Ab'Efeso 6:1 - Baibuli Ekibono kya Katonda 2014

¹ Abaana, abazaire baimwe mubawulirenga mu Musengwa, kuba ekyo n'ekigwaine.

Ab'Efeso 6:1 ပူးပေါင်းရင်းမြစ်များ

Amainhama 28:7

era yaakitegeera nga Yakobo bweyagondera ise n'inhina, naaja e Paddanarama.

Amainhama 37:13

Isiraeli yaakoba Yosefu ati: “Baganda bo bali Shekemu, ye bali kwayira ebyayo. Kola nkutume ye bali.” Yosefu yairamu ati: “Ndi ghano ntuma.”

Amainhama 48:12

Agho Yosefu yaabatoola ku makiryaivu ga Isiraeli, era yaakuba amakiryaivu n'obweni bwatuuka ku itaka.

Amainhama 50:12

Kale abaana ba Yakobo baakola nga mwene bweyabalagira.

Nehemia 9:13

Wava mu igulu waika ku lusozi Sinai, waayogera nabo, waabagha endhegeresa entuufu, ey'amateeka n'ebiragiro eby'amazima.

Yobu 33:27

Era yaakobera abantu ati, ‘Nayonoona, naakola ebikyamu, aye Katonda taneesasuliizaaku.

Zabbuli 119:128

Kyenva neesibirira ku kujiira ku ebyo by'olagira; ni nkyagha empisa embi dhoonadhoona.

Zabbuli 119:75

Wo Musengwa Katonda, ndidhi ng'ensala yo ntuufu eziramu kwekubira, era ndidhi nga wankangaivula kuba oli mwesigwa mu by'osuubiza.

Zabbuli 19:8

Ebiragiro bya Musengwa Katonda bituufu, bisangaaza abo ababigondera; amateeka ga Musengwa Katonda matukuvu, gazibula amaiso.

Ensambo 1:8

Mwana wange, owulirisanga inho lata wo by'akugalagira, era otavanga ku inhoko by'akwegeresa;

Ensambo 23:22

Wulirisanga lata wo, kuba n'eyakuzaala era otanhoomereranga inhoko, waire ng'akairiighe.

Ensambo 30:11

Ghaligho abantu abakolimira baiseibwe, era abatasabira bainhaibwe nkabi.

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Ensambo 6:20

Mwana wange, gemanga ebyo lata wo by'akulagira, era otavanga ku ebyo inhoko by'akwegeresa.

Yeremia 35:14

Baidhukulu ba Yonadabu mutabane wa Rekabu baagondera ekiragiro kya Yonadabu oyo eky'obutanhwanga mwenge gwa mizabbibu. Era ni ye buli eno tibagunhweraku irala naire. Aye imwe nze buliidho mbakoba aghazira kukoogha naire, aye mwaloba kumpulirisa.

Yeremia 35:18

Agho naakobera ab'ekika kya Rekabu nti: “Musengwa Katonda Afuga Amagye, Katonda wa Isiraeli, akoba ati, ‘Mwagondera ebyo dhaadha waimwe Yonadabu bye yabakoba okukola, era mwajiira ku ebyo byonabyona bye yabalagira ni bye yabagalagira.

Yeremia 35:8

Kale tugondera ebyo byonabyona dhaadha waife Yonadabu bye yatulagira. Ife beene, ni bakazi baife, ni batabane baife, era ni baghala baife, titunhwera irala ku mwenge gwa mizabbibu naire.

Hosea 14:9

Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.

Abalevi 19:3

Kiisi muntu ku imwe ate nga mu ise n'inhina ekitiisa, era akuzenga olunaku olwa Sabbato nga bwe nalagira. Ninze Musengwa Katonda waimwe.

Luka 2:51

Agho Yesu yaaserengeta nabo, yaatuuka e Nazarethi, era yaabawuliranga. Inhina ebintu ebyo byonabyona yaabita ku mwoyo.

Ab'e Roma 12:2

Muteebisanga ng'abantu ab'ensi eno bwe beebisa, aye mukyuse ebirowoozo byaimwe musobolenga okumanha ebyo Katonda by'ayenda ebikalamu, ebiikirizibwa era ebituufu.

Ab'e Roma 16:2

Mumusangaaze mu liina lya Musengwa ng'abantu ba Katonda bwe basangaaza, era mumuyambe mu kiisi ky'ayenda, kuba ye mwene yayamba abantu kamaala era nga zeena mwe ndi.

Ab'e Roma 7:12

Kale ni Amateeka ku bwago matukuvu n'ekiragiro kitukuvu kya mazima era kikalamu.

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

Amateeka Agokubiri 21:18

“Abazaire basobola okuba ni mutabane waibwe ow'empwitu era omudheemu, atagondera ise oba inhina, era nga ni bwe bamubonereza taganha kubawulira.

1 Timotheo 5:4

Bwe ghabaagho namwandu ali n'abaana oba abaidhukulu, bano basookenga okumanha endhikiriza yaibwe ky'ebakoba okukoleranga amaka ag'ewaibwe, n'okusasulaku abazaire baibwe kuba ekyo Katonda ky'asiima.

1 Petero 2:13

Ku lwa Musengwa muwulirenga kiisi mufuzi ow'oku nsi, leka abe kyabazinga,

Ruthi 3:5

Ruthi yaamwiramu ati: “Ebyo byonabyona by'onkobye ndidha kubikola.”

1 Samueli 17:20

Daudi yaasitukagho ku nkyo, entaama yaadhirekera omuntu anaadhirabirira, yaatwala eby'okulya nga Yesse bwe yamulagira. Yaatuuka mu kifo Abaisiraeli ghe baasimba weema dhaibwe, ng'eigye liri kufuluma okuja okulwana, eno nga bwe lyemba enhembo edh'omu lutalo.