Ab'e Filippi 1:10 - Baibuli Ekibono kya Katonda 2014

¹⁰ Olwo mube nga musobola okulondagho ekyo ekisinga bukalamu, mube abaamufu era abaziraku musango ku lunaku lwa Kurisito.

Ab'e Filippi 1:10 ပူးပေါင်းရင်းမြစ်များ

Amainhama 20:5

Aburahamu mwene ti n'eyankobye ati oyo mwanhina? Era ni Sara mwene yeena tiyankobye ati Aburahamu mwanhina? Ekyo nakikoze mu mwoyo mulungi era nziraku musango.”

Yobu 12:11

Omuntu mu by'awulira, kutu we tayawulagho bituufu na bitali bituufu, ng'oti n'olulimi lwe bwelwawulagho emere ewooma n'etawooma?

Yobu 34:3

kuba omuntu mu by'awulira, kutu we ayawulagho ebituufu n'ebitali bituufu, ng'oti n'olulimi lwe bwerwawulagho emere ewooma n'etawooma.

Mika 3:2

Aye kabiri niimwe abatenda kukola bulungi, mwagonza okukola obubi. Bye mukola, muli ng'ababaaga abantu bange ni mubatoolaku oluwutu, era ni mughalagata emamba ku magumba gaibwe.

Matayo 16:23

Aye Yesu yaakyuka yaakoba Petero ati: “Nva mu maiso Sitaani, oli kitimuguunha mu ngira yange kuba ebya Katonda tobitegeera, otegeera bya bantu.”

Matayo 26:33

Petero yaamwiramu ati: “Waire abandi boonaboona banaakwegaana, nze tiidha kukwegaana naire.”

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

Yoanne 3:20

Buli akola ebibi akyagha ekimuliikirira, era taidha ya kimuliikirira olw'okutya ati ebikolwa bye bighanga okumanhibwa.

Ebikolwa by'Abatume 24:16

Kyenva nfuba buliidho okuba n'omwoyo omunaabuufu ye Katonda ni y'abantu.

Ab'e Roma 12:2

Muteebisanga ng'abantu ab'ensi eno bwe beebisa, aye mukyuse ebirowoozo byaimwe musobolenga okumanha ebyo Katonda by'ayenda ebikalamu, ebiikirizibwa era ebituufu.

Ab'e Roma 12:9

Okugonza kwaimwe kubenga kwa mazima, mulekenga kukola kibi, mukalangukirenga ku kikalamu.

Ab'e Roma 16:17

Aboluganda, mbeeghembye mwekuumenga abo abaleeta okwawukana n'okutabuka nga batakania ebyo bye mwayegeresebwa. Mubeeghalenga

Ab'e Roma 2:18

Oidhi Katonda by'ayenda okole era Amateeka gakwegeresa okumanha ekituufu.

Ab'e Roma 7:16

Bwe nkola kye ntayenda nkakasa nga Amateeka makalamu.

Ab'e Roma 7:22

Mu mwoyo gwange nsangaalira eiteeka lya Katonda.

Ab'e Roma 8:7

Okwemalira ku by'omubiri kuleetera omuntu okuba omuzigu wa Katonda, nga tawulira mateeka ga Katonda, era bwene taghanga ku gawulira.

1 Ab'e Korintho 1:8

Ono n'alibagemerera mwaba bagumu okutuusa ku nkomerero, mulobe kuba na musango gwonagwona ku lunaku lwa Musengwa waife Yesu Kurisito.

1 Ab'e Korintho 10:32

Mutakolanga kintu ekireetera Abayudaaya, oba abamaghanga agandi, oba Ekikunsu eky'Abaikiriza mu Kurisito ekya Katonda okugwa mu kibi.

1 Ab'e Korintho 8:13

Kale oba nga eby'okulya bireetera muganda wange okugwa mu kibi, tiireyo kubirya ndobe kuleetera muganda wange kugwa.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

2 Ab'e Korintho 2:17

Tituli oti n'abantu abandi kamaala abakozesa ekibono kya Katonda okufunamu kye banaalya, aye tuli bantu Katonda be yatuma, era twogera mazima mu maiso ge, ng'abagheereza mu Kurisito.

2 Ab'e Korintho 6:3

Titwenda kuta kitimuguunha mu ngira ya muntu yeenayeena, olwo ghalobe kubaagho muntu ayagaana kisobu mu mulimo gwaife.

2 Ab'e Korintho 8:8

Kino tikikoba ng'ekiragiro, aye nhenze okubalaga obufubi obw'abandi, mukakase oba nga okugonza kwaimwe kutuufu.

Ab'e Galatia 5:11

Aye aboluganda, oba nga mu kwegeresa kwange nkaakoba abantu okukeketebwa, lwaki bakankiriga? Era nguli ekyo kityo bwekiri, nguli bye ndhegeresa ku musalaba tibikaali kitimuguunha.

Ab'Efeso 4:15

Aye tube ba mazima mu kugonzania, tukakate mu byonabyona okutuuka ku kubeera irala abatuukiriire mu bulamu bwa Kurisito, omutwe gwaife.

Ab'Efeso 5:10

Mufubenga okumanha ekisangaaza Musengwa.

Ab'Efeso 5:27

olwo yeefunira Ekikunsu ky'Abaikiriza mu Kurisito eky'ekitiisa ekiri ng'omuntu aziraku kamyamya na nkokyo waire ekintu ekindi ekiri ng'oti n'ebyo, aye ekitukuvu era ekiziraku kikibulaku.

Ab'Efeso 6:24

Enkabi dha Katonda dhibe n'abo boonaboona abagonza Musengwa waife Yesu Kurisito n'okugonza okutakoma.

Ab'e Filippi 1:16

Bano babikola mu kugonza nga baidhi nga nateebwa ghano lwa kulwanirira Amawulire Amalungi.

Ab'e Filippi 1:6

Era nkakasa bukalamu ng'oyo eyatoolera omulimo guno omukalamu mu imwe aligutuusa ku kumalirizibwa ku lunaku lwa Yesu Kurisito.

Ab'e Filippi 2:16

Mukalangule ekibono eky'obulamu memale ku lunaku lwa Kurisito nsobole okwenhumiriza nti amaani n'okufaabiikana kwange tibyafa busa.

1 Ab'e Thessalonika 3:13

Olwo abagumye emyoyo gyaimwe, mube nga muziraku musango, era mube abatukuvu mu maiso ga Katonda waife era Lata, ku lule Musengwa waife Yesu lw'aliidha n'abatuukirivu be boonaboona.

1 Ab'e Thessalonika 5:21

Byonabyona mubyekebeedhenga, ebikalamu mubigemenga,

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

Yoshua 24:14

“Mpegaano ni mutyenga Musengwa Katonda era mumugheerezenga n'omwoyo mulala nga muli beesigwa. Musuule ere bakatonda badhaadha baimwe be baagheerezanga nga bakaali eruuyi ere ng'osomoike omwiga era ni bwe baali nga bakaali e Misiri, mugheereze Musengwa Katonda yenka.

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.

Okwolekebwa 2:2

Ndidhi by'okola, okufaabiikana kwo, n'okuguminkiriza mu bizibu kw'oli nakwo. Ndidhi nga tosobola kuguminkiriza bantu babi. Era ng'abo abaali beeyeta abatume, ate nga ti batume, wabaleba waababona nga baguya.