Ab'Efeso 4:30 - Baibuli Ekibono kya Katonda 2014

³⁰ Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

Ab'Efeso 4:30 ပူးပေါင်းရင်းမြစ်များ

Amainhama 6:3

Agho Musengwa Katonda yaakoba ati: “Omwoyo gwange tigwidha kusigalanga mu muntu byanda na byanda, kuba omuntu mubiri bubiri ogufa enaku edh'obulamu bwe tidhija kuswikanga myaka kikumi n'abiri (120) .”

Amainhama 6:6

Agho yeidhusa ekyamutonza omuntu ku nsi, era enaku yaamuluma ku mwoyo.

Zabbuli 78:40

Emikuzi kamaala baamudheemeranga eyo mu irungu baamusungughazanga inho.

Zabbuli 95:10

Abantu abo baamala emyaka amakumi ana (40) nga banguuda ku mwoyo, bansina. Naakoba nti, ‘Abantu bano badheemu okuviira irala mu myoyo gyaibwe, era amateeka gange tibagajiiraku naire.’

Isaia 43:24

Timwaghaayooku mpiiya kungulira bubbaani buwunha kawoowo, waire okundhigusa n'amasavu g'ensolo dhaimwe. Aye mu kifo ky'okukola ebyo, mwantwika bwa mugugu gwa bibi byaimwe, mwankooya n'ebyonoono byaimwe.

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Isaia 7:13

Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Ezekieli 16:43

Olw'okuba tiwaidhukira bya mu buto bwo, aye waakolanga ebinsungughaza, kyendiva ni nkwesasuulizaaku. Kale lwaki ku bikolwa byo bire ebindi byonabyona ebyenhinhalwa, wayongerezaaku n'obwenzi?” Musengwa Katonda atyo bw'akobye.

Hosea 13:14

Tirinunula bantu bano kubatoola mu magombe, waire okubawonia okufa. Iwe Okufa, ebibamba by'osindikira abantu biri gha? Iwe Amagombe, okuzikiriza kwo kuli gha? Nze tikaali na kusaasira naire.

Mariko 3:5

Agho Yesu ng'asungughaire, yaabeezunguluza amaiso era nga n'okunakughala anakughaire olw'obukalangufu obw'emyoyo gyaibwe. Yaakoba ow'omukono ogwaniala ati: “Golola omukono.” Yaagugolola era gwawona!

Luka 21:28

Ebintu ebyo bwe bitooleranga okubaagho musitukanga mwayemerera, mwalinga ghaigulu kuba okununulibwa kwaimwe kuliba kutuuse.”

Yoanne 3:33

Oyo aikiriza by'akoba akakasa nga Katonda wa mazima.

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Ab'e Roma 8:11

Oba nga Mwoyo wa Katonda eyazuukiza Yesu ali mu imwe, kale oyo eyazuukiza Kurisito Yesu, emibiri gyaimwe egifa gyona aligigha obulamu ku bwa Mwoyo we ali mu imwe.

Ab'e Roma 8:23

Aye ti bitonde byonka, aye n'ife beene abali ni Mwoyo ng'ekirabo kya Katonda ekisookera irala mu birabo ebindi, tusinda mu myoyo gyaife nga tuteegerera Katonda okutufuula abaana be n'okununula emibiri gyaife.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

1 Ab'e Korintho 15:54

Ekiwaagho bwe kirifuuka ekitawaagho, n'ekifa ni kifuuka ekitafa, olwo ekyaghandiikibwa kirituukirira ekikoba kiti: “Okufa kumiriibwa, obughanguzi butuukiriire.

1 Ab'e Thessalonika 5:19

Mutaloberanga Mwoyo Mutukuvu kukola.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Abaheburayi 3:10

Mbeeni n'okusungughalira abantu abo, naakoba nti, ‘Buli kaseera emyoyo gyaibwe gidaaliimira luuyi, tibawulira biragiro byange.’

Abaheburayi 3:17

Era ni baani Katonda be yasungughalira okumala emyaka amakumi ana (40)? Ti n'abo abaayona, ni bafa era emirambo gyaibwe ni gisigala mu irungu?

Abalamuzi 10:16

Kale baasuula ere bakatonda b'abamaghanga agandi, baasinza Musengwa Katonda. Musengwa Katonda oyo yaawulira enaku ku mwoyo olw'okudaazibwadaazibwa kwa Isiraeli.