Ab'Efeso 4:15 - Baibuli Ekibono kya Katonda 2014

¹⁵ Aye tube ba mazima mu kugonzania, tukakate mu byonabyona okutuuka ku kubeera irala abatuukiriire mu bulamu bwa Kurisito, omutwe gwaife.

Ab'Efeso 4:15 ပူးပေါင်းရင်းမြစ်များ

Zabbuli 32:2

Wa nkabi oyo Musengwa Katonda y'abala ng'azira kibi, era nga mu mwoyo gwe muzira buguya.

Zekaria 8:16

Bino bye mugwaine okukolanga: buli muntu akobere mwine amazima. Musalenga mu mazima mu mbuga dhaimwe edh'amateeka, mu nsambo ereetagho emiraala.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

Ab'e Roma 12:9

Okugonza kwaimwe kubenga kwa mazima, mulekenga kukola kibi, mukalangukirenga ku kikalamu.

1 Ab'e Korintho 11:3

Aye nhenda mumanhe nga Kurisito n'afuga buli musaadha, omusaadha n'afuga mukazi we, era Katonda n'afuga Kurisito.

2 Ab'e Korintho 4:2

Ebikolwa ebikolebwa mu ngiso era ebiswaza twabyevuma, tituguyaguya oba okufuulaniafuulania ekibono kya Katonda, aye twogera mazima gonka, twaleka buli muntu ow'omwoyo omukalamu okutulowoozaaku nga bw'atubona mu maiso ga Katonda.

2 Ab'e Korintho 8:8

Kino tikikoba ng'ekiragiro, aye nhenze okubalaga obufubi obw'abandi, mukakase oba nga okugonza kwaimwe kutuufu.

Ab'Efeso 1:22

Katonda yata ebintu byonabyona mu bufuzi bwa Kurisito, yaamufuula omutwe ogw'ekikunsu eky'abamwikiriza mu byonabyona.

Ab'Efeso 1:4

Katonda ng'abita mu Kurisito, yali yamala ira okutulonda nga n'ensi ekaali kutondebwa, tube batuukirivu abaziraku musango mu maiso ge.

Ab'Efeso 2:21

Ku oyo ekizimbe kyonakyona kwe kiyungirwa, era ni kifuuka eisinzizo lya Musengwa eitukuvu.

Ab'Efeso 4:25

Agho ni mulekere okuguya buli muntu akobere mwine amazima, kuba tuli bitundu bya mubiri mulala.

Ab'Efeso 5:23

kuba omusaadha n'omutwe gwa mukazi we, nga Kurisito bw'ali omutwe ogw'ekikunsu eky'abamwikiriza ekyo n'omubiri gwe, era mwene oyo n'Omulokozi waakyo.

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

1 Petero 2:2

Ng'abaana abaghere bwe balirira amata amakalamu buli kiseera, mwena buliidho mwegombenga emere enkalamu ey'omwoyo. Bwe mulya emere eyo mwidha kukula era mulokolwe.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

1 Yoanne 3:18

Baana bange, okugonza kwaife kulobe kuba bwa mu bibono na mu kwogera aye kube ni mu bye tukola era nga kwa mazima.

Abalamuzi 16:15

Agho Delila yaamukoba ati: “Osobola okukoba oti onhendha, ate nga omwoyo gwo tigundiiku naire? Waakambuzaabuza buti emikuzi giigino esatu, waaloba kunkobera amaani go amangi ghe gakuva.”