintu kitujiira bukalamu, era nga tuzira bizibu naire.

Ezekieli 13:19

Mwonoona eriina lyange mu bantu bange, nga mwenda okufunayo emiganda obuganda egya sayiri, n'ebitole obutole eby'emere. Mwaita abantu abatagwaniire kufa, ate abatagwaniire kuba balamu mwabawonia. Era mwakobera abantu bange eby'obuguya, era boona baabawulirisa.”

Ezekieli 34:3

Munhwa amata n'omuzigo, mwavaala ebivaalo ebikolebwa mu buviiri bwadho, mwaita edhipiitiibwa ensavu mwadhirya, aye nga timulabirira ntaama edho naire.

Hosea 4:7

Imwe bakabona ye mukoma okweyongera okuba abangi, ye mukoma n'okweyongera okwonoona ye ndi. Kale ni ndibaleetera okuswazibwa mu kifo eky'okuteebwamu ekinhagansi.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Mika 3:5

Abalanzi abaguya badaaliimya abantu nga basuubiza miraala oyo abagha eky'okulya, ate baalanga okwidha kw'olutalo eri oyo azira ky'abaghaire.

Malaki 1:12

Aye imwe muunhooma nga mukoba muti alutaari yange yayonooneka, n'emere egiriku ti nongoofu.

Matayo 16:23

Aye Yesu yaakyuka yaakoba Petero ati: “Nva mu maiso Sitaani, oli kitimuguunha mu ngira yange kuba ebya Katonda tobitegeera, otegeera bya bantu.”

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Luka 12:19

Era olwo nkobe omwoyo gwange nti: Mwoyo gwange, ofunie ebirungi kamaala, wuumula, olye, onhwe osagambe.’

Luka 16:19

“Ghaaligho omusaadha omukombe eyavaalanga ebivaalo bya nakasooma nga byakolebwa mu ngoye mpegheevu, era nga buli lunaku yabanga oti ali ku mbaga.

Luka 18:4

Omulamuzi yaamala entangama ng'alobye. Aye olumaliira yaakoba mu mwoyo gwe ati, ‘Waire titya Katonda, era ghazira muntu yeenayeena ye ntaamu kinhagansi,

Ab'e Roma 16:18

kuba abantu abakola ebintu oti n'ebyo tibagheereza Musengwa waife Kurisito aye bakolerera nda dhaibwe. Bakozesa ebibono ebinhoonha era ebisaakiriza, baaguya abantu abazira kabi.

Ab'e Roma 6:21

Aye mwaganhulwamu ki okukola ebintu ebyo ebibagemya n'ensoni mperaano? Kuba enkomerero y'ebintu ebyo kufa.

1 Ab'e Korintho 3:3

kuba mukaali ba nsi. Kuba oba mu imwe mukaalimu ensaalwa n'okusoolasoola, kino tikyoleka nga mukaali ba nsi era ng'abantu abandi bwe bali?

1 Ab'e Korintho 5:2

Kale musobola mutya okwetwala ng'aba ghaigulu? Mwandibaire nga munakughala bunakughale, era omusaadha eyakola ekintu oti n'ekyo abingibwe mu imwe abantu ba Katonda.

1 Ab'e Korintho 5:6

Timuli batuufu okwetwala okuba aba ghaigulu. Timwidhi ng'ekizimbulukusa ekitono kizimbulukusa engaano yoonayoona mwe kiteereibwa?

2 Ab'e Korintho 11:12

Kye nkola buti ndidha kweyongera okukikola, nsobole okulemya abo abeesaaka nga bakoba mbu bye bakola n'ife bye tukola biri ku musingi mulala.

2 Ab'e Korintho 11:15

Kale tikyewuunhisa n'abagheereza be bwe beefuula okuba abagheereza ab'obutuufu. Ku nkomerero balifuna ekituukana n'ebikolwa byaibwe.

Ab'e Galatia 6:13

Kuba n'abo beene abajiira ku ky'okukeketebwa tibagema Mateeka, aye benda imwe mukeketebwe olwo beesuute olw'okubapikiriza ni muganha omukolo obukolo ogwo ogukolebwa ku mubiri.

Ab'e Filippi 2:21

Abandi bafa ku byaibwe byonka, tibafa ku bya Yesu Kurisito.

Ab'e Kolosai 3:2

Mulowooze ku bintu ebiri mu igulu, aye ti ku bintu eby'oku nsi.

2 Ab'e Thessalonika 1:9

Ekibonerezo kye balifuna kya kuzikirira, na kubingibwa mu maiso ga Musengwa aghali ekitiisa kye eky'amaani.

2 Ab'e Thessalonika 2:12

Ekirivaamu n'abo boonaboona abaaloba okwikiriza amazima ni basangaalira ekibi, okusalirwa omusango okubasinga.

2 Ab'e Thessalonika 2:8

Olwo ni ng'Omubi Isaababi oyo yeeyoleka. Aye Musengwa Yesu lw'aliidha aja kumwita n'omuuka gwe ogw'omu kanwa, era aja kumuzikiriza n'okumesunkana okw'okwidha kwe.

1 Timotheo 6:5

n'okughaghaana. Ebyo byonabyona bikolebwa abantu ab'omwoyo omubi, abaawaamu amazima, abatwala okwikiriza ng'engira ey'okukombaghala.

2 Timotheo 3:4

abateesigika, abagwidhubana, abaghaganhala olw'okwebona nga ba ghaigulu, abagonza eby'amasanhu mu kifo ky'okugonza Katonda,

Yakobo 4:16

Aye mperaano mwesuutiriza era mwekudumbaza. Okwekudumbaza ng'oti n'okwo kubi.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

2 Petero 2:13

Era balidaagadaaga nga bwe badaazadaaza abantu. Kibasangaaza okukola ebinhoonha emibiri gyaibwe omusana omukulu. Abantu bano baswaza era bagemya ensoni bwe baidha ni babeeyimbaku ku biiwulo byaimwe. Kino kibanhoonha inho bwe babona nga beene bali kuguya imwe.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.

Yuda 1:10

Aye abantu bano bavuma kiisi kye bataidhi, ate ebyo bye baidhi babiidhi bwa mu butonde okufaananaku ensolo edh'omu nsiko. Era byene ebyo n'ebibazikiriza.

Yuda 1:16

Abantu bano buli kaseera baba mu kutolooma olw'obutasiima, bageyigeyi, bajiira ku kwegomba kwa mibiri gyaibwe, beesaaka era baasuutiriza abantu nga bali ni kye babendaku.

Yuda 1:4

Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw'ekisa kya Katonda nga benda bwisanie n'obudankaanu bwaibwe. Era beegaana Yesu Kurisito Omukulu waife era Musengwa waife yenka ati.

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.

1 Samueli 2:29

Lwaki timwisa kitiisa mu misengo gyange n'ebigheebwayo byange bye nalagira abantu bange okumpa? Iwe Eli, lwaki ogha batabane bo ekitiisa ekinene okusinga ky'ompa nze, ni mugeedhera ku bisinga obulungi, mu ebyo abantu bange Abaisiraeli bye baghaayo?