Ab'e Filippi 1:20 - Baibuli Ekibono kya Katonda 2014

²⁰ Kye nandyenze einho era kye nsuubira n'ekyo nti ndobe kuswala naire, aye mpeesenga Kurisito ekitiisa mu bulamu bwange nga ndi mugumu inho, mperaano ni buliidho, ni bwe mba omulamu, oba ni bwe nfa.

Ab'e Filippi 1:20 ပူးပေါင်းရင်းမြစ်များ

Zabbuli 119:116

Ngemaaku ongumye mbe mulamu nga bwe wansuubiza; otandeka kuswala kubona nga bye nasuubira tibituukiriire.

Zabbuli 119:80

Nkusaba ombeere okugema ebiragiro byo n'omwoyo gwange gwonagwona, ndobe kuswala.

Zabbuli 25:2

Katonda wange, niiwe ye neesiga, mponia okuswala otaganha bazigu bange kuneeyagaliraku.

Zabbuli 62:5

Nteegerera Katonda n'obuguminkiriza aidhe andokole, mu oyo eisuubi lyange mwe liva.

Ensambo 10:28

Abatuufu bye basuubira bituukirira baasangaala, aye ababi bye beesumba tibabifuna naire.

Ensambo 23:18

Olwo obulamu bwo obw'omu maiso bubenga bukalamu, n'ebyo by'osuubira birobenga kukufa busa.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 50:7

Aye ebyo nze tibiimalaamu maani waire okuntabula, kuba Musengwa Katonda ambeera. Kale ni neevaamu naabagumira ng'oti ibaale, era ndidhi nga tiidha kuswazibwa.

Isaia 54:4

Leka kutya, kuba toliiramu kuswazibwa kabiri; leka na kutabulwa, kuba ensoni tidhiriiramu kukugema kabiri. Olyerabira ensoni edh'omu buto bwo edh'obutaba mwesigwa, weerabira n'enaku ey'okulekebwa agho otyo nga namwandu.

Yoanne 21:19

Yayogera atyo okwoleka okufa kw'alifa n'ayolesa ekitiisa kya Katonda. Bwe yamala okwogera ebyo, yaamukoba ati: “Nnonereza.”

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ebikolwa by'Abatume 21:13

Aye Paulo yairamu ati: “Mukola ki ekyo okulira n'okunafuya omwoyo gwange? Nze tiri mwetegefu kusibwa kyonka aye era n'okufiira mu Yerusalemu olw'eriina lya Musengwa Yesu.”

Ebikolwa by'Abatume 4:31

Bwe baamala okusaba, ekifo ghe baali beesololeiza kyatengeesebwa, boonaboona baidhula Mwoyo Mutukuvu, baayogera ekibono kya Katonda nga bagumu.

Ab'e Roma 12:1

Kale ni aboluganda mbeeghemba olw'ekisa kya Katonda, mwegheeyo ng'omusengo omulamu omutukuvu era ogwikirizibwa Katonda. Okwo n'okumusinza okw'amazima.

Ab'e Roma 5:5

Eisuubi lino tirituswaza, kuba Katonda ayugha okugonza kwe mu myoyo gyaife ku lwa Mwoyo Mutukuvu ye twagheebwa.

Ab'e Roma 6:13

Timughangayo bitundu bya mibiri gyaimwe y'ekibi okubikozesa mu kwonoona. Aye mweghengayo ye Katonda oti n'abantu abaviire mu kufa ni baira mu bulamu, era mwegheereyo irala ye Katonda abakozesenga ebikolwa eby'obutuufu.

Ab'e Roma 6:19

Ndhogera ng'omuntu obuntu, olw'obunafu obw'okutegeera kwaimwe. Ng'era bwe mweghangayo ni muba abairu mu kukola eby'eiko ni mu kwonoona, ni mukola ebibi, kale ni mperaano mwegheereyo irala ng'abairu ab'obutuufu, musobole okutukuzibwa.

Ab'e Roma 8:19

Ebitonde byonabyona birindirira nga byesumba okubona Katonda ng'ayoleka abaana be.

Ab'e Roma 9:33

nga bwe kyaghandiikibwa kiti: “Bona ndi kuta mu Sioni eibaale eryekontolwaku abantu, olubaale olulibagwisa. Aye kiisi aikiriza oyo taliswazibwa.”

1 Ab'e Korintho 15:31

Aboluganda, olw'okuba mbeesiimiramu era nga tuli muntu mulala mu Kurisito Yesu Musengwa waife, nhenda okubakobera nti buli lunaku okufa kuuningiriire.

1 Ab'e Korintho 6:20

Katonda yamala okubagula, kale mugheese Katonda ekitiisa n'emibiri gyaimwe.

1 Ab'e Korintho 7:34

omwoyo gwe guba ghano ni ghale. Omukazi atali mufumbo oba omughala omwegha yeeraliikirira bya Musengwa, kuba ayenda okwegha Musengwa yeenayeena mu mubiri ni mu mwoyo. Aye omukazi ali mu bufumbo yeeraliikirira eby'omu nsi, kuba ayenda okusiimya iba.

2 Ab'e Korintho 10:8

Tikingemya nsoni kwesaaka okusingaku bwe ngwaine, olw'obukumu bwe tuli nabwo. Musengwa n'eyabutugha olw'okubazimba, nga ti bwa kubazikiriza.

2 Ab'e Korintho 3:12

Nga bwe tuli n'obwesige oti n'obwo, tuli bagumu inho.

2 Ab'e Korintho 4:10

Buli ghe tuja tuli mu kabi ak'okufa nga Yesu bwe yafa, olwo obulamu bwa Yesu bughange okubonekera mu mibiri gyaife.

2 Ab'e Korintho 5:15

Yafiirira boonaboona, olwo abalamu babe nga tibakaali balamu ku lwaibwe, aye babenga balamu ku lulwe oyo eyabafiirira era n'azuukizibwa.

2 Ab'e Korintho 7:14

Nakobera Tito nti muneesiimisa era tyaswala, kuba nga mu byonabyona bye twabakoba bwe tutaabaguya, n'okwesiima kwaife kwe twakobera Tito kwakakasibwa nga tikwali kuguya.

2 Ab'e Korintho 7:4

Mbeesiga inho era muneesiimisa inho. Mu kudaazibwadaazibwa kwaife kwonakwona nsigala nga nkaali mugumu era naasagamba inho.

Ab'e Filippi 1:14

Era aboluganda kamaala bongeire okwekakasa mu Katonda olw'okusibwa kwange, era beeyongera okuguma okwogera ekibono kya Musengwa nga tibatya.

Ab'e Filippi 2:17

Omusaayi gwange ni bwe guyuyibwa ni gutabulwa n'omusengo gwe mughaayo olw'okwikiriza kwaimwe, nsangaala era nsagambira ghalala n'imwe mwenamwena.

Ab'e Kolosai 1:24

Ndi musangaavu buti olw'okudaaga kwe ndaaga ku lwaimwe, era mu mubiri gwange nhambaku okumaliriza ebyo ebyasigalira mu kudaazibwadaazibwa kwa Kurisito ku lw'omubiri gwe. Omubiri gwe guno n'Ekikunsu eky'Abaikiriza mu Kurisito.

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

1 Petero 4:16

Aye ole bw'adaazibwadaazibwa olw'okuba Omukurisito, alobenga kuwulira nsoni mu liina lya Kurisito, aye aghenga bwa Katonda kitiisa.

1 Yoanne 2:28

Kale baana bange, musigale nga mukaali naye, bw'alyeyoleka tube bagumu tulobe kugemebwa nsoni mu maiso ge.