Ab'Efeso 3:8 - Baibuli Ekibono kya Katonda 2014

⁸ Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

Ab'Efeso 3:8 ပူးပေါင်းရင်းမြစ်များ

1 Ebyomubyanda 17:16

Agho kyabazinga Daudi yangira mu Weema, yaatyama mu maiso ga Musengwa Katonda, yaakoba ati: “Wo Musengwa Katonda wange, katyo nze ninze ani era n'ab'endhu yange ni baani, iwe okutukolera ebyo byonabyona by'otukoleire?

Zabbuli 31:19

Bwenebwene ebirungi biri kamaala, by'oterekeire abo abakutya. Abantu boonaboona babona by'okolera abo abakwesiga.

Luka 14:22

Omugheereza yaakoba ati, ‘Isebo ky'olagiire kikoleibwa aye era ghakaaligho ebifo.’

Yoanne 1:16

Olw'ekisa kye ekitawa, twenatwena atugha emikisa gye emikuzi kamaala.

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

Ebikolwa by'Abatume 9:15

Musengwa yaakoba Anania ati: “Ja, kuba oyo nze mmwerondeire okumanhisa eriina lyange mu bamaghanga agandi, ni bakyabazinga, n'abantu ba Isiraeli.

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

Ab'e Roma 2:4

Oba, onhooma ekisa kye ekingi, n'okugema empola kwe, n'okuguminkiriza kwe? Toidhi nga ekisa kya Katonda kikuleetera okwenenia?

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

1 Ab'e Korintho 15:9

kuba mu Batume boonaboona ninze asembayo atagwaine na kwetebwa mutume, olw'okukiriga Ekikunsu eky'Abaikiriza mu Kurisito ekya Katonda.

1 Ab'e Korintho 2:9

Aye nga bwe kyaghandiikibwa: “Katonda kye yategekera abo abamugonza, ghazira muntu yaali akiboineku waire okukiwuliraku, oba eyaali alowooziizaaku nga kisobola okubaagho.”

Ab'e Galatia 1:16

Era bwe yasalagho okundholeka Omwana we nsobole okukobera abamaghanga agandi Amawulire Amalungi agamufaaku, tyebuuzaaku ku muntu yeenayeena,

Ab'e Galatia 2:8

kuba olw'amaani ga Katonda nafuulibwa omutume eri abamaghanga agandi, ng'oti ni Petero bwe yafuulibwa omutume eri abakekete.

Ab'Efeso 2:7

Yakola ekyo okutwoleka mu byanda ebija okwidha ekisa kye ekitakeruka eri ife, ng'abita mu Kurisito Yesu.

Ab'Efeso 3:1

Ekyo kindeetera nze Paulo, omusibe olwa Kurisito Yesu ku lwaimwe abamaghanga agandi, okubasabira eri Katonda.

Ab'Efeso 3:16

Naamusaba olw'ekitiisa ekyodo, abagumye ng'abagha amaani, mule munda, ng'abita mu Mwoyo we,

Ab'Efeso 3:19

Mbasabira mumanhe okugonza okwo okulemye abamanhi boonaboona okumanha, olwo mwidhulire irala Katonda.

Ab'Efeso 3:2

Ndhuuba nti mwawulira nga Katonda olw'ekisa kye yangemya omulimo guno ku lwaimwe.

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

Ab'e Filippi 4:19

Era Katonda wange aidha kubagha buli kintu kyonakyona kye mwetaaga, ng'atoola ku bukombe bwe obw'ekitiisa bw'agaba ng'abita mu Kurisito Yesu.

Ab'e Kolosai 1:27

Abo Katonda be yasiima okumanhisa obukombe obw'ekitiisa obuli mu kyama ekyo, mu bamaghanga agandi. Ekyama ekyo ni Kurisito ali mu imwe era eisuubi ery'ekitiisa ekiri kwidha.

1 Timotheo 1:13

Eira namuvumanga, naamukiriga, era naamwogeraku bubi, aye yansaasira, kuba ebyo nabikolanga mu butamanha, nga nkaali kumwikiriza.

1 Timotheo 1:15

Ekibono kino kituufu kyene era kigwaine okwikiriza, ekikoba kiti: Kurisito Yesu yaidha mu nsi okulokola aboonooni. Era mu abo nze ndi mberi wa boonaboona.

1 Timotheo 2:7

Era ekyo n'ekyanteesaagho mbe omutume era omwegeresa ow'abamaghanga agandi, mbakobere eby'okwikiriza n'eby'amazima. Ndi kwogera mazima, tiri kuguya.

2 Timotheo 1:11

Nalondebwa okukobera abantu Amawulire Amalungi ng'omutume era omwegeresa,

Okwolekebwa 3:18

“Kale nkugha amagezi onguleku zaabu alongooseibwa mu muliro osobole okuba omukombe, onguleku ebivaalo ebyeru ovaale owone ensoni edh'okubita ekidu, era onguleku obulezi obw'okusiiga ku maiso go oghange okubona.