Ab'Efeso 4:13 - Baibuli Ekibono kya Katonda 2014

¹³ okutuusa twenatwena lwe tulituuka okuba omuntu mulala mu kwikiriza ni mu kumanha Omwana wa Katonda. Olwo tukakate mu by'omwoyo, era tube abatuukiriire mu bulamu bwa Kurisito.

Ab'Efeso 4:13 ပူးပေါင်းရင်းမြစ်များ

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Zefania 3:9

“Bwenebwene mu kiseera ekyo nja kukyusa abantu abamaghanga goonagoona basabenga nze zenka, era bampeerezenga n'omwoyo mulala.

Zekaria 14:9

Agho Musengwa Katonda n'aliba Kyabazinga ow'ensi yoonayoona, abantu boonaboona baamusinzanga nga ni Musengwa Katonda yenka ye baidhi.

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Yoanne 1:16

Olw'ekisa kye ekitawa, twenatwena atugha emikisa gye emikuzi kamaala.

Yoanne 16:3

Ebintu bino balibikola olw'okuba tibamanhanga Lata waire nze.

Yoanne 17:21

Boonaboona babe kitole, nga iwe Lata bw'oba mu nze zeena ni mba mu iwe, boona babe mu ife memale ensi eikirize eti niiwe owantuma.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Yoanne 6:69

Twidhi era twikiriza nga niiwe Omutukuvu wa Katonda.”

Ebikolwa by'Abatume 4:32

Abo boonaboona abaali baikiriza, baali n'omutima n'omwoyo mulala. Era nga ghazira akoba ku ebyo bye yabanga nabyo ati kuliku ekikye ku bubwe. Aye nga byonabyona byaibwe ghalala.

1 Ab'e Korintho 1:10

Aboluganda, mbeeghembye mu liina lya Musengwa waife Yesu Kurisito mwisanie, mulobe kweyawulayawulamu aye mube kitole mu kulowooza ni mu kukola.

1 Ab'e Korintho 14:20

Aboluganda, mutabanga na bidhuubo ng'oti bya baana bato. Bwe kuba mu bya kukola bubi, mube ng'oti baana bato abaziraku musango. Aye mu kudhuuba mube bakulu.

1 Ab'e Korintho 2:6

Waire nkobye ntyo, abo abakuze mu mwoyo mbakobera amagezi, aye nga amagezi ago ti n'ag'ensi eno oba ag'abo ab'obukumu abagifuga, abali n'okuwaagho.

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'e Galatia 4:19

Bwana bwange obugonzi, ng'omukazi bw'alumwa ng'azaala, zeena bwenumwa ku lwaimwe okutuusa Kurisito lw'alitondebwa mu myoyo gyaimwe.

Ab'Efeso 1:17

Katonda wa Musengwa waife Yesu Kurisito, Lata ow'ekitiisa, abaghe Mwoyo ow'amagezi era ayoleka, mumumanhe.

Ab'Efeso 1:23

Ekikunsu ekyo n'omubiri gwa Kurisito. Kurisito oyo n'akifuula ekiramba, oyo afuula byonabyona ebiramba buli ghantu woonawoona.

Ab'Efeso 2:15

Yaadibya eiteeka ni byonabyona bye lyalagiranga, atondegho mu mwene, omuntu mulala mu kifo ky'ababiri, olwo aleete emiraala.

Ab'Efeso 4:12

Ekyo yakikola olw'okutegeka abatuukirivu basobole okukola omulimo ogw'okugheereza, era n'okuzimba omubiri gwa Kurisito,

Ab'Efeso 4:3

Mufube okukalangula okwisa ekirala Mwoyo kw'abagheera mu miraala egibayunga aghalala.

Ab'Efeso 4:5

Musengwa mulala, okwikiriza kulala n'okubatizibwa kulala

Ab'e Filippi 3:10

Era nhenda okumumanha amaani ag'okuzuukira kwe, n'okudaazibwadaazibwa nga mwene bwe yadaazibwadaazibwa, era n'okumufaanana mu kufa kwe.

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

Ab'e Kolosai 1:28

Oyo, ife ye tukobera buli muntu. Tulabula era twegeresa buli muntu mu magezi goonagoona tughange okuleeta buli muntu ewa Katonda ng'atuukiriire mu Kurisito.

Ab'e Kolosai 2:2

Kino nkikola bairemu amaani mu myoyo gyaibwe era babe mu kugonzania, bamanhire irala era bategeerere irala ekyama kya Katonda. Ekyama ekyo nga ni Kurisito.

Abaheburayi 5:14

Aye emere yeene n'ey'abantu abakulu abamaze okwega olw'ebyo bye babitamu, era ni basobola okwawulagho ekirungi n'ekibi.

2 Petero 1:4

Muno mwe yatugheera emikisa gye emingi era egy'omughendo gye yasuubiza, olwo imwe musobole okuwona okuzikirira okuva mu kwegomba okw'omubiri nga mubita mu mikisa egyo, era mugabane ku bwakatonda bwe.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.