Ab'Efeso 4:12 - Baibuli Ekibono kya Katonda 2014

¹² Ekyo yakikola olw'okutegeka abatuukirivu basobole okukola omulimo ogw'okugheereza, era n'okuzimba omubiri gwa Kurisito,

Ab'Efeso 4:12 ပူးပေါင်းရင်းမြစ်များ

Luka 22:32

Aye nze nkusabiire okwikiriza kwo kulobe kukendeera, era bw'okyukanga ogumyanga baganda bo.”

Ebikolwa by'Abatume 1:17

Yali mulala ku ife ng'agabaine ku mulimo gwaife guno.

Ebikolwa by'Abatume 1:25

atwale ekifo eky'obugheereza n'obutume Yuda kye yaleka memale n'aja mu kifo kye.”

Ebikolwa by'Abatume 11:23

Bwe yatuukayo n'abona Katonda bw'aghaire abantu abo enkabi, yaasangaala. Yaabakubiriza boonaboona bakalangukire ku Musengwa n'omwoyo mulala.

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Ebikolwa by'Abatume 9:31

Agho Ekikunsu eky'Abaikiriza mu Kurisito eky'omu Buyudaaya mwonamwona, Galilaaya ni Samaria, kyaba miraala. Ekikunsu eky'Abaikiriza mu Kurisito kyakakata nga kiisa mu Musengwa ekitiisa, era kyagazigha nga Mwoyo Mutukuvu bw'akiyamba.

Ab'e Roma 12:5

Twena abaikiriza tutyo bwe tuli. Tuli kamaala, aye tuli mubiri mulala mu Kurisito, era tuyimbibwa ghalala ng'ebitundu eby'omubiri omulala.

Ab'e Roma 12:7

Oba twagheebwa kugheereza tugheerezenga, oba kwegeresa twegeresenga.

Ab'e Roma 14:19

Kale ni tunoonienga ebyo ebireeta emiraala, na kiisi muntu okugumya mwine.

Ab'e Roma 15:14

Zeena mwene, aboluganda, nkakasa nga mwidhwire empisa enkalamu era n'okumanha okwidhuvu, era nga musobola okulambagana.

Ab'e Roma 15:2

Kiisi muntu afubenga okukola ekisanhusa mwine olw'okumuzimba mu kwikiriza

Ab'e Roma 15:29

Bwe ndiidha, ndidhi nga ndiidha n'emikisa gya Kurisito gyonagyona.

1 Ab'e Korintho 12:27

Imwe mwenamwena muli mubiri gwa Kurisito, era buli muntu kitundu kyagwo

1 Ab'e Korintho 12:7

Mwoyo abonekera mu buli muntu olw'obukalamu bwa boonaboona.

1 Ab'e Korintho 14:12

Mwena nga bwe mwegomba okufuna ebirabo ebya Mwoyo, mufubenga inho okukozesa ebyo ebizimba Ekikunsu eky'Abaikiriza mu Kurisito.

1 Ab'e Korintho 14:14

kuba bwe nsaba mu nnimi edhitategeerekeka omwoyo gwange guba gusabye aye okumanha kwange kuba kuzirayo.

1 Ab'e Korintho 14:26

Kye nkoba ni kino aboluganda: Bwe mwesoloza okusinza, owundi aba n'olwembo olusaaka Katonda, ole yaaba ni ky'ayegeresa. Ole yaaba ni Katonda ky'amwoleike, ole yaaba n'okwogera mu nnimi, ate ole owundi yaaba n'okuvuunula ebyogerwa. Buli ekikolebwa kibe nga kigasa Ekikunsu eky'Abaikiriza mu Kurisito.

2 Ab'e Korintho 12:19

Mutaba ng'agho woonawoona mubaire mulowooza nga tuli kwewozaaku mu maiso gaimwe. Busa naire, bakagwa. Ife twogeire nga Kurisito bwe yandyenze twogere mu maiso ga Katonda olw'okubazimba.

