Ab'Efeso 5:11 - Baibuli Ekibono kya Katonda 2014

¹¹ Muteeyimbanga mu kukola bintu bya mu nzikiiza ebiziramu nsa abantu bye bakola, aye mubyatuukirizenga.

Ab'Efeso 5:11 ပူးပေါင်းရင်းမြစ်များ

Amainhama 20:16

Ate yaakoba Sara ati: “Bona, mpaire mwanhoko ebitundu bya feeza lukumi (1,000) ng'ekirabo, okwoleka boonaboona b'oli nabo ng'oziraku musango; abantu boonaboona baidha kumanha bati ozira kibi kye wakola.”

Zabbuli 141:5

Omuntu omukalamu amala gambonereza oba yandhuuka olw'okungemerwa ekisa, okusinga okuganha ekitiibwa ekimpeebwa abantu ababi, kuba tirekerangaku kusaba nga nvumirira ebikolwa byaibwe ebibi.

Ensambo 1:10

Mwana wange, abakozi ab'ebibi bwe bakusendasendanga toganhanga.

Ensambo 1:31

Mbeeni mwidha kwesasuuzibwanga olw'ebyo bye mukola, era mubonerezebwenga ebyo beene bye muyiiya okukola.

Ensambo 13:18

Omuntu atafaayo ku bye bamugalagira, ayavughala era yaanhoomebwa, aye ole awulirisa bye bamunenia agheebwa ekitiisa.

Ensambo 15:12

Omuntu omunhoomi tayenda kunenezebwa, era taghanga kuja kwebuuzaaku ku bamusinga magezi.

Ensambo 19:25

Omunhoomi ali n'okubonerezebwa, olwo abazira magezi basobole okwega; era bw'onenia omutegeevu yeeyongeraku okutegeera.

Ensambo 25:12

Ow'amagezi by'agalagira omuntu eyeetegeike okuwulirisa, biba bya mughendo okuwula empeta ya zaabu n'ebintu ebyakolebwa mu mabaale ga zaabu.

Ensambo 28:4

Abo abatajiira ku mateeka basaaka ababi, aye abagajiiraku babalwanisa.

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Isaia 29:21

Katonda alizikiriza abo abaghaayiriza banaibwe emisango gye batakoze, n'abo abayamba abaizi ab'emisango ni batabonerezebwa, era n'abo abaguya ni balemesa omutuufu okusalirwa omusango mu mazima.

Yeremia 15:17

Tibangaku na bantu ku binhumo mu kusagamba. Aye nabanga agho zenka nga njiira ku biragiro byo, nga ndidhwire obusungu.

Abalevi 19:17

“Otakyaghanga muntu yeenayeena n'omwegemerera, aye omunenianga byaweera agho, olobe kugwa mu kibi olw'oyo.

Matayo 18:15

“Muganda wo bw'akukola ekibi, ja omunenie nga muli bwa babiri mwenka. Bw'akuwulirisa, ng'olwo muganda wo oyo omuwoniiza.

Luka 3:19

Aye Herode ow'eisaza, Yoanne ye yanenia olwa Herodia muka muganda we n'olw'ebibi byonabyona bye yali akoze,

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ab'e Roma 13:12

Obwire bujiire olunaku lunaatera okutuuka. Kale tuve mu bikolwa eby'enzikiiza, tugeme eby'okulwanisa eby'obutangaavu.

Ab'e Roma 16:17

Aboluganda, mbeeghembye mwekuumenga abo abaleeta okwawukana n'okutabuka nga batakania ebyo bye mwayegeresebwa. Mubeeghalenga

Ab'e Roma 6:21

Aye mwaganhulwamu ki okukola ebintu ebyo ebibagemya n'ensoni mperaano? Kuba enkomerero y'ebintu ebyo kufa.

Ab'e Galatia 6:8

Kuba asiga mu kwegomba kw'omubiri gwe, mu mubiri alikungula kufa aye asiga mu Mwoyo wa Katonda, mu Mwoyo oyo alikungula obulamu obutawaagho.

Ab'Efeso 4:22

Kale mwesambe obulamu obw'eira bwe mwalimu, obwayoneka n'okwegomba kwabwo okuguya.

Ab'Efeso 5:12

Kuba ebyo bye bakola mu ngiso bigemya ensoni n'okubyogeraku.

Ab'Efeso 5:7

Agho ni muteeyimbanga nabo naire

Ab'e Kolosai 1:12

Mweyanzenga Lata eyatugwaniza okuba aghalala n'abatuukirivu mu butangaavu.

1 Ab'e Thessalonika 5:7

Kuba abatenduka batenduka bwire n'abatamiira batamiira bwire.

2 Ab'e Thessalonika 3:14

Ole bw'aloba okujiira ku kye tukobye mu mbaluwa eno, mumwekalirise bukalamu era mulobe kukolagana naye mu kintu kyonakyona, olwo aswale.

2 Ab'e Thessalonika 3:6

Aboluganda, tuli kubalagira mu liina lya Musengwa waife Yesu Kurisito, obutakolagananga na waluganda yeenayeena omugayaavu era atajiira ku bye twabeegeresa.

1 Timotheo 5:20

Aye abo aboonoonanga obakobangaku ng'abantu boonaboona babona, abandi baasobola okutya.

1 Timotheo 5:22

Toyanguyirizanga kwisa mikono ku muntu yeenayeena. Tiweetabanga mu bibi bya bandi. Weekuumenga ng'oli mwamufu.

1 Timotheo 6:5

n'okughaghaana. Ebyo byonabyona bikolebwa abantu ab'omwoyo omubi, abaawaamu amazima, abatwala okwikiriza ng'engira ey'okukombaghala.

2 Timotheo 3:5

abeeyeta Abakurisito aye nga tibenda Bukurisito kubafuga. Weesambenga abantu ng'oti n'abo.

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.

Tito 2:15

Yegeresanga ebintu bino ng'olamba era ng'onenianga abantu bo n'obuyinza bwonabwona. Ghatabangagho muntu yeenayeena akunhoomanga.

Okwolekebwa 18:4

Era naawulira amamiro agandi agava mu igulu nga gakoba gati: “Bantu bange, mumuveemu, mulobe kweyimba mu bibi bye, na kugabana ku bibamba bye;