Ab'e Filippi 1:6 - Baibuli Ekibono kya Katonda 2014

⁶ Era nkakasa bukalamu ng'oyo eyatoolera omulimo guno omukalamu mu imwe aligutuusa ku kumalirizibwa ku lunaku lwa Yesu Kurisito.

Ab'e Filippi 1:6 ပူးပေါင်းရင်းမြစ်များ

Zabbuli 138:8

Wo Musengwa Katonda, iwe oidha kunkolera byonabyona bye wasuubiza; okugonza kwo tikukoma, kubaagho byanda na byanda. Otalekulira agho ekyo kye wakola n'engalo dho.

Yoanne 6:29

Yesu yaabairamu ati: “Katonda ky'ayenda mukole n'okwikiriza oyo ye yatuma.”

Ebikolwa by'Abatume 11:18

Bwe baawulira ebyo, baawola baagha Katonda ekitiisa nga bakoba bati: “Agho ni Katonda aghaire n'abamaghanga agandi, okwenenia bafune obulamu.”

Ebikolwa by'Abatume 16:14

Ghaabaagho omukazi mulala ng'eriina lye ni Ludia nga ava mu kibuga Thuyatira. Yali atundanga bivaalo ebya nakasooma era nga atya Katonda. Ono Musengwa yamugha omwoyo omugonvu, yaikiriza ebyo Paulo bye yayogera.

1 Ab'e Korintho 1:8

Ono n'alibagemerera mwaba bagumu okutuusa ku nkomerero, mulobe kuba na musango gwonagwona ku lunaku lwa Musengwa waife Yesu Kurisito.

2 Ab'e Korintho 1:15

Olw'okuba kino nali nkikakasa, nayenda nsooke okukyalira imwe musobole okufuna enkabi edh'emikuzi ebiri.

2 Ab'e Korintho 2:3

Eyo n'ensonga lwaki nabaghandiikira embaluwa eyo. Tyayenda kwidha kulumizibwa abo abandinsangaaziiza. Kuba ndidhi nga bwe nsangaala mwenamwena musangaala.

2 Ab'e Korintho 7:16

Ndi musangaavu inho kuba mbeesiga inho.

2 Ab'e Korintho 9:4

Kuba bweghabaagho ku b'e Makedonia abaidha ninze, ni babaagaana nga timuli beetegefu, tuliswala inho olw'obwesige obungi bwe twabataamu, waire nga mwena muliswala.

Ab'e Galatia 5:10

Mu Musengwa nkakasa nti timwidha kuja na birowoozo bindi bitafaanana na byange era nti oyo abatabula ni bw'aliba ani alibonerezebwa.

Ab'Efeso 4:12

Ekyo yakikola olw'okutegeka abatuukirivu basobole okukola omulimo ogw'okugheereza, era n'okuzimba omubiri gwa Kurisito,

Ab'e Filippi 1:10

Olwo mube nga musobola okulondagho ekyo ekisinga bukalamu, mube abaamufu era abaziraku musango ku lunaku lwa Kurisito.

Ab'e Filippi 1:29

Kuba mwagheebwa enkabi okwikiriza Kurisito era n'okudaagadaaga ku lulwe.

Ab'e Filippi 2:12

Agho ni bakagwa, nga bwe mwali abawulize buliidho nga ndi n'imwe, ni mperaano nga tiri n'imwe musingegho okuba abawulize, olwo mube nga mukolerera okulokolebwa kwaimwe nga mutya era nga mudhugumira.

Ab'e Filippi 2:13

Kuba Katonda n'akolera mu imwe memale mwaganha era mwasobola okukola by'ayenda.

Ab'e Filippi 2:16

Mukalangule ekibono eky'obulamu memale ku lunaku lwa Kurisito nsobole okwenhumiriza nti amaani n'okufaabiikana kwange tibyafa busa.

Ab'e Kolosai 2:12

Mu kubatizibwa mwaziikibwa ghalala naye, era mwazuukizibwa ghalala naye, olw'okwikiriza kwaimwe kwe muli nakwo mu maani ga Katonda eyamuzuukiza okuva mu bafu.

1 Ab'e Thessalonika 1:3

Twidhukira mu maiso ga Katonda era Lata waife, nga bwe mwoleka okwikiriza n'okugonza kwaimwe mu bye mukola, era twidhukira nga bwe mwoleka eisuubi lyaimwe eritakoma mu Musengwa waife Yesu Kurisito.

2 Ab'e Thessalonika 1:11

Kye tuva ni tubasabira buliidho ye Katonda waife, mu buyinza bwe abafuule abagwaniire okwetebwa kwe, atuukirize ebirungi byonabyona bye muba musazeegho okukola era n'ebikolwa byonabyona eby'okwikiriza.

2 Ab'e Thessalonika 3:4

Tubeesiga mu Musengwa era tukakasa nga mukola, era nga mwidhanga kukola nga bwe tubalagira.

Filemoni 1:21

Nga neesiga obugonvu bwo, mpandiise nga ndidhi nti oidha kukola ekisingagho ku ekyo kye nsabye.

Abaheburayi 10:35

Kale mutasuula ere kumwesiga kwaimwe, kuba kulimu empeera nnene.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

1 Petero 5:10

Aye olumaliira olw'okudaazibwadaazibwa akaseera akatono, Katonda ow'ekisa ekitakoma eyabeeta mube mu kitiisa kye ekitawaagho mu Kurisito, alibagoloza, yaabagha amaani era yaabagumya.

2 Petero 3:10

Aye olunaku lwa Musengwa luliidha ng'oti mwibi, era olwo eigulu liriwaagho nga liduma inho. Eby'oku igulu birisaanuuka n'omuliro, era ensi n'ebigiriku byonabyona biriya omuliro byasiriira.