Ab'Efeso 5:4 - Baibuli Ekibono kya Katonda 2014

⁴ Era timugwaine kwogera bya buwemu, oba bya busiru, oba ebitabisika mu kanwa, aye mweyanzenga Katonda.

Ab'Efeso 5:4 ပူးပေါင်းရင်းမြစ်များ

Zabbuli 33:1

Imwe abatuufu musagambe olw'ebyo Musengwa Katonda by'akola; kituufu okumusaaka imwe abagondera ebiragiro bye.

Zabbuli 92:1

Kigwaine okukusiima by'okola, iwe Musengwa Katonda! Kigwaine okwemba enhembo edhisaaka eriina lyo, iwe Ali Ghaigulu Yeene!

Ensambo 12:23

Omuntu omutegeevu taja nga yeerangirira kiisi ky'aidhi, aye abasiru booleka bukalamu nga ghazira kye baidhi.

Ensambo 15:2

Omugezi ayogera ebigwaniire, aye omusiru alokompoka busiru bwereere.

Ensambo 26:19

n'omuntu alimba mwine n'amala n'amukoba ati: “Mbaire ndi kudhondha” yeena atyo bw'aba.

Omulangirizi 10:13

Omusiru bw'atoolera okwogera, by'akoba biba bya kisiru, era ku nkomerero biba bya kiralu kyene.

Danieli 6:10

Danieli bwe yamanha ng'ekighandiiko eky'ekiragiro ekyo kiteirebwaku ekinkumu, yairayo eka ewuwe mu ndhu ye. Amadinisa ag'endhu eyo ag'omu kisenge ekya ghaigulu, gaali nti bwe gaigulwanga nga galingirira okwolekera Yerusalemu. Kale bwe yatuuka eyo yaakuba amakiryaivu, yaasaba era yeebaza Katonda we nga bwe yakolanga okuva eira, emikuzi esatu buli lunaku.

Mariko 7:22

omuluulu, omulyakubi, obugwenhufu, obuguya, ensaalwa, okughaayiriza, olunkulu n'obusirusiru.

Yoanne 6:23

Ghaabaagho amaato agaava e Tiberia, gaidha okumpi n'ekifo abantu kamaala ghe baaliira emigaati nga Musengwa amaze okweyanza.

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

2 Ab'e Korintho 1:11

Mwena mutubeere nga mutusabira, ng'abantu kamaala bwebatusabira Katonda n'atugha enkabi, era abantu kamaala ni batwebalizaaku Katonda olw'enkabi dhe tufuna olw'okusaba kwaibwe.

2 Ab'e Korintho 9:15

Katonda yeekaza olw'ekirabo kye ekitaloodheka.

Ab'Efeso 1:16

tirekeranga kweyanza Katonda ku lwaimwe. Mbaidhukira, naabasabira,

Ab'Efeso 4:29

Eminwa gyaimwe girobenga kwogera bibono bitasaana, aye gyogerenga ebyo byonka ebikalamu ebizimba era ebisaine, bisobole okuleetera ababiwulira emikisa.

Ab'e Filippi 4:6

Muteeraliikiriranga olw'ekintu kyonakyona, aye buli lwe musabanga mumanhise Katonda ebyetaago byaimwe byonabyona, era buli kiseera mumusabenga n'emyoyo egisiima.

Ab'e Kolosai 3:8

Aye mperaano muteekwa okulekayo ebintu ebyo byonabyona: obusungu, ekiruyi, enge, okuvuma, era n'okughemula kutabitanga mu kanwa mwaimwe.

1 Ab'e Thessalonika 3:9

Ye tunaakola ki, okwoleka Katonda nga bwe tuli abasiimu olwa imwe n'olw'okusagamba kwe tuwulira mule olwa imwe mu maiso ge?

1 Ab'e Thessalonika 5:18

era mu byonabyona mweyanzenga. Kuba ekyo Katonda ky'abendaku mu bulamu bwaimwe mu Kurisito Yesu.

Filemoni 1:8

Olw'okugonza kw'ogonzaamu abatuukirivu boonaboona, nze ng'owoluganda mu Kurisito tikyandintiisiisa kukulagira bulagire kukola ekyo ekigwaine.

Abaheburayi 13:15

Kale buliidho tughenga Katonda omusengo ogw'okumusaaka nga tubita mu Yesu, nga twatula eriina lye n'eminwa gyaife.

2 Petero 2:18

Mu busiru bwaibwe baasiikana nga beesuuta, era baakozesa obudankaanu bwaibwe obw'omubiri okusendasenda abo abaakava obuve mu bantu abakaali mu nsobi.

2 Petero 2:7

Yawoniagho Loti omusaadha omutuufu, eyali yeesiniirwa empisa edh'obudankaanu edh'abantu ababi.

Yuda 1:10

Aye abantu bano bavuma kiisi kye bataidhi, ate ebyo bye baidhi babiidhi bwa mu butonde okufaananaku ensolo edh'omu nsiko. Era byene ebyo n'ebibazikiriza.

Yuda 1:13

Bali ng'oti n'okwefuukuula kw'enhandha, ate ebikolwa byaibwe ebiswaza byaba ng'oti n'eiwovu erifuukeera ku maadhi agali kwefuukuula. Bali ng'oti muunienie edhimala gaja eyo dhityo, era Katonda yabategekera okuba mu nzikiiza ebyanda n'ebyanda.