Ab'Efeso 6:6 - Baibuli Ekibono kya Katonda 2014

⁶ Ekyo mutakikolanga lwa bantu kubabona, babasiime, aye mukolenga nga Katonda bw'ayenda n'omwoyo gwaimwe gwonagwona, ng'abagheereza ba Kurisito.

Ab'Efeso 6:6 ပူးပေါင်းရင်းမြစ်များ

Yeremia 24:7

Ndidha kubaleeteranga okuumanha nga ninze Musengwa Katonda. Olwo beene babenga bantu bange, ate nze mbenga Katonda waibwe, kuba baja kukyuka baire ye ndi n'omwoyo gwaibwe gwonagwona.

Yeremia 3:10

Era ng'ebyo byonabyona bimaze okubaagho, Abayudaaya abo abataali beesigwa era baganda ba Abaisiraeli, baaloba okukyuka okwira ye ndi n'omwoyo gwaibwe gwonagwona. Aye beefuula bwefuule okuba ng'abakyuse. Nze Musengwa Katonda, ninze nkobye.”

Matayo 12:50

Buli akola Lata wange ali mu igulu ky'ayenda, oyo ni muganda wange, ni mwanhinaze ni mukaire wange.”

Matayo 7:21

“Buli muntu andheta ati: ‘Musengwa, Musengwa’, ti n'alingira mu Bwakyabazinga obw'omu igulu, aye oyo akola Lata wange ali mu igulu ky'ayenda.

Mariko 3:35

Buli akola Katonda ky'ayenda, oyo ni muganda wange, ni mwanhinaze, ni mukaire wange.”

Ab'e Roma 6:17

Aye Katonda yeekaza, kuba mwali nga muli bairu ba kibi, aye mwaganha n'omwoyo gwaimwe gwonagwona ebyo ebyali mu kwegeresebwa kwe mwagheebwa.

1 Ab'e Korintho 7:22

Omwiru eyayetebwa Musengwa, aba muntu wa Musengwa ow'eidembe eyatoolebwa mu bwiru, mu nsambo n'endala ow'eidembe atabangaku mwiru eyayetebwa Musengwa, aba mwiru wa Kurisito.

Ab'e Galatia 1:10

Mudhuuba muti ndi kunuyirira kusiimibwa bantu aye ti Katonda? Oba ndi kugezaaku kusangaaza bantu? Bwemba nga nkaagezaaku okusangaaza abantu mba tiri mugheereza wa Kurisito.

Ab'Efeso 5:17

Kale mutabanga basiru aye mumanhenga Musengwa ky'ayenda mukole.

Ab'e Filippi 2:12

Agho ni bakagwa, nga bwe mwali abawulize buliidho nga ndi n'imwe, ni mperaano nga tiri n'imwe musingegho okuba abawulize, olwo mube nga mukolerera okulokolebwa kwaimwe nga mutya era nga mudhugumira.

Ab'e Kolosai 1:9

Olw'ekyo, kyetuva ni tubasabira buliidho okuva lwe twawulira ebibafaaku, nga tusaba Katonda abaghe mu bwidhuvu okumanha by'ayenda era abaghe amagezi n'okutegeera byonabyona Mwoyo we by'agaba.

Ab'e Kolosai 4:12

Epafura, owundi ku abo ab'ewaimwe, ate era omugheereza wa Kurisito Yesu, abalamwisa. Buliidho abasabira n'omwoyo gwe gwonagwona mwekalangule ng'abantu abakulu abeekakasa mu ebyo Katonda by'ayenda.

1 Ab'e Thessalonika 2:4

Aye nga Katonda bwe yatwesiga n'atugemya Amawulire Amalungi, era twena tugakobera abantu nga bw'ayenda. Titugezaaku kusiimya bantu aye tusiimya Katonda akebera emyoyo gyaife,

1 Ab'e Thessalonika 4:3

Katonda ayenda, mube batukuvu, era mulekere irala obwenzi.

Abaheburayi 10:36

Mwetaaga okuguminkiriza, memale musobole okukola Katonda ky'ayenda, n'okugheebwa ekyasuubizibwa.

Abaheburayi 13:21

abaghe kiisi kikalamu kyonakyona kye mwetaaga okukolanga by'ayenda. Katonda oyo atukozese by'asiima mu Yesu Kurisito, agheebwe ekitiisa, ebyanda n'ebyanda. Amiina.

1 Petero 2:15

Katonda ayenda inho musirise obutamanha obw'abasiru, nga mukola ebikalamu.

1 Petero 4:2

Olwo ekiseera ky'amala ng'akaali mu mubiri, yaaba nga takaafugibwa kwegomba kwa mubiri okutoolaku okufugibwa Katonda by'ayenda.

1 Yoanne 2:17

Ensi ewaagho, n'okwegomba kwayo, aye oyo akola Katonda by'ayenda asigalagho ebyanda n'ebyanda.