Ab'e Filippi 2:11 - Baibuli Ekibono kya Katonda 2014

¹¹ Era kiisi lulimi lwatule luti: Yesu Kurisito ni Musengwa. Olwo Katonda era Lata agheebwe ekitiisa.”

Ab'e Filippi 2:11 ပူးပေါင်းရင်းမြစ်များ

Zabbuli 110:1

Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

Zabbuli 18:49

Kale ni ndidha kukusaakanga mu maghanga goonagoona, era ndidha kwembanga nga nsaaka eriina lyo.

Yeremia 23:6

Mu kiseera ky'alifugiramu, abantu b'omu Buyudaaya baliba bukalamu, n'ab'omu Isiraeli baaba mu miraala. Balimweta eriina ‘Musengwa Katonda n'obulokozi bwaife.’ ”

Matayo 10:32

“Kale, kiisi ayatula mu maiso ag'abantu ati wange, nze zeena ndikobera Lata wange ali mu igulu nti wange.

Luka 2:11

kuba olwaleero, mu kibuga kya Daudi, omununuzi Kurisito Musengwa, abazaaliirwa.

Yoanne 12:42

Waire ng'abafuzi kamaala baikiriza Yesu, ekyo tibaakyatula olw'okutya Abafarisaayo okubabinga mu sinagoga

Yoanne 13:13

Mundheta Omwegeresa era Musengwa, era muli batuufu okundheta mutyo kuba era ekyo kye ndi.

Yoanne 13:14

Kale oba nga nze Musengwa era Omwegeresa waimwe mbanaaziiza ebigere, mwena muli n'okunaazaganianga ebigere.

Yoanne 14:13

Era kyonakyona kye munaasabanga mu liina lyange ndikikola, ekitiisa kya Lata kyeyolekere mu Mwana.

Yoanne 14:23

Yesu yaamwiramu ati: “Oyo angonza agema ekibono kyange, oyo Lata wange alimugonza era Lata, ninze tulija y'ali twasiisira eyo.

Yoanne 17:1

Yesu bwe yamala okukoba ebyo, yaalinga ghaigulu yaakoba ati: “Lata, ekiseera kituuse. Yoleka abantu ekitiisa ky'Omwana wo, n'Omwana asobole okubooleka ekitiisa kyo.

Yoanne 20:28

Thomasi yaamwiramu ati: “Musengwa wange era Katonda wange!”

Yoanne 5:23

Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Yoanne 9:22

Baayogera batyo lwa kutya Abayudaaya, kuba Abayudaaya baali bamaze okusalagho bati omuntu yeenayeena ayatula ati Yesu ni Kurisito wa kubingibwa mu sinagoga.

Ebikolwa by'Abatume 10:36

Katonda yagha abantu ba Isiraeli ekibono ng'abakobera Amawulire Amalungi agaleeta emiraala ng'abita mu Yesu Kurisito. Oyo ni Musengwa ow'abantu boonaboona.

Ebikolwa by'Abatume 2:36

“Kale ni, endhu ya Isiraeli yoonayoona emanhe aghazira kubuusabuusa, nga Katonda yafuula, Yesu oyo ye mwakomerera ku musalaba, Musengwa era Kurisito.”

Ab'e Roma 14:11

Ebyaghandiikibwa bikoba biti: “Musengwa akoba ati nga bwendi omulamu, kiisi muntu alinkubira amakiryaivu. Era kiisi lulimi lulisaaka nze Katonda.”

Ab'e Roma 14:9

kuba Kurisito yafa era yaazuukira, olwo ni abe Musengwa w'abalamu era n'abafu.

Ab'e Roma 15:9

era abamaghanga agandi basobole okusaaka Katonda olw'okusaasira kwe. Nga bwe kyaghandiikibwa kiti: “Kale ni nnaakwebazanga mu bamaghanga agandi; nnaayemba nga nsaaka eriina lyo.”

1 Ab'e Korintho 12:3

Kale nhenda mukimanhe nga ghazira muntu ayogera ng'ali ni Mwoyo wa Katonda, n'akoba ati: “Yesu akolimirwe!” Era ghazira asobola kukoba ati: “Yesu ni Musengwa,” okutoolaku ng'ali ni Mwoyo Mutukuvu.

1 Ab'e Korintho 15:47

Adamu eyasooka yava mu itaka, era yakolebwa mu nkungu: Adamu owokubiri yava mu igulu.

1 Ab'e Korintho 8:6

ife tuli ni Katonda mulala, Lata, eyatonda ebintu byonabyona, era tuligho ku lw'oyo. Era ghaligho Musengwa mulala, Yesu Kurisito, ebintu byonabyona mwe byabita okutondebwa, era mwe tubita okuba abalamu.

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

1 Yoanne 4:15

Kiisi akoba ati Yesu Mwana wa Katonda, Katonda amubaamu era yeena yaaba mu Katonda.

1 Yoanne 4:2

Kuno kwe tumanhira Mwoyo owa Katonda: Mwoyo akoba ati Yesu Kurisito yaidha ng'omuntu, oyo aba wa Katonda.

2 Yoanne 1:7

Abaguya kamaala baasansaanira mu nsi, abataganha nga Yesu Kurisito yaidha ng'omuntu. Omuntu yeenayeena ali ng'oti n'abo muguya era Muzigu wa Kurisito.

Okwolekebwa 3:5

Oyo aghangula, alivaazibwa ebivaalo ebyeru, era tirisasa liina lye mu kitabo kya bulamu, aye ndiryatula mu maiso ga Lata, n'aga bamalaika be.