Ab'Efeso 5:19 - Baibuli Ekibono kya Katonda 2014

¹⁹ Mu kughaya mukozesenga Zabbuli, n'enhembo, edhisaaka Katonda, nga mwembera Musengwa n'omwoyo mulala.

Ab'Efeso 5:19 ပူးပေါင်းရင်းမြစ်များ

Zabbuli 147:7

Mwembere Musengwa Katonda nga mumusiima; mutabulemu n'entongooli nga mwembera Katonda waife.

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Zabbuli 86:12

Wo Musengwa Katonda wange, nsiima inho n'omwoyo gwange gwonagwona by'onkolera, era ndidha kughanga eriina lyo ekitiisa ebyanda n'ebyanda.

Zabbuli 95:2

Ka tuje y'ali tumusiime tumukubire emizira nga twemba n'enhembo edh'okumusaaka;

Isaia 65:14

Abo abakola bye nhenda balyemba olw'eisanhu, aye imwe mwalira olw'enaku era mwawowoola olw'obulumi.

Matayo 15:8

‘Abantu bano bantaamu ekitiisa mu bibono bubono, aye omwoyo gwaibwe gundi ghala.

Matayo 26:30

Era bwe baamala okwemba olwembo baafuluma baaja ku Lusozi olw'Emiti Emyoliva.

Ebikolwa by'Abatume 16:25

Agho nga mu bwire ghagati, Paulo ni Sila baali basaba Katonda era nga bamusaaka mu nhembo, era n'abasibe nga bali kuwulirisa.

1 Ab'e Korintho 14:15

Olwo ndi na kukola ki? Ndidha kusabanga n'omwoyo gwange, era nsabenga n'okumanha kwange kwona. Ndidha kwembanga n'omwoyo gwange, era nhembenga n'okumanha kwange kwona.

1 Ab'e Korintho 14:26

Kye nkoba ni kino aboluganda: Bwe mwesoloza okusinza, owundi aba n'olwembo olusaaka Katonda, ole yaaba ni ky'ayegeresa. Ole yaaba ni Katonda ky'amwoleike, ole yaaba n'okwogera mu nnimi, ate ole owundi yaaba n'okuvuunula ebyogerwa. Buli ekikolebwa kibe nga kigasa Ekikunsu eky'Abaikiriza mu Kurisito.

Ab'e Kolosai 3:16

Ekibono kya Kurisito n'obukombe bwakyo kibenga mu myoyo gyaimwe. Buli muntu ayegeresenga era agalagirenga mwine mu magezi goonagoona. Mwembenga zabbuli n'enhembo edhisaaka Katonda, n'enhembo edh'omwoyo nga mwoleka okusiima kwaimwe mu myoyo gyaimwe eri Katonda.

Yakobo 5:13

Ghaligho mu imwe adaagadaaga? Kale asabe Katonda. Ghaligho omusangaavu? Kale ayembe enhembo edhisaaka Katonda.

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.