Ab'Efeso 4:32 - Baibuli Ekibono kya Katonda 2014

³² Aye mubenga ba kisa, buli muntu alumirwenga mwine, era musonighaganenga nga Katonda bwe yabasonigha mu Kurisito.

Ab'Efeso 4:32 ပူးပေါင်းရင်းမြစ်များ

2 Samueli 7:21

Olw'okwenda kwo waleetera ebintu bino byonabyona ebikologho okubaagho nga bwe wasuubiza, ng'oyenda nze omugheereza wo mbimanhe.

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Zabbuli 145:9

Musengwa Katonda mulungi eri abantu boonaboona, alumirwa kiisi kye yakola.

Ensambo 12:10

Omuntu akola ebituufu afaayo ku nsolo dhe, aye omukozi w'ebibi tasaasira dhidhe naire.

Ensambo 19:11

Okutegeera kuleetera omuntu okulwagho okusungughala, era kiba kya kitiisa omuntu okusonigha abasobya.

Ensambo 19:22

Obwesigwa n'obuleetera omuntu okwendebwa, era omwavu awula omuguya.

Isaia 57:1

Omuntu akola ebituufu afa, era ghaaloba kubaagho ekyo akitaaku mwoyo omuntu atya Katonda yaatwalibwa, era ghaaloba kubaagho ekyo akitegeera. Aye ng'abantu abalungi abo baba bawonezeibwa akabi akandibaidhiire.

Yeremia 38:12

Yankoba ati: “Toola ebigoye ebyo obizingirire mu nkwagha dho, emigugha girobe kukusala.” Zeena naakola ntyo.

Matayo 6:12

Tusonighe ebibi byaife, nga bwe tusonigha abatukola ebibi.

Mariko 11:25

“Era buli lwe musaba, bweghabaagho ye muliku ekibono, mumusonighenga, olwo Lata waimwe ali mu igulu yeena abasonighe ebisobyo byaimwe. [

Luka 1:78

Olw'okusaasira okunene okwa Katonda waife ali ng'oti n'endhuba evaayo, aliva ghaigulu yaidha yaatukyalira.

Luka 11:4

Tusonighe ebibi byaife kuba ife beene tusonigha buli atukola obubi, era otatutwala mu kulebwa.’ ”

Luka 17:4

Era bw'akukolanga ebibi emikuzi musanvu olunaku olulala, era n'airanga y'oli emikuzi egyo omusanvu n'akukoba ati, ‘Tikairayo,’ omusonighanga.”

Luka 6:35

“Aye imwe, mugonzenga abazigu baimwe, mubakolenga bukalamu, era muwolenga nga ghazira kye musuubirayo olwo empeera yaimwe eriba nnene. Muliba baana b'oyo Ali Ghaigulu Yeene kuba oyo alaga abatasiima n'aboonooni ekisa.

Luka 6:37

“Mutasalanga musango era mwena tigulibasalirwa, mutasaliranga muntu musango kumusinga mwena tigulibasalirwa kubasinga. Musonighenga mwena mulisoniyibwa.

Ebikolwa by'Abatume 28:2

Abataka ab'oku kizinga baatulaga ekisa ekitaloodheka. Baatusangaalira twenatwena baatukumira omuliro, kuba amaadhi gaali gatooleire okugwa era nga n'obwire bwa kiinhogogo.

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

1 Ab'e Korintho 13:4

Omuntu agonza baine aba n'okuguminkiriza, n'ekisa, taba na nsaalwa, tiyeebona yenka era tiyeesaaka mwene,

2 Ab'e Korintho 2:10

Buli ye musonigha zeena mmusonigha. Buli kye nsonigha, oba nga bwene ghaligho kyonakyona kye nasonigha, nakisonigha ku lwaimwe mu maiso ga Kurisito

2 Ab'e Korintho 2:7

Kale mperaano mugwaine mumusonighe era mumugumye, alobe kunakughala bujiiririire, na kuwaamu maani.

2 Ab'e Korintho 6:6

Era twoleka nga tuli bagheereza ba Katonda, mu bwamufu, mu kumanha, mu kuguminkiriza, mu kuba ab'ekisa, mu kuba ni Mwoyo Mutukuvu, era ni mu kugonza kwenekwene.

Ab'Efeso 5:1

Agho ni, nga bwe muli abaana ba Katonda abagonzi, mugezengaku okumufaanana mu bikolwa.

Yakobo 5:11

Abantu abo abaaguminkiriza tubeeta ba nkabi. Imwe mwawulira obuguminkiriza bwa Yobu era mwabona ni Musengwa bye yamukolera ku nkomerero, kuba Musengwa wa kisa era musaasizi.

2 Petero 1:7

ku kutya Katonda mwongereku okugonzania ng'aboluganda ku kugonzania ng'aboluganda mwongereku okugonza abantu boonaboona.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.

1 Yoanne 2:12

Mbaghandiikira, baana bange, kuba ebibi byaimwe bisoniyiibwa olw'eriina lye.

Ruthi 2:20

Naomi yaakoba ati: “Nsaba Musengwa Katonda aghe Boazi enkabi, kuba olw'okusaasira kwe talekuliire agho balamu oba okwerabira abaafa.” Era yaaja mu maiso yaakoba ati: “Omusaadha oyo waluganda n'ife. Oyo asobola n'okuba omusika wa balo yaatulabirira.”