Ab'Efeso 6:12 - Baibuli Ekibono kya Katonda 2014

¹² kuba tituli kulwana na bantu buntu aye tuli kulwana n'emizimu emibi egy'omu ibbanga kamaala. Tuli kulwana n'abafuzi n'ab'obukumu, n'emisambwa egy'omu luse luno olw'ekizikiiza.

Ab'Efeso 6:12 ပူးပေါင်းရင်းမြစ်များ

Yobu 2:2

Agho Musengwa Katonda yaabuuza Sitaani ati: “Ova gha?” Sitaani yairamu Musengwa Katonda ati: “Nva kubitabita mu nsi, n'okugitambulatambulamu.”

Matayo 16:17

Yesu yaamukoba ati: “Simoni mutabane wa Yona, oli wa nkabi, kuba ti muntu buntu eyakubwikulira ekyo, aye Lata wange ow'omu igulu.

Mariko 4:19

aye olw'okweraliikirira eby'obulamu obw'oku nsi, okuguyibwa eby'obukombe, n'okwegomba kwonakwona okundi, bwe bibangiramu, bifundekeza ekibono, kyaloba kubala naire.

Luka 13:24

“Mufube inho okungirira mu mulyango omufunda, kuba ka mbakobere abantu kamaala baligezaaku okungira aye tibalighanga.

Luka 22:53

Nabanga n'imwe mu isinzizo buli lunaku, timwangema. Aye eno n'esaawa yaimwe era amaani ag'enzikiiza gali kukola.”

Yoanne 12:31

Kino n'ekiseera okusalira ensi omusango, mperaano abaire afuga ensi eno aja kubingibwa.

Yoanne 14:30

Tiidha kwogera bintu kamaala n'imwe kuba omufuzi ow'ensi eno ali kwidha. Aye nze tanfuga.

Yoanne 16:11

Aligirumiriza ku bigema ku kusalirwa omusango, kuba afuga ensi eno yamala ira okusalirwa omusango.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ab'e Roma 8:38

kuba nkakasa nti waire kufa, waire bulamu, waire bamalaika, waire abafuzi n'ab'obukumu obundi, waire ebirigho, waire ebiribaagho,

1 Ab'e Korintho 15:50

Aboluganda, kye nkoba ni kino omubiri obubiri n'omusaayi obusaayi tibisobola kugheebwa mugabo mu Bwakyabazinga bwa Katonda, n'ekifa tikighanga kugheebwa butafa.

2 Ab'e Korintho 11:14

Era ekyo tikyewuunhisa, kuba ni Sitaani yeefuula okuba malaika ow'obutangaavu.

2 Ab'e Korintho 4:4

N'abo abataikiriza, kuba Sitaani omufuzi ow'ensi eno yabaghemba emyoyo, yaabalobera okubona obutangaavu obw'Amawulire Amalungi ag'ekitiisa kya Kurisito, oyo abonerwamu Katonda nga bw'afaanana.

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,

Ab'Efeso 1:21

n'afuga obufuzi, n'obukumu, n'amaani eby'omu ibbanga. Era mumanhe ng'ali n'ekitiisa ekisinga ebitiisa byonabyona, ti mu byanda bino byonka aye ni mu biriiragho.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Ab'Efeso 2:2

bye mwalimu nga mujiira ku bantu b'ensi nga bwe bakola, nga mufugibwa omukulu ow'emizimu egy'omu ibbanga, buti egikolera mu abo abatawulira Katonda.

Ab'Efeso 3:10

Mperaano ng'abita mu Kikunsu ky'Abaikiriza mu Kurisito, Katonda ayenda amanhise abafuzi n'ab'obukumu abali mu igulu amagezi ge agatakoma.

Ab'e Kolosai 1:13

Yatutoola mu bufuge obw'ekizikiiza yaatwiza mu Bwakyabazinga obw'Omwana we omugonzi.

Ab'e Kolosai 2:15

Era ku musalaba okwo byonabyona ebyali n'obukumu era n'obufuzi yabitutoolaku, era yaayoleka obughanguzi bwe mu lwatu.

2 Timotheo 2:5

Ole angira mu mizaanho egy'entaka taghanga kugheebwa kirabo nga tajiiriire ku mateeka ga mizaanho egyo, ni bw'aba nga n'asinze baine.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

Abaheburayi 12:4

kuba waire mulwana n'ekibi, mukaali kutuuka ku kwitibwa.

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.