Ab'Efeso 5:6 - Baibuli Ekibono kya Katonda 2014

⁶ Batabaguyanga na bibono biziramu, kuba byene ebyo n'ebireetera obusungu bwa Katonda okwidha ku batamuwulira.

Ab'Efeso 5:6 ပူးပေါင်းရင်းမြစ်များ

2 Bakyabazinga 18:20

Olowooza oti okwogera obwogere n'okunaafuuka amagezi n'amaani ag'okulwana olutalo? Naani y'oli kwesiga okutuuka n'okundheemera?

Zabbuli 78:31

Katonda yaabasungughalira, yaitamu abasaadha abaali basingamu amaani abasaadha aba Isiraeli abaalondebwa n'obwegendereza.

Yeremia 27:9

Mutajiira ku bya balanzi baimwe oba balaguzi baimwe, waire okujiira ku muntu yeenayeena abakoba ati asobola okulagula ebiribaagho ng'abita mu kuvuunula ebirooto, ni mu kukola eby'obulogo n'eby'emizimu. Abantu abo boonaboona babakoba obutaganha kyabazinga w'e Babilonia kubafuga.

Yeremia 29:31

“Gheereza abali mu bunhage boonaboona obukwenda buno obugema ku Shemaia ow'e Nehelamu, oti, ‘Nze Musengwa Katonda nja kubonereza Shemaia oyo n'abaana be era n'abaidhukulu boonaboona. Nze timutumangaku naire, aye yayogera n'imwe ng'oti se mulanzi era yaabaikirizisa eby'obuguya. Mu baidhukulu baimwe timuja kubaamu babe. Era talighangaala kutuuka ku kubona bintu birungi bye nja okukolera abantu bange, kuba yakoba abantu bandheemere nze Musengwa Katonda.’ ”

Yeremia 37:9

Nze Musengwa Katonda mbalabula mulobe kwerimba muti Abababilonia tibaidha kwira. Bwenebwene baidha kwira.

Mika 3:5

Abalanzi abaguya badaaliimya abantu nga basuubiza miraala oyo abagha eky'okulya, ate baalanga okwidha kw'olutalo eri oyo azira ky'abaghaire.

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 24:4

Yesu yaabairamu ati: “Mwekuume, ghalobe kubaagho abaghabya.

Mariko 13:22

kuba ghaliidhagho abeeyeta Kurisito n'abeeyeta abalanzi, baakola obumanhiso n'ebyewuunhio nga benda kuwubania abalondemu bwe kiba kisoboka.

Mariko 13:5

Agho Yesu yainhama okubakoba ati: “Mwekuume ghalobe kubaagho abaghabya.

Ab'e Roma 1:18

Katonda alaga obusungu bwe okuva mu igulu ku bantu abatamutya era abakozi b'ebibi abataganha mazima kuboneka olw'ebikolwa byaibwe ebibi.

Ab'e Kolosai 2:18

Ghatabangagho ababuza ng'akozesa okwewooya n'okusinza bamalaika. Omuntu ng'oti n'oyo yeefuula okuba ng'abasinga, mbu kuba yabonekerwa. Yeetuusa aghazira na nsonga, okutoolaku ebirowoozo bye ebiziramu.

Ab'e Kolosai 2:4

Ndi kubakobera ebyo ghabule abaguya ng'abakobera ebibono ebisendasenda.

Ab'e Kolosai 2:8

Mubone nga tighabaagho muntu yeenayeena abafuula bairu, ng'akozesa ebidhuubo eby'abagezigezi n'obuguya obuli mu mpisa dh'abantu, ni mu mizimu egitwalibwa nga n'egifuga ensi eno. Ebintu bino tibiva wa Kurisito.

Ab'e Kolosai 3:6

Kuba olw'ebintu ebyo, obusungu bwa Katonda buli kwidha.

2 Ab'e Thessalonika 2:3

Ghatabangagho muntu yeenayeena abaguya mu nsambo yoonayoona, kuba olunaku olwo tiruja kutuuka okutuusa ng'okudheema okusembayo kumaze okutuuka, n'omuntu Omubi Isaababi ow'okuzikirira ng'amaze okweyoleka.

Abaheburayi 13:9

Okwegeresa okundi kwonakwona kwe babaleetera kutabadaalimyanga. Kuba ekikulu n'ekisa kya Katonda okutugumya omwoyo, okusinga akujiira ku mateeka ag'eby'okulya agataganhulangaku abo abagajiiraku.

Abaheburayi 3:19

Kale tubona nga baalemwa okutuuka lwa butaikiriza bwaibwe.

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.