Ab'e Filippi 2:16 - Baibuli Ekibono kya Katonda 2014

¹⁶ Mukalangule ekibono eky'obulamu memale ku lunaku lwa Kurisito nsobole okwenhumiriza nti amaani n'okufaabiikana kwange tibyafa busa.

Ab'e Filippi 2:16 ပူးပေါင်းရင်းမြစ်များ

Zabbuli 40:9

Naja mu bantu bo abeesoloiza okukusinza, naabakobera amawulire amalungi ag'okulokolwa. Wo Musengwa Katonda, nga bw'oidhi tija kulekera kugalangirira.

Zabbuli 71:17

Wo Katonda wange, onsomeisa okuva mu buto bwange, ni ye buli eno nkaakobera abantu ebyewuunhisa by'okola.

Isaia 49:4

Agho naakoba nti: “Bwenebwene nadaagiranga busa okukola, neemalangamu amaani gange bya bwereere. Aye ate nkakasa ng'aliinwanirira, era yampa empeera olw'ebyo bye nkola.”

Matayo 10:27

Kye mbakobera mu kizikiiza, mukyogeranga mu musana ate kye muwulira mu kyama, mukirangiriranga ghaigulu ku mayumba.

Luka 12:8

“Aye ka mbakobere: Oyo yeenayeena ayatula mu maiso ag'abantu ati wange, yeena Omwana w'Omuntu alimwatula mu maiso ga bamalaika ba Katonda

Yoanne 6:63

Mwoyo n'agaba obulamu, omubiri ghazira kye guganhula. Ebibono bye mbakobye ni Mwoyo era n'obulamu.

Yoanne 6:68

Simoni Petero yaamwiramu ati: “Musengwa, tunaaja y'ani? Niiwe ali n'ebibono eby'obulamu obutawaagho.

Ebikolwa by'Abatume 13:26

“Imwe aboluganda baidhukulu ba Aburahamu n'imwe abandi mwenamwena abatya Katonda, obukwenda buno obw'obulokozi bwagheebwa ife.

1 Ab'e Korintho 1:8

Ono n'alibagemerera mwaba bagumu okutuusa ku nkomerero, mulobe kuba na musango gwonagwona ku lunaku lwa Musengwa waife Yesu Kurisito.

1 Ab'e Korintho 9:26

Nze kyenva numuka butereevu ku kagugha, tiri ng'oti n'omukubi w'ebifunsi akuba eibanga.

2 Ab'e Korintho 1:14

nga bwe mwabitegeeraku akatono, mughange okwesiima olwaife, oti niife bwe tulyesiima olwaimwe ku lunaku lwa Musengwa waife Yesu.

Ab'e Galatia 2:2

Najaayo kuba Katonda yakindholeka nga kingwaniire okujaayo. Era nga tuli twenka n'abakulu, nayandha mu maiso gaibwe Amawulire Amalungi ge nalinga nga nkobera abamaghanga agandi. Ekyo nakikola omulimo gwe nali nkoze, ni gwe nali nja okukola gulobe kunfa busa.

Ab'e Galatia 4:11

Mpulira okutya nti omulimo gwe nabakolamu gwandiba nga gwafa bwereere.

Ab'e Filippi 1:10

Olwo mube nga musobola okulondagho ekyo ekisinga bukalamu, mube abaamufu era abaziraku musango ku lunaku lwa Kurisito.

Ab'e Filippi 1:6

Era nkakasa bukalamu ng'oyo eyatoolera omulimo guno omukalamu mu imwe aligutuusa ku kumalirizibwa ku lunaku lwa Yesu Kurisito.

1 Ab'e Thessalonika 2:19

Kuba eisuubi lyaife, eisanhu lyaife, n'okwesaaka olw'obughanguzi mu maiso ga Musengwa waife Yesu lw'aliira, biri mu ani? Tibiri mu imwe?

1 Ab'e Thessalonika 3:5

Kyova bwe nabona nga tikaasobola kuguminkiriza, natuma Timotheo mmanhe okwikiriza kwaimwe bwe kuli, nga ntya nti tomanha mulebi bw'aba nga yabaleba, okufaabiikana kwaife ni kufa busa.

Abaheburayi 4:12

Ekibono kya Katonda kiramu, kikola era kyogi okusinga empiima eri n'obwogi ku ndhuyi dhaayo dhombi. Kisalira irala kyatuuka n'okwawula omutima n'omwoyo, obuyungiro n'omusokono. Kisobola okubonera irala omuntu by'alowooza ni by'ayenda, ebiri mu mwoyo gwe.

1 Petero 1:23

Kuba mwazaalibwa omukuzi ogwokubiri. Aye ku luno timwazaalibwa muzaire oyo afa, aye mwazaalibwa oyo atafa, nga mubita mu kibono kya Katonda ekiramu era ekitawaagho.

1 Yoanne 1:1

Tubaghandiikira okubakobera ku oyo eyaligho okuviira irala ku kwinhama. Kibono ow'obulamu twamuwulira, twamubona n'amaiso gaife, twamulingirira, twamugemaku n'obwala bwaife.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.