Ab'e Filippi 2:14 - Baibuli Ekibono kya Katonda 2014

¹⁴ Buli kye mukola mukikole nga timutolooma oba okutakana,

Ab'e Filippi 2:14 ပူးပေါင်းရင်းမြစ်များ

Zabbuli 106:25

Baaduuduumira mu weema dhaibwe, baaloba kugondera ebyo Musengwa Katonda bye yabakoba.

Ensambo 13:10

Okwekuluntaza kuleeta okutabukatabuka, aye okwebuuza ku magezi kuleetera omuntu okuba omugezi.

Okubala 14:27

“Abantu bano abakozi b'ebibi, balirekera li okuneemuluguunhiza? Mpuliire okwemuluguunhia kwaibwe, kwatuuka n'okunsina.

Matayo 20:11

Olwagifuna beemuluguunhiza mwene ghaka bati:

Mariko 14:5

Omuzigo ogwo gubaire gusobola okutanibwa dinari edhiswika mu bikumi ebisatu, dhaagabirwa abaavu! Baamusungughalira inho.”

Mariko 9:14

Bwe baatuuka aghaali Abeegeresebwa be, baabona ekiyindi eky'abantu ekinene nga kibeetooloire, n'Abanamateeka nga babatakania.

Luka 5:30

Aye Abafarisaayo n'Abanamateeka baibwe beemuluguunhia, baakoba Abeegeresebwa be bati: “Lwaki mulya era ni munhwa n'abaghooza n'aboonooni?”

Ebikolwa by'Abatume 15:2

Paulo ni Barunaba baayawukana nabo ku kino era baatakana inho nabo. Kale Paulo ni Barunaba n'abandi baatumibwa okuja e Yerusalemu y'Abatume n'abakulembeze ab'abaikiriza, bababone ku nsonga eyo.

Ebikolwa by'Abatume 15:39

Ghaabaagho okutakana okw'amaani ghagati waibwe, n'okwawukana baayawukana. Barunaba yaaja ni Mariko baasomoka baalaga e Kupuro.

Ebikolwa by'Abatume 15:7

Bwe baamala okukubagania ebidhuubo einho, Petero yaayemerera, yaakoba ati: “Aboluganda, mwidhi muti mu nnaku edhaabita Katonda yaanonda mu imwe, nkobere abamaghanga agandi Amawulire Amalungi basobole okwikiriza.

Ebikolwa by'Abatume 6:1

Ebiseera byatuuka abeegeresebwa baaja nga beeyongera obungi. Ghaabaagho obutaisania ghagati w'abayudaaya aboogera Olugureki n'Abayudaaya aboogera Oluyudaaya. Kuba Abayudaaya aboogera Olugureki baali baduuduuma bati banamwandu baibwe baali tibafiibwaku mu ngabania ey'ebyetaago ebyabuliidho.

Ab'e Roma 12:18

Ku luuyi lwaimwe mukolenga kyonakyona ekisoboka mwisanienga n'abantu boonaboona.

Ab'e Roma 14:1

Atali mugumu mu kwikiriza mumusangaazenga, aye mutatakananga naye mu ebyo by'adhuuba.

Ab'e Roma 16:17

Aboluganda, mbeeghembye mwekuumenga abo abaleeta okwawukana n'okutabuka nga batakania ebyo bye mwayegeresebwa. Mubeeghalenga

1 Ab'e Korintho 10:10

Era tutaduuduumanga ng'abandi ku abo bwe baakola, Malaika ow'okufa n'abaita.

2 Ab'e Korintho 12:20

Ekintiisa, n'okwidha ni mbaagaana nga timuli nga bwe nandyenze mube, oba imwe okumbona nga tiri nga bwe mwandyenze mbe. Ntya okwagaanayo okusoola, ensaalwa, obusungu, okweyendeza buli kintu, okusalaganaku ebibono, olubono, okwekudumbaza, era n'okutabukatabuka.

Ab'e Galatia 5:15

Aye bwe munaira agho okumoodhagana n'okudaazadaaza banaimwe mugwaine mwekuume, kuba musobola okwezikiriza beene na beene.

Ab'e Galatia 5:26

Tulobe kwegungumaza, waire owundi okwesonsa ku mwine, oba okumugemerwa ensaalwa.

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

1 Ab'e Thessalonika 5:13

Mubatengamu inho ekinhagansi era mubagonzenga olw'omulimo gwe bakola. Emiraala gibenga mu imwe.

1 Ab'e Thessalonika 5:15

Ghatabangagho mu imwe eyeesasuuza ng'akoleibwa ekibi, aye buliidho buli muntu afubenga okukolera mwine obukalamu, era n'okukoleranga obukalamu abantu boonaboona.

Abaheburayi 12:14

Mufaabiikanenga okuba n'emiraala y'abantu boonaboona era mufaabiikanenga okuba n'obutukuvu, kuba aghazira obwo, ghazira alibona Musengwa.

Yakobo 1:20

kuba obusungu obw'omuntu tibuleetagho butuufu bwa Katonda.

Yakobo 3:14

Aye oba nga mu myoyo gyaimwe mwidhwire ensaalwa enkambwe, n'okweyendeza mwenka, muteesuutanga biziramu muti mbu muli n'amazima.

Yakobo 5:9

Aboluganda, mutaduuduumanga nga mwogeraganaku kino oba kire, olwo lwe mutalisalirwa musango. Mwidhukire ng'omusazi w'omusango tabali ghala.

1 Petero 3:11

Ave mu kukola ebibi akole ebituufu, anoonie eidembe era alitambuliremu;

1 Petero 4:9

Musangaazenga banaimwe mu maka gaimwe, n'omwoyo mulala.

Yuda 1:16

Abantu bano buli kaseera baba mu kutolooma olw'obutasiima, bageyigeyi, bajiira ku kwegomba kwa mibiri gyaibwe, beesaaka era baasuutiriza abantu nga bali ni kye babendaku.