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

2 Ab'e Korintho 13:9

Kitusangaaza ife bwe tuba abanafu imwe ni muba ab'amaani, era tubasabira ye Katonda, mutuukirire.

2 Ab'e Korintho 3:8

okugheebwa kwa Mwoyo tikulibaaku kumesunkana kusinga okwo?

2 Ab'e Korintho 4:1

Katonda mu kusaasira kwe yatugha omulimo guno okugukola, kale tutawaamu maani.

2 Ab'e Korintho 5:18

Akola bino byonabyona ni Katonda eyabita mu Kurisito n'atuleetera okwisania naye, era n'atugha omulimo ogw'okuleetera abantu abandi boona okwisania naye.

2 Ab'e Korintho 6:3

Titwenda kuta kitimuguunha mu ngira ya muntu yeenayeena, olwo ghalobe kubaagho muntu ayagaana kisobu mu mulimo gwaife.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Ab'Efeso 1:23

Ekikunsu ekyo n'omubiri gwa Kurisito. Kurisito oyo n'akifuula ekiramba, oyo afuula byonabyona ebiramba buli ghantu woonawoona.

Ab'Efeso 4:16

Kurisito oyo n'aleetera omubiri gwonagwona okuyungibwa, obuyungiro bwonabwona obugulimu bwagugemerera, kiisi kitundu kyagwo kyakola omulimo gwakyo bukalamu. Olwo omubiri gwakula, era gwazimbibwa mu kugonzania.

Ab'Efeso 4:29

Eminwa gyaimwe girobenga kwogera bibono bitasaana, aye gyogerenga ebyo byonka ebikalamu ebizimba era ebisaine, bisobole okuleetera ababiwulira emikisa.

Ab'Efeso 4:4

Omubiri guli mulala, ni Mwoyo mulala, ng'era ekisuubizo kye mwayeterwa bwekiri ekirala.

Ab'e Kolosai 1:24

Ndi musangaavu buti olw'okudaaga kwe ndaaga ku lwaimwe, era mu mubiri gwange nhambaku okumaliriza ebyo ebyasigalira mu kudaazibwadaazibwa kwa Kurisito ku lw'omubiri gwe. Omubiri gwe guno n'Ekikunsu eky'Abaikiriza mu Kurisito.

Ab'e Kolosai 1:28

Oyo, ife ye tukobera buli muntu. Tulabula era twegeresa buli muntu mu magezi goonagoona tughange okuleeta buli muntu ewa Katonda ng'atuukiriire mu Kurisito.

Ab'e Kolosai 4:17

Mukobere Arikippo muti: “Oteekwa okumaliriza omulimo gwe wagheebwa mu bugheereza bwa Musengwa.”

1 Timotheo 1:12

Neeyanza Kurisito Yesu musengwa waife, eyampa amaani okukola omulimo guno, era n'abona nga ngwaniire, n'anonda okumugheereza.

2 Timotheo 4:11

Ghano ndigho ni Luka yenka. Yagala Mariko gh'ali oidhe naye kuba anhamba inho mu kugheereza.

2 Timotheo 4:5

Aye iwe banga mwetegefu buliidho, gumiranga okudaagadaaga, kolanga omulimo ogw'okukobera abantu Amawulire Amalungi ng'omugheereza wa Katonda.

Abaheburayi 13:17

Muwulirenga abakulembeze baimwe era mubagonderenga, kuba n'abalabirira emyoyo gyaimwe, era balyewozaaku ensambo ye baagirabiriramu. Mubasobozese okukola omulimo guno n'eisanhu, aye ti mu nnaku, kuba ekyo ghazira kye kibaganhula.

Abaheburayi 6:1

Kale ni ka tuleke ebyo bye twasookeraku okwega ebigema ku Kurisito, tuje mu maiso n'ebikulu. Titugwaine kabiri kwiramu kutaagho musingi buyaaka nga tubeegeresa okusooka okulekayo ebyo ebiziramu muganhulo bye mwakolanga, memale mutoolere okwikiriza Katonda.