Ab'Efeso 6:5 - Baibuli Ekibono kya Katonda 2014

⁵ Abairu mwisenga inho ekitiisa mu basengwa baimwe ab'oku nsi, era mubawulirenga mu mwoyo oguziramu buguya, nga bwe mwandiwuliire Kurisito.

Ab'Efeso 6:5 ပူးပေါင်းရင်းမြစ်များ

Amainhama 16:9

Malaika wa Musengwa yaamukoba ati: “Irayo ye musengwa wo era omugonderenga.”

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

Zabbuli 123:2

Ng'omugheereza omusaadha bw'alingirira ku musengwa we omusaadha, n'omugheereza omukazi n'alingirira ku musengwa we omukazi, twena tutyo bwe tulingirira ku Musengwa Katonda, oyo Katonda waife, okutuusa lw'alitugemerwa ekivunika.

Zabbuli 86:11

Wo Musengwa Katonda, ngalagira bwembe neebise, memale olwo ntambulirenga mu mazima go; era ondhegerese okukutyanga n'omwoyo mulala.

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Matayo 6:22

“Eriiso n'eitaala ery'omubiri. Kale eriiso lyo bweriba eiramu, omubiri gwo gwonagwona gwidhula obutangaavu.

Matayo 6:24

“Ghazira asobola kugheereza basengwa babiri kuba, oba alikyagha mulala yaayenda owundi, oba aligumira ku mulala yaasambaadha owundi. Timusobola kugheereza Katonda ate na bya bufuni.

Matayo 8:9

Nze zeena ndi muntu atwalibwa, ate ndi n'abaisirukale be ntwala. Era bwe nkoba ono nti, ‘Ja,’ aja n'owundi nti, ‘Idha,’ aidha n'omwiru wange nti, ‘Kola kino,’ akikola.”

Ebikolwa by'Abatume 2:46

Baafubanga buli lunaku okuba aghalala mu isinzizo, era baajanga mu ndhu dhaibwe okumegula omugaati. Emere nga bagiriisa isanhu na kwisania

Ab'e Roma 9:3

Kuba kasinga nze mwene Kurisito yandiinaamye olwa baganda bange, ab'eighanga eirala ninze.

1 Ab'e Korintho 2:3

Kale bwe naidha ye muli nali munafu nga ntya era nga ndhugumira zeenazeena

1 Ab'e Korintho 7:22

Omwiru eyayetebwa Musengwa, aba muntu wa Musengwa ow'eidembe eyatoolebwa mu bwiru, mu nsambo n'endala ow'eidembe atabangaku mwiru eyayetebwa Musengwa, aba mwiru wa Kurisito.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

2 Ab'e Korintho 7:15

Era bw'aidhukira obuwulize bwaimwe mwenamwena, okutya n'okumutengeetera nga mumusangaaza, yeeyongera okubagonza.

Ab'Efeso 5:22

Abakazi muwulirenga baibaimwe ng'oti ni bwe muwulira Musengwa,

Ab'Efeso 6:24

Enkabi dha Katonda dhibe n'abo boonaboona abagonza Musengwa waife Yesu Kurisito n'okugonza okutakoma.

Ab'e Filippi 2:12

Agho ni bakagwa, nga bwe mwali abawulize buliidho nga ndi n'imwe, ni mperaano nga tiri n'imwe musingegho okuba abawulize, olwo mube nga mukolerera okulokolebwa kwaimwe nga mutya era nga mudhugumira.

Filemoni 1:16

Era mperaano ti mwiru bwiru kyonka, aye asinga omwiru: buti waluganda waife, omugonzi einho ye nze, aye ate okusingira irala ye iwe. Kuba mwiru ate kabiri yaaba muganda wo mu Musengwa!

Yoshua 24:14

“Mpegaano ni mutyenga Musengwa Katonda era mumugheerezenga n'omwoyo mulala nga muli beesigwa. Musuule ere bakatonda badhaadha baimwe be baagheerezanga nga bakaali eruuyi ere ng'osomoike omwiga era ni bwe baali nga bakaali e Misiri, mugheereze Musengwa Katonda yenka.

1 Petero 3:2

Kuba baja kubona empisa dhaimwe enkalamu edhibagheesa ekitiisa.