Ab'Efeso 4:9 - Baibuli Ekibono kya Katonda 2014

⁹ Okukoba tuti, “yaniina”, kitegeeza ki? Kitegeeza kiti yasooka kwika ghansi mu nsi.

Ab'Efeso 4:9 ပူးပေါင်းရင်းမြစ်များ

Amainhama 11:5

Agho Musengwa Katonda yaika ghansi okubona ekibuga n'omunaala abantu abo bye baali bazimbye,

Zabbuli 139:15

Wamanha bukalamu ng'amagumba gange gakolwa, gaayungwayungwa n'obwegendereza mu ngiso mu nda ya maama.

Zabbuli 63:9

Aye abo abanoonia okuzikiriza obulamu bwange, baidha kwika ghansi abafu ye baja.

Zabbuli 8:5

Aye ate nga wamukola ng'abulaku katono okuba nga Katonda, waamuvaaza engule ey'ekitiisa era waamugha okutiibwa.

Okuvaayo 19:20

Musengwa Katonda yaika ku lusozi Sinai ku mutwe yaayeta Musa yeena aje ghaigulu ku lusozi ku mutwe. Era Musa yaaja.

Ensambo 30:4

Naani eyaali aniinieku mu igulu, n'aniinukayo n'aika ku nsi? Naani eyaali asoloizaaku empewo n'agigemera mu ngalo dhe? Naani eyaali azingiireku amaadhi mu kivaalo kye? Naani eyataagho ensalosalo ensi kw'ekoma? Eriina lye naani, era mutabane naani, bw'oba ng'oidhi?

Isaia 44:23

Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Ezekieli 31:14

Ekyo kiriba kityo, olwo ghalobe kubaagho muti gwonagwona guleegherera nga guli n'obusanso bw'ensaga dhaagwo obutuuka ni mu bire, waire nga guliba aghali maadhi. Era ghalobe kubaagho muti ogulinhwa amaadhi ni gutuuka ku buleeyi bwa gule, kuba emiti gyonagyona giteekwa kufa ng'abantu obuntu bwe bafa. Era giteekwa okuja mu nsi ey'abafu ghalala n'abo abaika eyo ghansi mu lwina.”

Matayo 12:40

Nga Yona bwe yali munda y'ogwenhandha okumala enaku eisatu, omusana n'obwire, n'Omwana w'Omuntu atyo bw'aliba mu itaka munda enaku isatu, omusana n'obwire.

Yoanne 20:17

Yesu yaamukoba ati: “Otangemaku, kuba nkaali kwirayo ye Lata aye ja ye baganda bange obakobere oti ndi kwirayo ye Lata wange era Lata waibwe, Katonda wange era Katonda waibwe.”

Yoanne 3:13

Ghazira yaali aniinieku mu igulu okutoolaku Omwana w'Omuntu eyaika okuva mu igulu.”

Yoanne 6:33

kuba omugaati Katonda gw'agaba, n'omuntu oyo ava mu igulu era n'agabira ensi obulamu.”

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Yoanne 6:41

Abayudaaya baaduuduuma olw'okubakoba ati: “Ninze omugaati oguva mu igulu.”

Yoanne 6:51

Ninze omugaati oguleeta obulamu, ogwava mu igulu. Omuntu yeenayeena bw'alya ku mugaati guno aja kuba mulamu ebyanda n'ebyanda. Omugaati gwe ndighaayo olw'obulamu obw'ensi eno, n'omubiri gwange gwe nja okughaayo ku lw'ensi eno ebe n'obulamu.”

Yoanne 6:58

Guno ni, n'omugaati oguva mu igulu, ti nga badhaadha baimwe gwe baalya ni bafa. Ole alya ku mugaati guno aja kuba mulamu ebyanda n'ebyanda.”

Yoanne 6:62

Memale nguli mubona Omwana w'Omuntu ng'aniinaniina eyo mu kifo ye yabanga?

Yoanne 8:14

Yesu yaabairamu ati: “Waire neeghaaku obudhulizi mwene, obudhulizi bwange bwa mazima, kuba nze ndidhi ye nava, era ni ye nja aye imwe timwidhi ye nva, oba ye nja.

Abaheburayi 2:7

Wamukola yaabaaku ghansi gha bamalaika okumala akaseera. Wamuvaaza engule ey'ekitiisa era waamugha okutiibwa.

Abaheburayi 2:9

Aye tubona Yesu eyafuulibwa okubaaku ghansi gha bamalaika akaseera, olw'ekisa kya Katonda aghange okufiirira abantu boonaboona. Mperaano tumubona nga yavaazibwa engule ey'ekitiisa era yaagheebwa okutiibwa olw'okufa kwe.