Ab'Efeso 6:4 - Baibuli Ekibono kya Katonda 2014

⁴ Imwe abazaire, mutasoononkerezanga baana baimwe kubaleetera kunakughala, aye mubakuze nga mubagalagira era nga mubeegeresa ebya Musengwa.

Ab'Efeso 6:4 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

1 Ebyomubyanda 29:19

Nkweghemba oghe mutabane wange Solomoni omwoyo ogw'okwegheerayo irala okugema amateeka go ni by'olagira byonabyona, n'okuzimba eisinzizo, lye nteereiregho ebintu ebyo.”

Ensambo 19:18

Kangaivula omwana wo nga ghakaaligho eisuubi ery'okumugolola, otamuleka kuzikirira.

Ensambo 22:15

Kiri mu butonde obw'omwana omuto okukola eby'ekisiru, aye omwigo gubimutoolamu.

Ensambo 22:6

Oyegeresanga omwana okwebisanga obukalamu, ni bw'alikula taja kwerabira.

Ensambo 29:15

Okukangaivula n'okunenia byegeresa, aye omwana alekebwa agho atyo n'atakobwaku, aswaza omuzaire we.

Ensambo 29:17

Kangaivulanga omwana wo, aidha kukweyagazanga; era akufuulenga okuba omusangaavu.

Isaia 38:19

Abalamu bonka n'abakusiima, nga nze bwe ndi kukola olwaleero. Abazaire bakobera abaana baibwe nga bw'oli omwesigwa.

Ab'Efeso 6:3

“Lw'onaasobola okuba obukalamu era n'okughangaala ku nsi.”

Amateeka Agokubiri 4:9

“Aye mwegenderezenga era mwekuumenga, mulobe kwerabiranga mu bulamu bwaimwe bwonabwona, ebyo imwe beene bye mweboneraku n'agaimwe. Mukoberenga abaana n'abaidhukulu

Amateeka Agokubiri 6:7

Mubyegeresenga abaana baimwe. Era mubyogerengaku nga muli ghaka oba nga muli mu ngira mutambula, nga mulambaire oba nga musitwikegho.

Ab'e Kolosai 3:21

Abazaire, mutasonsoonianga baana baimwe okubajiirajiiraku n'okubakambughalira, kuba kisobola okubamalamu amaani baabivaaku.

2 Timotheo 1:5

Ndidhukira okwikiriza kwo okw'amazima okwatoolerera mu dhaadha wo Loi, ni kuja ni mu inhoko Eunike, era buti kwe nkakasa nti kuli ni mu iwe.

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

Abalamuzi 13:12

Manoa yaamubuuza ati: “Ebibono bye wakoba bwe birituukirira, obulamu bw'omwana oyo buliba bwa nsambo ki, era kiki ky'aliba n'okukola?”