Ab'Efeso 4:17 - Baibuli Ekibono kya Katonda 2014

¹⁷ Kye nhenda okubakobera, era nga mbasikirira mu Musengwa, ni kino: Mukange agho okwebisa ng'abamaghanga agandi bwe beebisa, nga bajiira ku birowoozo byaibwe ebiziramu.

Ab'Efeso 4:17 ပူးပေါင်းရင်းမြစ်များ

Nehemia 13:15

“Mu biseera ebyo, naabonanga mu Buyudaaya abantu abakunha omwenge ogw'emizabbibu ku lunaku lwa Sabbato! Abandi baatwikanga ku ndogoyi dhaibwe, emungo edh'engaano, n'omwenge gw'emizabbibu, n'emizabbibu gyene, n'ebibala eby'emiti emitiini, n'emigugu egya buli nsambo. Abantu abo naababonanga nga baleeta ebintu ebyo mu Yerusalemu ku lunaku lwa Sabbato! Aye nze naabalabulanga obutatunda kintu kyonakyona ku lunaku lwa Sabbato.

Yeremia 42:19

“Imwe abaawonagho mu Buyudaaya, Musengwa Katonda abakobye ati, ‘Mutaja Misiri.’ Kale ni mumanhire irala nga nze Yeremia mbalabwire nti,

Abalevi 15:18

Era omusaadha bw'anaabanga ng'abaire n'omukazi bombi banaabanga n'okunaaba omubiri mu maadhi, aye era baasigala nga tiibalongoofu okutuusa eigulo.

Luka 16:28

kuba ndiyo ni baganda bange bataanu, abalabule tomanha boona bwe baidha mu kifo kino eky'okubonaabona.’

Ebikolwa by'Abatume 14:15

“Basaadha imwe, lwaki mukola ebyo? Twena tuli bantu buntu nga imwe. Tubaleeteire Amawulire Amalungi, musobole okuleka ebyo ebitaganhula, mwire ye Katonda omulamu eyakola eigulu, n'ensi, n'enhandha ni byonabyona ebibirimu.

Ebikolwa by'Abatume 18:5

Sila ni Timotheo bwe baatuuka okuva e Makedonia, Paulo nga yeemaliire ku kwogera Kibono kya Katonda na kukakasa Abayudaaya ati Yesu ni Kurisito.

Ebikolwa by'Abatume 2:40

Era yaayongera okubakobera ebindi kamaala, yaabakubiriza ng'abakoba ati: “Mwewonie ebikolwa eby'oluse luno olubi.”

Ebikolwa by'Abatume 20:21

Naalabulanga Abayudaaya n'Abagureki bakyuke okuva mu bibi byaibwe baire ye Katonda era baikirize Musengwa Yesu Kurisito.

Ab'e Roma 1:21

Waire baamanha Katonda aye tibaamwisaamu kitiisa nga Katonda, oba okumwebaza. Aye baira mu kulowooza bitagasa n'emyoyo gyaibwe egizira kye giidhi gyaidhula enzikiiza.

1 Ab'e Korintho 1:12

Kye ndi kukoba ni kino, mbu abandi bakoba bati: “Nze ndi wa Paulo,” n'abandi bati: “Nze ndi wa Apollo,” n'abandi bati: “Nze ndi wa Petero,” ate abandi bati: “Nze ndi wa Kurisito.”

1 Ab'e Korintho 15:50

Aboluganda, kye nkoba ni kino omubiri obubiri n'omusaayi obusaayi tibisobola kugheebwa mugabo mu Bwakyabazinga bwa Katonda, n'ekifa tikighanga kugheebwa butafa.

2 Ab'e Korintho 9:6

Mwidhukire nti oyo alima ebitono era afuna bitono, ate oyo alima ebingi era afuna bingi.

Ab'e Galatia 3:17

Kino ni kye nkoba, Amateeka agaateebwagho nga ghabiseegho emyaka bikumi bina n'asatu (430), tigaadibya ndagaano yamala kukakasibwa Katonda, era tigaadibya kisuubizo kye.

Ab'e Galatia 5:3

Era kabiri nhenda okubalabula, nti kiisi muntu aganha okumukeketa ateekwa okutuukiriza Amateeka goonagoona.

Ab'Efeso 1:22

Katonda yata ebintu byonabyona mu bufuzi bwa Kurisito, yaamufuula omutwe ogw'ekikunsu eky'abamwikiriza mu byonabyona.

Ab'Efeso 4:22

Kale mwesambe obulamu obw'eira bwe mwalimu, obwayoneka n'okwegomba kwabwo okuguya.

Amateeka Agokubiri 27:10

Kale ni mumuwulirenga era mutuukirizenga amateeka ge n'ebiragiro bye, bye ndi kubagha olwaleero.”

Ab'e Kolosai 2:18

Ghatabangagho ababuza ng'akozesa okwewooya n'okusinza bamalaika. Omuntu ng'oti n'oyo yeefuula okuba ng'abasinga, mbu kuba yabonekerwa. Yeetuusa aghazira na nsonga, okutoolaku ebirowoozo bye ebiziramu.

Ab'e Kolosai 2:4

Ndi kubakobera ebyo ghabule abaguya ng'abakobera ebibono ebisendasenda.

1 Ab'e Thessalonika 4:6

Ku nsonga eno ey'okwebisa mu butukuvu, ghatabangagho muntu akola Mukurisito mwine bubi. Kuba nga bwe twabalabuliragho, Katonda abonereza abakola ebintu ng'oti n'ebyo.

1 Timotheo 5:21

Nkusikirira mu maiso ga Katonda, ni Kurisito Yesu, ni bamalaika abatukuvu, ojiirenga ku biragiro bino buliidho, aghazira kwekubira oba okusaliriza.

1 Timotheo 6:13

Ndi kukusikirira mu maiso ga Katonda agha byonabyona obulamu, n'aga Kurisito Yesu eyayatula okwikiriza mu maiso ga Pontio Pilato,

2 Timotheo 4:1

Nkusikirira mu maiso ga Katonda ni Kurisito Yesu, aja okusalira abalamu n'abafu omusango, era aja okwira okufuga nga Kyabazinga.

1 Petero 1:18

Mwidhi bukalamu nga ekyabaleetera okununulwa mu mpisa dhaimwe edhiziramu dhe mwatoola ku badhaadha baimwe, ti feeza oba zaabu ebiwaagho.

2 Petero 2:18

Mu busiru bwaibwe baasiikana nga beesuuta, era baakozesa obudankaanu bwaibwe obw'omubiri okusendasenda abo abaakava obuve mu bantu abakaali mu nsobi.