Ab'e Filippi 3:1 - Baibuli Ekibono kya Katonda 2014

¹ Ekisembayo baganda bange, musagambirenga mu Musengwa. Tifaayo kwiramu kubaghandiikira ku bintu byene ebyo, era muganhulwa bwe nkikola.

Ab'e Filippi 3:1 ပူးပေါင်းရင်းမြစ်များ

1 Ebyomubyanda 15:28

Kale batyo Abaisiraeli boonaboona baaleeta Esanduuku y'Endagaano ya Musengwa Katonda nga bali kukuba emizira, eno nga bwe bafuuwa endeka n'amagwala, era nga bwe bakuba n'ebide, n'entongooli, n'endingidi, nga biri kuvuga inho.

1 Ebyomubyanda 16:10

Muwulire okwesiima olw'eriina lye eitukuvu; abo abasinza Musengwa Katonda ka basagambe.

1 Ebyomubyanda 29:22

Ku lunaku olwo baaliira era baanhwera mu maiso ga Musengwa Katonda, nga basagamba ebitaloodheka. Agho bairamu okulangirira Solomoni mutabane wa Daudi okuba kyabazinga, baamusiiga omuzigo abafugenga mu liina lya Musengwa Katonda, ni Zadoki abenga kabona.

Nehemia 8:10

Buti mwireyo ewaimwe, mulye ebisavu, munhwe omwenge ogw'emizabbibu oguwooma einho, era mugabireku n'abo abazira ghe batoola kuba olunaku lwa Musengwa Katonda waife luno lutukuvu. Agho ni mutanakughala, kuba eisanhu Musengwa Katonda ly'abagha imwe, n'eribaleetera okuba ab'amaani.”

Yobu 22:26

Olwo Katonda Aghanga Ebintu Byonabyona aidha kukugha okusangaala einho, era omulingirire nga ghazira ky'otya.

Zabbuli 149:2

Abaisiraeli ka basangaale olw'oyo Eyabatonda; abantu ab'omu Sioni basagambe olwa Kyabazinga waibwe oyo.

Zabbuli 32:11

Imwe abatuufu musangaale era musagambe olw'ebyo Musengwa Katonda by'akola. Imwe abagondera ebiragiro bye, mukube emizira.

Zabbuli 33:1

Imwe abatuufu musagambe olw'ebyo Musengwa Katonda by'akola; kituufu okumusaaka imwe abagondera ebiragiro bye.

Zabbuli 37:4

Eisanhu lyo lyagalire mu Musengwa Katonda, aidha kukugha omwoyo gwo bye gwenda.

Zabbuli 42:4

Omwoyo guunuma bwe ndidhukira eby'eira, bwe nakulemberangamu olukunkumuli olw'abantu abali ku kibinuko, nga tuja mu ndhu ya Katonda nga tuja bwe tukuba emizira era nga bwe twemba enhembo edh'okwebaza Katonda.

Zabbuli 5:11

Aye abo abakwesiga balisagamba era baayemba olw'eisanhu. Bakuumenga abo abakugonza kuba basangaavu inho olw'okuba iwe;

Zabbuli 97:1

Musengwa Katonda ni Kyabazinga, ensi yoonayoona k'esagambe, n'ebiketezo eby'oku nhandha eby'okumpi n'eghala bisangaale.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Isaia 65:14

Abo abakola bye nhenda balyemba olw'eisanhu, aye imwe mwalira olw'enaku era mwawowoola olw'obulumi.

Yoeli 2:23

Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.

Zefania 3:14

Imwe Abaisiraeli, mwembe era mukube n'emizira. Imwe ab'e Yerusalemu, musangaale era musagambe n'omwoyo gwaimwe gwonagwona.

Zefania 3:17

Musengwa Katonda waimwe, ali mu imwe. Oyo n'omulwanirizi abagha obughanguzi. Ku lwaimwe aidha kusagambanga n'eisanhu era olw'okugonza kwe aidha kubagha obulamu obuyaaka. Aidha kwembanga okwoleka nga bw'abasangaaliire,

Zekaria 10:7

Olwo abantu b'omu Isiraeli baliba ng'oti n'abalwani abaziramu ntete. Era mule baliba basanhuukirivu ng'oti n'abanhweire omwenge ogw'emizabbibu. Baidhukulu baibwe bwe baliidhukiranga obughanguzi buno, balisagambanga olw'ebyo nze Musengwa Katonda bye nkoze.

Matayo 5:12

Musangaale era musagambe, kuba empeera yaimwe eri mu igulu nnene. Kuba batyo bwe baakiriga abalanzi abaabasooka.

Luka 1:47

Omwoyo gwange gusangaaliire mu Katonda omununuzi wange.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

Amateeka Agokubiri 12:18

Aye imwe, ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ababa mu bibuga byaimwe, mwidha kulyanga ebigheebwayo ebyo mu maiso ga Musengwa Katonda waimwe, mu kifo ekyo Musengwa Katonda waimwe oyo ky'aidha okulondagho. Era mwidha kusagambiranga eyo olwa byonabyona bye munaabanga nga mukoze.

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

Ab'e Filippi 4:8

Ekisembayo, aboluganda, ebidhuubo byaimwe mubite ku bintu ebikalamu era ebigwaine okusaakibwa bino: ebituufu, ebigwaine okugheebwa ekitiisa, ebigwaine okukolebwa, ebitukuvu, ebigonzebwa era ebyegombebwa.

1 Ab'e Thessalonika 4:1

Aboluganda, mwatwegeraku nga bwe mugwaine okwebisa memale musobole okusiimya Katonda, era ekyo kye mubaire mukola. Mperaano tubeeghembye era tubakubiriza mu liina lya Musengwa Yesu, mukole mutyo ate era mwongeremu n'amaani,

1 Ab'e Thessalonika 5:16

Mubenga basangaavu buliidho,

Yakobo 1:2

Aboluganda, bwe mutuukibwangaku ebizibu ebya buli nsambo, musangaalenga.

1 Petero 3:8

Ekisembayo mwisanienga mwenamwena era nga mulumirwagana. Mugonzenga aboluganda era mubenga ba kisa era abawombeefu.

1 Petero 4:13

Aye musangaale era musagambe olw'okubona nga mudaazibwadaazibwa ng'oti ni Kurisito, olwo mwidhule eisanhu, ekitiisa kye lwe kiriboneka.

2 Petero 3:1

Bakagwa, buti eno n'embaluwa eyokubiri ye mbaghandiikiire. Mu dhombi ngeziizaaku okwiza ebidhuubo ebituufu mu myoyo gyaimwe nga mbaidhusa ebintu bino.

1 Samueli 2:1

Hanna yaasaba ng'akoba ati: “Ndi kusagamba olwa Musengwa Katonda ky'ankoleire, Musengwa Katonda andhiziizaamu amaani. Nsekerera abazigu bange, naasagamba kuba iwe Musengwa Katonda omponiiza.