Ab'e Filippi 2:5 - Baibuli Ekibono kya Katonda 2014

⁵ Mube n'omwoyo ng'oti ni Kurisito Yesu gwe yali nagwo:

Ab'e Filippi 2:5 ပူးပေါင်းရင်းမြစ်များ

Matayo 11:29

Mubbeede ekikoligo kyange, era mundhegereku kuba nze ndi muwombeefu era tyegulumiza agho emyoyo gyaimwe giribatereera

Luka 22:27

kuba naani asinga? Atyama ku kiiwulo oba amugheereza? Ti n'atyama ku kiiwulo? Aye nze ndi mu imwe ng'omugheereza.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 20:35

Nabooleka mu ebyo byonabyona bye nakola nti tuteekwa okufaabiikana okuyamba abanafu nga twidhukira ebibono bya Musengwa Yesu eyakoba ati, ‘Okugaba kwesiimisa okusinga okugheebwa.’ ”

Ab'e Roma 14:15

Bw'onakughaza owoluganda olw'eky'okulya, oba nga tokaakolera ku kugonza. Eky'okulya ky'olya kitaleeteranga muntu Kurisito ye yafiirira kuzikirira.

Ab'e Roma 15:3

kuba ni Kurisito tiyefaaku yenka, era kyaghandiikibwa kiti: “Ebivumo by'abo abakuvuma, byaira ku nze.”

Ab'e Roma 15:5

Era Katonda ensimuko y'okuguminkiriza era atwizaamu amaani, abaghe okwisania nga Kurisito Yesu bw'asiima.

1 Ab'e Korintho 10:33

Mukole nga nze bwenkola ngezaaku okusiimya abantu boonaboona mu buli kye nkola nga tikolera lwa bulungi bwange mwene, aye lwa boonaboona basobole okulokolebwa.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Ab'e Filippi 1:1

Ninze Paulo ni Timotheo abagheereza ba Kurisito Yesu. Tughandiikiire abatuukirivu boonaboona abaisa ekirala mu Kurisito Yesu abali e Filippi, n'abalabirizi n'abagheereza.

1 Petero 2:21

Ekyo kye mwayeterwa. Kuba Kurisito yeena yadaazibwadaazibwa ku lwaimwe, yaabalekera eky'okuboneraku kye mube mujiireku.

1 Petero 4:1

Nga Kurisito bwe yadaazibwadaazibwa mu mubiri, mwena mwekuume n'ekyo mu myoyo gyaimwe mubenga beetegefu okudaazibwadaazibwa, kuba kiisi adaazibwadaazibwa mu mubiri aba takaafugibwa kibi.

1 Yoanne 2:6

Oyo akoba ati ali mu Kurisito awoomye okwebisa ng'oti ni Kurisito bwe yeebisa.