Ab'Efeso 6:15 - Baibuli Ekibono kya Katonda 2014

¹⁵ Okuba abeetegefu okulangirira Amawulire Amalungi, agaleeta emiraala, kubabeere ng'engaito mu bigere byaimwe.

Ab'Efeso 6:15 ပူးပေါင်းရင်းမြစ်များ

Olwembo 7:1

Iwe omughala omumbeedha, ebigere byo nga birungi mu ngaito. Ebiteege byo birungi ng'oti n'amabaale ag'omughendo, agaaseeneibwa omukozi omukugu einho.

Isaia 52:7

Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Habakkuku 3:19

Musengwa Katonda n'ampa amaani, yaagumya ebigere byange ku itaka oti bya mpongo, yankuuma naaloba kutyerera ku nsozi kugwa.

Mariko 6:9

Yaabakoba bateemu engaito, aye batavaala bivaalo bibiri.

Luka 15:22

Aye ise yaakoba abagheereza be ati, ‘Muleete mangu ekivaalo ekisinga bukalamu mumuvaaze, mumuteeku empeta ku ngalo, mumuvaaze n'engaito.

Ab'e Roma 10:15

Era balikoberwa batya, nga ghazira batumiibwa? Nga bwe kyaghandiikibwa kiti: “Okwidha kw'abo abaleeta Amawulire Amalungi nga kusangaaza!”

Amateeka Agokubiri 33:25

Ebibuga byaimwe biigalwenga na ndhigi dha kyuma kigumu inho era na kyuma kya kikomo. Mubenga bagumu obulamu bwaimwe bwonabwona.