Ab'Efeso 6:3 - Baibuli Ekibono kya Katonda 2014

³ “Lw'onaasobola okuba obukalamu era n'okughangaala ku nsi.”

Ab'Efeso 6:3 ပူးပေါင်းရင်းမြစ်များ

Isaia 3:10

Mukobere abatuufu muti ebyaibwe birungi, kuba baidha kuganhulwanga mu biva mu kukola kwaibwe.

Yeremia 35:7

Ekindi yatukoba obutazimbanga ndhu, n'obutalimanga nimiro, oba okusimbanga amasamba g'emizabbibu, waire okugagula obugule. Yatulagira tusulenga mu weema buliidho, olwo tusobole okusigala nga tukaali mu nsi eno mwe tuli ng'abasenze.

Yeremia 42:6

Oba binaatusanhusa oba tibiitusanhuse, twidha kugondera Musengwa Katonda waife ye tuli kukukoba otusabire y'ali. Memale ebintu bisobole okutujiiranga obukalamu.”

Ab'Efeso 6:2

“Lata wo n'inhoko obatangamu ekinhagansi.” Kino n'ekiragiro ekisooka ekirimu ekisuubizo ekikoba kiti:

Ab'Efeso 6:4

Imwe abazaire, mutasoononkerezanga baana baimwe kubaleetera kunakughala, aye mubakuze nga mubagalagira era nga mubeegeresa ebya Musengwa.

Amateeka Agokubiri 12:25

Mutagulyanga naire, olwo mughange okubanga obukalamu, imwe n'abaana baimwe abaliiragho. Kuba olwo munaabanga nga mukoze ekyo Musengwa Katonda ky'abona nga n'ekituufu.

Amateeka Agokubiri 12:28

Mujiirenga buliidho ku bibono bino byonabyona bye mbalagiire, olwo mughange okubanga obukalamu, imwe n'abaana baimwe abaliiragho ebyanda n'ebyanda. Kuba olwo munaabanga nga muli kukola ebyo Musengwa Katonda by'abona nga birungi era nga bituufu.”

Amateeka Agokubiri 22:7

Onaabanga wa idembe okutwala obwana aye waalekula inhaabwo, oghange okubanga obukalamu n'okughangaala.

Amateeka Agokubiri 4:40

Mukuumenga amateeka ge n'ebiragiro bye, bye ndi kubagha olwaleero, mughange okubanga obukalamu, imwe n'abaana baimwe abaliiragho, era mughangaalire mu nsi, Musengwa Katonda waimwe y'ali kubagha okubanga eyaimwe enaku dhoonadhoona.”

Amateeka Agokubiri 5:16

“ ‘Mughenga balata baimwe ni bainhaimwe ekitiibwa, nga nze Musengwa Katonda waimwe bwe mbalagira, olwo mughange okubanga obukalamu era mughangaalire mu nsi ye ndi kubagha.

Amateeka Agokubiri 5:33

Mujiirenga ku ebyo byonabyona Musengwa Katonda waimwe bye yabalagira, mughange okuba obukalamu, mughangaalire mu nsi ye muja okutwala.”

Amateeka Agokubiri 6:18

Mukolenga ebyo Musengwa Katonda by'abona nga bituufu era nga birungi. Olwo musobole okuba obukalamu, n'okwingira okutwala ensi enungi, Musengwa Katonda ye yasuubiza badhaadha baimwe.

Amateeka Agokubiri 6:3

Imwe Abaisiraeli muwulire: mwegendereze okutuukirizanga ebyo, musobole okubanga obukalamu era mweyongerenga okuba abangi einho era ab'amaani, nga muli mu nsi eyo engimu era erimu ebirungi kamaala, nga Musengwa Katonda, Katonda wa badhaadha baimwe bweyasuubiza.

Ruthi 3:1

Nga ghabiseeghooku entangama, Naomi yaakoba Ruthi ati: “Mwana wange, nteekwa okukufunira omusaadha ofune amaka agago ku bubwo.