Ab'Efeso 4:22 - Baibuli Ekibono kya Katonda 2014

²² Kale mwesambe obulamu obw'eira bwe mwalimu, obwayoneka n'okwegomba kwabwo okuguya.

Ab'Efeso 4:22 ပူးပေါင်းရင်းမြစ်များ

Yobu 22:23

Weewooye, okyuke oire eri Aghanga Ebintu Byonabyona, okomye agho ebibi byonabyona ebikolebwa mu ndhu yo.

Ensambo 11:18

Omukozi w'ebibi yeerimba ati katyo anaabifunamu empeera emugasa, aye ate omuntu omutuufu n'afuna empeera yeene egasa.

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Yeremia 49:16

Okwekuluntaza kwo kukulimbye, era ghazira akutya kuba olowooza oti ekifo ky'olimu kyesigika inho, ng'oti n'ekifo ekigumu eky'okwewogomamu ekyabaadhibwa mu ibaale. Era weesigulira inho ku ky'amaka go okuba nga gali ghaigulu mu nsozi. Aye Musengwa Katonda oyo alikughanulayo yaakwisa ghansi. Musengwa Katonda mwene n'akobye.”

Obadia 1:3

Okwekuluntaza kwo kukulimbye, kuba odhuuba oti ekifo ky'olimu kyesigika inho ng'oti n'ekifo ekigumu eky'okwewogomamu ekyabaadhibwa mu ibaale. Era olw'okuba amaka go gali ghaigulu mu nsozi, okoba oti, ‘Naani alisobola okumpanula eno n'andhisa ghansi?’

Ab'e Roma 6:6

Twidhi ng'obulamu bwaife obw'eira bwakomererwa ghalala ni Kurisito ku musalaba, omubiri ogukola ebibi gusobole okuzikirizibwa, tulobe kwirayo kabiri kuba bairu ba kibi.

Ab'e Roma 7:11

Ekibi bwe kyabita mu kiragiro, kyanguyaguya kyandhita nga kikozesa ekiragiro ekyo.

2 Ab'e Korintho 11:3

Aye ntya nti ng'omusota bwe gwakozesa olugezigezi lwagwo ni gusubagha Eva, ebirowoozo byaimwe bisobola okudaaliimizibwa, mwaloba kwegheerayo irala ye Kurisito mu mazima.

Ab'e Galatia 1:13

Mwawulira eby'obulamu bwange obwasooka, nga bwe neemalira ku nsinza ey'Ekiyudaaya, ni nkiriganga Ekikunsu eky'Abaikiriza mu Kurisito ekya Katonda nga nziramu na ntete naire, era ni ngezaaku okukisaaniagho.

Ab'Efeso 2:3

N'ife twenatwena twebisanga oti n'abo, mu kwegomba okw'omubiri nga tujiira ku kwenda okw'omubiri n'omwoyo, era okufaanana abantu boonaboona nga tuteekwa okubonerezebwa Katonda.

Ab'Efeso 4:17

Kye nhenda okubakobera, era nga mbasikirira mu Musengwa, ni kino: Mukange agho okwebisa ng'abamaghanga agandi bwe beebisa, nga bajiira ku birowoozo byaibwe ebiziramu.

Ab'Efeso 4:25

Agho ni mulekere okuguya buli muntu akobere mwine amazima, kuba tuli bitundu bya mubiri mulala.

Ab'Efeso 4:31

Mulekeyo enge, ekiruyi, obusungu, okwereega, okuvumagana n'okukyaghagana kwonakwona.

Ab'e Kolosai 2:11

Era mu Kurisito oyo mwakeketebwa, ti n'okukeketebwa kuno okukolebwa abantu, aye n'okukeketebwa kwa Kurisito okuleetera omuntu okuva mu kufugibwa ekibi.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

Abaheburayi 3:13

Aye mulambaganenga buli lunaku, kasita luba nga lwetebwa “Olwaleero”, ghalobe kubaagho naire omulala ku imwe obuguya obw'ekibi ye bukalangusa omwoyo.

Yakobo 1:21

Kale mulekeyo emize n'empisa embi dhoonadhoona, mwikirize n'obuwombeefu ekibono Katonda ky'asiga mu myoyo gyaimwe era ekisobola okubawonia.

Yakobo 1:26

Ole bw'alowooza ati aikiriza, aye n'atafuga lulimi lwe, yeesubagha era n'okwikiriza kwe muzira.

1 Petero 1:18

Mwidhi bukalamu nga ekyabaleetera okununulwa mu mpisa dhaimwe edhiziramu dhe mwatoola ku badhaadha baimwe, ti feeza oba zaabu ebiwaagho.

1 Petero 4:3

Mu biseera ebyabita mwali n'obwire obumala okukola ebyo abantu ab'ensi bye benda. Mwemaliranga mu bwenzi, mu bukaba, mu butamiivu, mu kuja ku bibinuko ebibi, ni mu kusinza ebintu ebitali Katonda ebyenhinhalwa.

2 Petero 2:13

Era balidaagadaaga nga bwe badaazadaaza abantu. Kibasangaaza okukola ebinhoonha emibiri gyaibwe omusana omukulu. Abantu bano baswaza era bagemya ensoni bwe baidha ni babeeyimbaku ku biiwulo byaimwe. Kino kibanhoonha inho bwe babona nga beene bali kuguya imwe.

2 Petero 2:7

Yawoniagho Loti omusaadha omutuufu, eyali yeesiniirwa empisa edh'obudankaanu edh'abantu ababi.

1 Samueli 1:14

Kale yaamukoba ati: “Olituusa li okuba omutamiivu? Lekera agho okunhwanga omwenge.”