Ab'Efeso 4:25 - Baibuli Ekibono kya Katonda 2014

²⁵ Agho ni mulekere okuguya buli muntu akobere mwine amazima, kuba tuli bitundu bya mubiri mulala.

Ab'Efeso 4:25 ပူးပေါင်းရင်းမြစ်များ

1 Bakyabazinga 13:18

Agho omulanzi omukaire ow'e Betheli yaamukoba ati: “Zeena ndi mulanzi ng'oti niiwe. Musengwa Katonda yalagiire malaika yankoba ati, ‘Ja omwize, aidhe n'iwe mu ndhu yo, alye ku mere era anhwe ni ku maadhi.’ ” Aye nga yali ali kumulimba.

Zabbuli 119:29

Ntoolaamu emize emibi, olw'ekisa kyo ondhegerese amateeka go.

Zabbuli 15:2

N'oyo omutuufu aziraku musango, ng'akola ekituufu, era nga by'ayogera muzira buguya.

Zabbuli 52:3

Ogonza okukola ebibi okusinga okukola ebikalamu era ogonza okusubagha okusinga okwogera ebituufu.

Okuvaayo 23:7

“Weesambirenga irala okughaayiriza omuntu yeenayeena. Omuntu aziraku musango era omutuufu, otamusaliranga gwa kufa. Kuba tiriroba kuvunaana kiisi mukozi wa kibi.

Ensambo 12:17

Omuntu agha obudhulizi obw'amazima aleetagho ensala entuufu, aye ole agha obudhulizi obw'obuguya aleetagho okusaliriza.

Ensambo 12:19

Ebibono eby'amazima tibikyuka ebyanda n'ebyanda, aye ebibono eby'obuguya bibaaghooku kaseera buseera.

Ensambo 12:22

Musengwa Katonda akyagha aboogera eby'obuguya, aye asangaalira abo abeesigwa mu bye bakola.

Ensambo 21:6

Eby'obukombe ebifunibwa mu kukupankupania bibita bubite ng'oti mpewo, ole bw'abinoonia aba anoonia kufa.

Ensambo 24:28

Otaghanga budhulizi ku muntu ng'ozira nsonga ntuufu, era otayogeranga bya buguya.

Ensambo 6:17

okwebona ng'owa ghaigulu, okuba omuguya, okutemula abantu abaziraku musango,

Ensambo 8:7

Nze ndhogera mazima meereere; neenhinhata eby'obuguya byonabyona.

Isaia 63:8

Musengwa Katonda yakoba ati: “Bwenebwene bano bantu bange, abataja kunguyaguya.” Kale ni yaaba Omulokozi waibwe.

Isaia 9:15

omutwe ogwo nga n'abantu abakaire era ab'ebitiibwa, ate omukira nga n'abalanzi abeegeresa eby'obuguya.

Hosea 4:2

Balayira bye bataatuukirize, balimba, batemula, baiba, era baakola obwenzi. Okwiza emisango kweyongera bweyongere, era obutemo bubaagho buli kiseera.

Abalevi 19:11

“Mutaibanga, mutakupankupanianga, era mutaguyaguyanga.

Zekaria 8:16

Bino bye mugwaine okukolanga: buli muntu akobere mwine amazima. Musalenga mu mazima mu mbuga dhaimwe edh'amateeka, mu nsambo ereetagho emiraala.

Zekaria 8:19

“Okusiiba kwaimwe okw'omu mwezi ogwokuna, n'okw'omu gwokutaanu, n'okw'omu gwomusanvu, n'okw'omu gweikumi, kulifuukamu biseera bya masanhu na kusagamba eri ab'eighanga Buyudaaya nga bali mu bibinuko. Agho ni mugwaine mugonzenga okukolerera amazima n'emiraala.”

Yoanne 8:44

Muli ba lata waimwe Sitaani, era mugonza kukola lata waimwe by'ayenda. Oyo okuviira irala ku ntoolo mutemo era tabangaku wa mazima, kuba era azira mazima. Bw'ayogera eky'obuguya aba ali kutuukiriza butuukirize kikula kye, kuba oyo muguya era ise w'obuguya.

Ab'e Roma 12:5

Twena abaikiriza tutyo bwe tuli. Tuli kamaala, aye tuli mubiri mulala mu Kurisito, era tuyimbibwa ghalala ng'ebitundu eby'omubiri omulala.

1 Ab'e Korintho 10:17

Kuba waire tuli kamaala, tuli mubiri mulala, kuba tulya omugaati mulala.

2 Ab'e Korintho 7:14

Nakobera Tito nti muneesiimisa era tyaswala, kuba nga mu byonabyona bye twabakoba bwe tutaabaguya, n'okwesiima kwaife kwe twakobera Tito kwakakasibwa nga tikwali kuguya.

Ab'Efeso 4:15

Aye tube ba mazima mu kugonzania, tukakate mu byonabyona okutuuka ku kubeera irala abatuukiriire mu bulamu bwa Kurisito, omutwe gwaife.

Ab'Efeso 4:22

Kale mwesambe obulamu obw'eira bwe mwalimu, obwayoneka n'okwegomba kwabwo okuguya.

Ab'Efeso 4:31

Mulekeyo enge, ekiruyi, obusungu, okwereega, okuvumagana n'okukyaghagana kwonakwona.

Ab'Efeso 5:30

kuba tuli bitundu bya mubiri gwe.

Ab'e Kolosai 3:8

Aye mperaano muteekwa okulekayo ebintu ebyo byonabyona: obusungu, ekiruyi, enge, okuvuma, era n'okughemula kutabitanga mu kanwa mwaimwe.

Ab'e Kolosai 3:9

Mutasubaghagananga kuba mwalekayo obulamu obw'eira n'ebikolwa byabwo ebibi.

1 Timotheo 1:10

Gaateebwagho lwa benzi, lwa badankaanu, abawuuyi, abaguya era abalayira ebiziramu, n'abo boonaboona abakola ebitajiira ku ndhegeresa ntuufu.

1 Timotheo 4:2

Bino bisansaanizibwa abantu abaguya, abaafa emyoyo ng'oti n'egyasiriizibwa ekyuma ekyengereire.

Tito 1:12

Owundi ku beene abo era omulanzi waibwe mwene yakoba ati: “Abakurete baguya babuliidho, bali ng'oti nsolo dha mu nsiko, bagayaavu era balyalya.”

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

Yakobo 1:21

Kale mulekeyo emize n'empisa embi dhoonadhoona, mwikirize n'obuwombeefu ekibono Katonda ky'asiga mu myoyo gyaimwe era ekisobola okubawonia.

1 Petero 2:1

Kale ni mwetoolemu emize gyonagyona emibi, obuguya, okwewoomya ku ngulu, ensaalwa n'okuvuma.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.

Abalamuzi 16:11

Samusoni yaamukoba ati: “Bwe bansibisa emigugha emiyaaka egitakozesebwangaku, mba munafu ng'oti n'omuntu owundi yeenayeena.”