Ab'e Filippi 3:18 - Baibuli Ekibono kya Katonda 2014

¹⁸ Kuba, nga bwe mbaire ntera okubakoberaku, era ni mperaano ndhiramu okubakobera nga ndira n'amaziga. Ghaligho abantu kamaala abafuuse abazigu ab'okufa kwa Kurisito ku musalaba olw'ensambo ye beebisaamu.

Ab'e Filippi 3:18 ပူးပေါင်းရင်းမြစ်များ

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Isaia 8:11

Musengwa Katonda yandabula inho ng'ansikirira ndobe kujiiranga ku mpisa dha bantu bano. Yaakoba ati:

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Abalevi 11:16

ni maaya, n'ensega ey'oku maadhi, n'akakologo, n'edhindi edhiri mu bika byadho;

Abalevi 13:8

Kabona anairangamu okumwekebeedha. Era okubutukabutuka bwe kunaabanga nga kweyongeire okusansaana ku mubiri, anaamulangiriranga ati tiimulongoofu; olwo anaabanga ng'ali n'endwaire ey'ebigenge.

Luka 19:41

Agho Yesu yaatuuka okumpi n'ekibuga, bwe yakibona yaalira.

Ebikolwa by'Abatume 20:19

Naagheereza Musengwa n'obugonvu bwonabwona era n'amaziga, n'okulebwa okwantuukaku olw'Abayudaaya okuneeteega.

Ab'e Roma 9:2

Ndi n'enaku nnene n'okulumwa kunene mu mwoyo gwange.

1 Ab'e Korintho 1:18

Abo abali kuzikirira tibabona makulu mu kibono kya kufa kwa Kurisito ku musalaba, aye ife abali kulokolebwa tukibona nga n'amaani ga Katonda.

1 Ab'e Korintho 6:9

Timwidhi ng'abakozi b'ebibi tibalingira mu Bwakyabazinga bwa Katonda? Mulobe kwerimba ghazira badankaanu, waire abasinza ebitali Katonda, waire abenzi, waire abatamiivu, waire abasaadha abadankaana ni basaadha banaibwe, oba abakazi abadankaana ni bakazi banaibwe, abalingira mu Bwakyabazinga bwa Katonda.

2 Ab'e Korintho 11:13

Abantu oti n'abo ti batume beene, aye batume ba buguya, era abakolera mu buguya ni beefuula abatume ba Kurisito.

2 Ab'e Korintho 11:29

Bwe ghabaagho anafughaire, zeena nnafughala bweghabaagho agwisiibwa mu kibi, nsiriira omwoyo.

2 Ab'e Korintho 2:4

Nabaghandiikira nga ndi n'enaku nnene inho ku mwoyo, era nga ndi bwa mu maziga. Ekigendererwa kyange tikyali kubalumya, aye kubooleka nga bwe mbagonza einho.

Ab'e Galatia 1:7

Bwenebwene ghazira Mawulire Malungi gandi, aye ghaligho ababatabula nga benda okukiidhamya Amawulire Amalungi aga Kurisito.

Ab'e Galatia 2:14

Aye nze bwe nabona nga tibali kujiira ku mazima g'Amawulire Amalungi naakoba Kefasi nga boonaboona bali agho nti: “Iwe oli Muyudaaya, aye weebisa ng'oti n'abamaghanga agandi, ate ng'oli Muyudaaya. Kale osobola otya okukaka abamaghanga agandi okwebisa ng'oti Bayudaaya?”

Ab'e Galatia 2:21

Tidibya kisa kya Katonda. Aye oba omuntu asobola okubalibwa okuba omutuukirivu olw'okugema Amateeka, olwo Kurisito aba yafiira busa.

Ab'e Galatia 5:21

okweyendeza eby'abandi, okutamiira, okwemalira mu bibinuko, n'ebindi ebiri ng'oti n'ebyo. Mbalabula ng'oti bwe nabalabulaku eira, nti abantu abakola ebintu ebyo tibaliba na mugabo mu Bwakyabazinga bwa Katonda.

Ab'e Galatia 6:12

Abantu abo abagezaaku okubakaka okukeketebwa, n'abo abenda okwesuuta mu by'oku ngulu. N'ekindi, benda kweghala kukirigibwa olw'omusalaba gwa Kurisito.

Ab'e Galatia 6:14

Aye nze neesuuta lwa musalaba gwa Musengwa waife Yesu Kurisito gwonka kuba ku musalaba okwo ensi ngibona nga kwe yakomererwa, yoona yambona nga kwe nakomererwa.

Ab'Efeso 4:17

Kye nhenda okubakobera, era nga mbasikirira mu Musengwa, ni kino: Mukange agho okwebisa ng'abamaghanga agandi bwe beebisa, nga bajiira ku birowoozo byaibwe ebiziramu.

Ab'e Filippi 1:4

Kiisi lwe mba nga mbasabira mwenamwena, nsaba nga ndi musangaavu

1 Ab'e Thessalonika 4:6

Ku nsonga eno ey'okwebisa mu butukuvu, ghatabangagho muntu akola Mukurisito mwine bubi. Kuba nga bwe twabalabuliragho, Katonda abonereza abakola ebintu ng'oti n'ebyo.

2 Ab'e Thessalonika 3:11

Kuba tuwulira mbu abandi ku imwe muli bagayaavu abatenda kukola, okutoolaku okwengiza mu bitabagemaku.

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.

Yuda 1:13

Bali ng'oti n'okwefuukuula kw'enhandha, ate ebikolwa byaibwe ebiswaza byaba ng'oti n'eiwovu erifuukeera ku maadhi agali kwefuukuula. Bali ng'oti muunienie edhimala gaja eyo dhityo, era Katonda yabategekera okuba mu nzikiiza ebyanda n'ebyanda.