Ab'e Filippi 2:29 - Baibuli Ekibono kya Katonda 2014

²⁹ Kale mumusangaalire inho ng'owoluganda mu Musengwa. Era abantu abali ng'oti n'oyo mubatengamu ekinhagansi,

Ab'e Filippi 2:29 ပူးပေါင်းရင်းမြစ်များ

Isaia 52:7

Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Luka 9:5

Ate yoonayoona ye batabasangaaliranga, bwe mubanga nga muva mu kibuga ekyo, mukunkumulanga enkungu mu bigere byaimwe nga n'obudhulizi.”

Yoanne 13:20

Bwenebwene ka mbakobere: oyo yeenayeena asangaalira ye mba nga ntumye, aba asangaaliire nze. Ate oyo ansangaalira, aba asangaaliire oyo eyantuma.”

Ebikolwa by'Abatume 2:46

Baafubanga buli lunaku okuba aghalala mu isinzizo, era baajanga mu ndhu dhaibwe okumegula omugaati. Emere nga bagiriisa isanhu na kwisania

Ebikolwa by'Abatume 28:10

Baatugha ebirabo kamaala era bwe twatuusa ekiseera okuvaayo baatugha byonabyona ebyali byetaagisa mu lugendo.

Ebikolwa by'Abatume 8:8

Ghaabaagho okusagamba kunene mu kibuga ekyo.

Ab'e Roma 10:15

Era balikoberwa batya, nga ghazira batumiibwa? Nga bwe kyaghandiikibwa kiti: “Okwidha kw'abo abaleeta Amawulire Amalungi nga kusangaaza!”

Ab'e Roma 16:2

Mumusangaaze mu liina lya Musengwa ng'abantu ba Katonda bwe basangaaza, era mumuyambe mu kiisi ky'ayenda, kuba ye mwene yayamba abantu kamaala era nga zeena mwe ndi.

1 Ab'e Korintho 16:10

Timotheo nga aidhie, mumusangaaze bukalamu, kuba yeena akolera Musengwa ng'oti ninze.

1 Ab'e Korintho 16:18

Bandhizaamu amaani era nga mwena bwe baabaizaamu. Abantu oti n'abo mubaisengaku inho omwoyo.

2 Ab'e Korintho 10:18

Omuntu eyeesaaka ti n'aikirizibwa Katonda, aye oyo Katonda y'asaaka.

2 Ab'e Korintho 7:2

Mutulage nga bwe mutugonza, kuba ghazira ye twabisa bubi, ghazira ye twaitaitana, era ghazira ye twatoolaku kikye mu kubuzaabuza.

Ab'e Filippi 2:28

Kye nviire ni nhenda einho okumutuma ye muli musobole kabiri okusangaala olw'okumubonaku, ate zeena enaku yange ekendeere.

Ab'e Kolosai 4:10

Arisitaruko musibe munange abalamwisa ni Mariko omwiwa wa Barunaba. Mariko ono ni ye nabakoberaku nti bw'aidhanga ye muli mumusangaaliranga.

1 Ab'e Thessalonika 5:12

Tubeeghembye aboluganda, mutenga ekinhagansi mu abo abakola omulimo mu imwe era ababalabirira mu Musengwa era ababalabula.

1 Timotheo 5:17

Abakulembeze b'abaikiriza abakola obukalamu, bagwaniire empeera ya mikuzi ebiri, ng'abasinga n'abo abakalabatana okukobera n'okwegeresa abantu ekibono kya Katonda.

Abaheburayi 13:17

Muwulirenga abakulembeze baimwe era mubagonderenga, kuba n'abalabirira emyoyo gyaimwe, era balyewozaaku ensambo ye baagirabiriramu. Mubasobozese okukola omulimo guno n'eisanhu, aye ti mu nnaku, kuba ekyo ghazira kye kibaganhula.

3 Yoanne 1:10

Kale bwe ndiidha ndyogera ku bintu by'akola byonabyona ng'alabankana n'ebibono ebitusiiga enziro. Tiyakoma okwo, aye tasangaalira baluganda ababa nga baidhie era yaalobera n'abo abandyenze okubasangaalira, yaagezaaku n'okubabinga mu Kikunsu ky'Abaikiriza mu Kurisito.