Ab'Efeso 3:9 - Baibuli Ekibono kya Katonda 2014

⁹ Era n'okumanhisa abantu boonaboona ebifa ku ntegeka, Katonda eyatonda byonabyona ye yali agisiiza okumala ebyanda.

Ab'Efeso 3:9 ပူးပေါင်းရင်းမြစ်များ

Zabbuli 33:6

Musengwa Katonda yalagira eigulu lyakolebwa; ebiririmu byonabyona byakolebwa olw'ekibono kye.

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Matayo 10:27

Kye mbakobera mu kizikiiza, mukyogeranga mu musana ate kye muwulira mu kyama, mukirangiriranga ghaigulu ku mayumba.

Matayo 13:35

Kino ni kyatuukiriza omulanzi kye yakoba ati: “Ndyogeranga mu nfumo, ndyatula ebitaatulwanga okuva ku kwinhama okw'ensi.”

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Yoanne 10:30

Nze ni Lata tuli muntu mulala.”

Yoanne 5:17

Aye Yesu yaabakoba ati: “Lata wange akaakola, era zeena nkola.”

Yoanne 5:19

Agho Yesu yaabairamu ati: “Ka mbakobere, bwenebwene Omwana tasobola kukola kintu kyonakyona ku lulwe akola ebyo byonka by'abona Lata ng'akola. Kiisi Lata ky'akola n'Omwana ky'akola

Ebikolwa by'Abatume 15:18

Musengwa atyo bw'akoba eyakola ebintu bino ni bimanhibwa okuva eira n'eira.’

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

1 Ab'e Korintho 2:7

Aye mbakobera amagezi ag'ekyama kya Katonda amagise, ge yataagho ng'ensi ekaali kutondebwa olw'okutugheesa ekitiisa.

Ab'Efeso 1:4

Katonda ng'abita mu Kurisito, yali yamala ira okutulonda nga n'ensi ekaali kutondebwa, tube batuukirivu abaziraku musango mu maiso ge.

Ab'Efeso 3:2

Ndhuuba nti mwawulira nga Katonda olw'ekisa kye yangemya omulimo guno ku lwaimwe.

Ab'Efeso 6:19

Zeena munsabire, bwe naabanga nga ndhogera, mpeebwe eby'okwogera, era mbyogere nga titya, nga mmanhisa abantu ekyama eky'Amawulire Amalungi.

Ab'e Kolosai 1:23

Aye niini, muli n'okuba n'okwikiriza nga mwekalangwire aghazira kwekyusa, era nga timuviire ku kusuubira okw'Amawulire Amalungi ge mwawulira. Zeena Paulo nafuuka mugheereza w'Amawulire gano agaakoberwa buli kitonde kyonakyona ekiri ghansi gh'eigulu.

Ab'e Kolosai 1:26

Okubamanhisa ekyama ekyali kigisiibwa ebyanda n'ense, aye buti ekyabwikulirwa abatuukirivu be.

Ab'e Kolosai 3:3

Kuba mwafa era obulamu bwaimwe bwagisibwa ghalala ni Kurisito mu Katonda.

Ab'e Kolosai 4:3

Ate twena mutusabire, Katonda atusobozese okukobera abantu ekibono kye, tubamanhise ekyama ekiri mu Kurisito ekyansibisa mu ikomera.

2 Ab'e Thessalonika 2:13

Aboluganda abadingu ba Musengwa, tuli n'okusiima Katonda buli kaseera olwa imwe kuba Katonda yabalobolamu okuviira irala mu kwinhama, mulokolebwe nga mutukuzibwa Mwoyo era nga mwikiriza amazima.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

2 Timotheo 1:9

Ono yatulokola era yaatweta okuba ababe. Kino tiyakikola lwa bikolwa bye twakola, aye olw'ekigendererwa kye mwene era n'olw'ekisa, kye yatulaga mu Kurisito Yesu okuva eira n'eira.

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

1 Petero 1:20

Kurisito oyo yalondebwa nga n'ensi ekaali kutondebwa, aye yaaboneka mu biseera bino ebisembayo ku lwaimwe.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 14:6

Agho naabona malaika owundi ng'ali kuguluka, nga yeeruupye eyo mu igulu. Yali agheereibwa amawulire amalungi ag'ebyanda n'ebyanda agakobere abo abali ku nsi aba kiisi kika, aba kiisi lulimi, aba kiisi luse n'aba kiisi ighanga.

Okwolekebwa 17:8

Ekisolo ky'oboine kyaligho, aye mperaano tikikaaligho. Aye kiidha kuniinaniina okuva mu lwina olutakoma, kije kizikirizibwe. Abantu abali ku nsi, beene maina agataaghandiikibwa mu kitabo eky'obulamu, okuva ensi lwe yatondebwa, balyewuunhia bwe balibona ng'ekisolo ekyaligho, mperaano tikikaaligho, ate nga kiriidha.

Okwolekebwa 4:11

“Musengwa era Katonda waife, ogwaniire okugheebwa ekitiisa, okusaakibwa, era n'obukumu. Kuba niiwe watonda ebintu byonabyona, byatondebwa era byabaagho olw'okwenda kwo.”