Ab'e Filippi 1:11 - Baibuli Ekibono kya Katonda 2014

¹¹ Obulamu bwaimwe bwidhule ebikolwa ebikalamu ebiidha nga bibita mu Yesu Kurisito olw'okugheesa Katonda ekitiisa n'olw'okumusaaka.

Ab'e Filippi 1:11 ပူးပေါင်းရင်းမြစ်များ

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Isaia 5:2

Yaalitoodha bukalamu era yaalirondalondamu amabaale agaalimu, yaalisimbamu emizabbibu egisingamu bulungi. Yaalizimbamu ekituuti ekirengererwaku, yaalisimamu n'ekikunhiro ky'omwenge gw'emizabbibu. Yaasuubira ati eisamba eryo liidha kubaza emizabbibu emirungi, aye lyabaza bwa gikaagha ng'oti gya mu nsiko.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 61:11

Bwenebwene ng'eitaka bwe limeza ebimera, era ng'enimiro bw'ekuza bye bagisimbyemu, ni Musengwa Katonda atyo bw'alireetera obutuufu okumeruka mu bantu be, amaghanga goonagoona gaamutaamu ekitiisa.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Matayo 5:16

Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

Yoanne 15:16

Ti niimwe abaanonda aye ninze eyabalonda era naabataagho okuja okwama ebibala, ebibala ebitawaagho. Era Lata anaabaghanga kyonakyona kye munaasabanga mu liina lyange.

Yoanne 15:2

Kiisi lusaga oluli ku nze olutayama alukutulaku, ate kiisi lusaga olwama aluwoolera lwanhirira male lwayama inho.”

Yoanne 15:8

Bwe mwama einho muba beegeresebwa bange era mwoleka ekitiisa kya Lata wange.

Ab'e Roma 15:28

Kale bwe ndimala okukola omulimo ogwo era nga mmaze okubagemya byonabyona ebyabagheerezebwa, ndivaayo, naabitira e waimwe nga nja e Supania.

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

2 Ab'e Korintho 9:10

Katonda oyo agha omulimi ensigo n'emere ey'okulya, anaabaghanga era yaayazanga ensigo dhaimwe, obugabi bwaimwe bweyongerengaku.

Ab'Efeso 1:12

mwe yatulondera. Ife abaasooka okuba n'eisuubi mu Kurisito, tubeegho nga tusaaka ekitiisa kya Katonda.

Ab'Efeso 1:14

Mwoyo Mutukuvu oyo n'omusingo okukakasa nga tulifuna ebyo Katonda bye yatusuubiza, tusaake ekitiisa kye.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Ab'Efeso 5:9

omuva ebirungi byonabyona, obutuufu n'amazima.

Ab'e Filippi 4:17

Ekigendererwa kyange ti kya kufuna bwa birabo aye kya kubona ng'ebikalamu bye mukoze byeyongeraku obungi.

Ab'e Kolosai 1:10

Agho musobole okwebisa nga Musengwa bw'ayenda era nga mukola ebimusangaaza mu buli nsambo nga kiisi kye mukola kikalamu era nga kyania ebibala, era mweyongere n'okumanha Katonda.

Ab'e Kolosai 1:6

Amawulire gano agaabakoberwa era agaakoberwa ensi yoonayoona, galeese ebibala ng'oti ni bwe gabaire gakola mu imwe okuva ku lunaku lwe mwawulira era ni mumanha ekisa kya Katonda mu mazima.

2 Ab'e Thessalonika 1:12

Olwo eriina lya Musengwa waife Yesu ligheebwe ekitiisa mu imwe, era mwena mufunire ekitiisa mu oyo, olw'ekisa kya Katonda waife ni Musengwa Yesu Kurisito.

Tito 3:14

Abantu baife bagwaine beege okukozesanga ebiseera byaibwe obukalamu, nga bakola emirimo omuva ebyetaago balobe kuba agho nga bazira kye bagasa.

Abaheburayi 12:11

Bwe tuba nga tuli kukangaivulwa, mu kiseera ekyo tuwulira bulumi mu kifo eky'eisanhu. Aye oluvainhuma abeegereseibwa okukangaivulwa okwo, bafuna emiraala n'obutuufu.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

1 Petero 4:14

Oba nga babavumira eriina lya Kurisito muli ba nkabi, kuba kino kitegeeza nga Mwoyo wa Katonda ow'ekitiisa ali mu imwe.