Ab'e Filippi 2:1 - Baibuli Ekibono kya Katonda 2014

¹ Okuba mu Kurisito kibagumya? Okugonza kwe kubagha amaani? Mwisa ekirala ni Mwoyo wa Kurisito? Buli muntu agemerwa mwine ekisa era yaamusaasira?

Ab'e Filippi 2:1 ပူးပေါင်းရင်းမြစ်များ

Zabbuli 133:1

Bwenebwene nga kirungi inho abantu ba Katonda okuba aghalala nga baisania!

Isaia 16:11

Kyenva ni ngegenga olwa Moabu, era ni ndira enaku olwa Kiriheresi.

Luka 2:25

Mu Yerusalemu mwalimu omuntu, eriina lye nga ni Simeoni, nga muntu akola ebituufu, atya Katonda ng'alindirira okununulwa kwa Isiraeli, era Mwoyo Mutukuvu ng'amuliku.

Yoanne 14:18

“Tiribaleka nga muli baghafu, ndiira ye muli.

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

Yoanne 17:13

Mperaano ndi kwidha y'oli era bino mbyogeire mu nsi babe n'eisanhu lyange mu myoyo gyaibwe, mu bwidhuvu.

Ebikolwa by'Abatume 2:46

Baafubanga buli lunaku okuba aghalala mu isinzizo, era baajanga mu ndhu dhaibwe okumegula omugaati. Emere nga bagiriisa isanhu na kwisania

Ebikolwa by'Abatume 4:32

Abo boonaboona abaali baikiriza, baali n'omutima n'omwoyo mulala. Era nga ghazira akoba ku ebyo bye yabanga nabyo ati kuliku ekikye ku bubwe. Aye nga byonabyona byaibwe ghalala.

Ab'e Roma 5:5

Eisuubi lino tirituswaza, kuba Katonda ayugha okugonza kwe mu myoyo gyaife ku lwa Mwoyo Mutukuvu ye twagheebwa.

Ab'e Roma 8:26

Mu nsambo n'endala Mwoyo atuyamba mu bunafu bwaife, kuba titwidhi kusaba nga bwe kitugwanira, aye Mwoyo mwene atwogererayo mu kusinda okutaloodheka.

1 Ab'e Korintho 12:13

Mu nsambo n'endala twenatwena, ka tube Bayudaaya, oba bamaghanga gandi, oba bairu, oba abatali bairu, Mwoyo yatubatiza mu mubiri mulala, era twenatwena twagheebwa Mwoyo mulala oyo.

1 Ab'e Korintho 15:31

Aboluganda, olw'okuba mbeesiimiramu era nga tuli muntu mulala mu Kurisito Yesu Musengwa waife, nhenda okubakobera nti buli lunaku okufa kuuningiriire.

1 Ab'e Korintho 3:16

Timwidhi nga muli isinzizo lya Katonda, era nga Mwoyo wa Katonda aba mu imwe?

2 Ab'e Korintho 2:14

Aye Katonda yeekaza kuba buliidho ng'abita mu Kurisito atutuusa ku kugabana ku bughanguzi bwa Kurisito oyo, era yaatukozesa mu kubunisa amawulire ga Kurisito woonawoona, ng'oti n'akawoowo bwe kabuna woonawoona.

Ab'e Galatia 4:6

Era olw'okuba muli baana be, Katonda kyeyava n'atuma Mwoyo w'Omwana we angire mu myoyo gyaife. Mwoyo oyo ayeta ati: “Abba!” Ekitegeeza “Iseife.”

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'Efeso 4:4

Omubiri guli mulala, ni Mwoyo mulala, ng'era ekisuubizo kye mwayeterwa bwekiri ekirala.

Ab'e Filippi 1:8

Katonda n'omudhulirwa wange akakasa nga bwe mbalumirwa omwoyo mwenamwena mu kugonza kwa Kurisito Yesu.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

Ab'e Kolosai 2:2

Kino nkikola bairemu amaani mu myoyo gyaibwe era babe mu kugonzania, bamanhire irala era bategeerere irala ekyama kya Katonda. Ekyama ekyo nga ni Kurisito.

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.

1 Yoanne 3:24

Oyo yeenayeena agema ebiragiro bya Katonda aba mu Katonda ni Katonda yaamubaamu. Kye tumanhiraku ng'ali mu ife, ni Mwoyo ye yatugha.

1 Yoanne 4:12

Ghazira muntu yaali aboine ku Katonda, aye bwe tugonzania Katonda aba mu ife era okugonza kwe kutuukirira mu ife.

1 Yoanne 4:16

Twidhi era twikiriza okugonza kwa Katonda okuli mu ife. Katonda aba kugonza, era yeenayeena aba mu kugonza aba mu Katonda era ni Katonda yaamubaamu.