Ab'Efeso 3:20 - Baibuli Ekibono kya Katonda 2014

²⁰ Katonda oyo asobola okukola ebisinga n'ebyo bye tusaba, oba ebyo bye tutegeera, olw'amaani ge agakolera mu ife,

Ab'Efeso 3:20 ပူးပေါင်းရင်းမြစ်များ

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 18:4

Ka mbaleetere ku tuudhi munaabeku ku bigere, era muwoleereku agho mu kimpombye eky'omuti.

2 Samueli 7:19

Ate nga ekyo kyali kintu kitono inho ku iwe Musengwa Katonda, kuba era osuubiiza bingi ku izaire lyange mu biseera eby'omu maiso. Era ebyo, iwe Musengwa Katonda wange obyoleike nze omuntu obuntu naabimanha.

1 Bakyabazinga 3:13

Era nkughaire n'ebindi by'otasabye: obukombe n'ekitiibwa mu bulamu bwo bwonabwona, ghabule kyabazinga owundi yeenayeena ayagayaga n'iwe.

2 Ebyomubyanda 25:9

Amazia yaakoba omuntu wa Katonda ati: “Ate nnaakola ntya talanta ekikumi, dhe mmaze okusasula eigye lya Isiraeli?” Omuntu wa Katonda yairamu ati: “Musengwa Katonda asobola okukugha n'ebisinga agho.”

2 Ebyomubyanda 9:12

Agho kyabazinga Solomoni yaagha kyabazinga omukazi ow'e Sheba byonabyona bye yayenda, na buli kye yasaba ng'otoireku ebyo kyabazinga omukazi oyo bye yamuleetera. Kale kyabazinga omukazi oyo yaasiibula, yairayo mu nsi ye, ghalala n'abagheereza be.

Okuvaayo 34:6

Musengwa Katonda yaabita mu maiso ga Musa era yaalangirira ati: “Nze Musengwa Katonda, ninze Katonda asaasira era agemerwa abantu ekivunika, alwagho okusungughala, agonza abantu obutalekera era omwesigwa einho.

Olwembo 5:1

Mwanhinaze iwe omugole wange, ndidhie mu nimiro yange, naasoloza obuwoowo bwange obwa mirra n'obuwoowo obundi, naalya ku mudheenene gwange ogw'endhuki ni ku bisasala byagwo, era naanhwa ni ku mwenge gwange ogw'emizabbibu ni ku mata gange. Imwe abagonzania, mulye era munhwe, munhwere irala mwigute omukwano.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Yeremia 32:17

“Aa, Musengwa Katonda wange, niiwe owatonda eigulu n'ensi ng'okozesa obuyinza bwo obungi n'amaani go agataloodheka. Ghazira kintu kikalangufu inho iwe ky'otasobola.

Yeremia 32:27

“Bona eno, nze ninze Musengwa Katonda, Katonda w'abantu boonaboona. Ghazira kintu kikalangufu inho nze kye ntasobola.

Danieli 3:17

Bwe kunaaba okutusuula mu muliro, Katonda waife ye tugheereza asobola bukalamu okutuwonia yaatutoola mu kikoomi ekiri kugeigera omuliro, era yaatutoola ni mu buyinza bwo.

Danieli 6:20

Ng'ali kumpi okutuuka ku kiina ekyo Danieli mwe yali, yaayeta mu mamiro ag'enaku ati: “Wo Danieli, iwe omugheereza wa Katonda omulamu, Katonda wo y'ogheereza n'obwesigwa yasoboire okukuwonia empologoma?”

Matayo 3:9

Era muteeyinula nga mukoba muti, ‘Tuli ni iseife Aburahamu,’ kuba, ka mbakobere, mu mabaale gano Katonda aghanga okufuniramu Aburahamu abaana!

Yoanne 10:10

Omwibi taidhirira kindi okutoolaku okwiba, okwita n'okuzikiriza. Nze naidha dhibe n'obulamu ate nga bwa mwero.

Ab'e Roma 16:25

Ka tusaake Katonda oyo asobola okubagha amaani mu kwikiriza agava mu Mawulire Amalungi agagema ku Yesu Kurisito ge nkobera abantu. Ekyo n'ekyama ekyagisibwa okuva eira n'eira.

Ab'e Roma 4:21

ng'akakalisa irala nga Katonda aghanga okukola ekyo kye yasuubiza.

1 Ab'e Korintho 2:9

Aye nga bwe kyaghandiikibwa: “Katonda kye yategekera abo abamugonza, ghazira muntu yaali akiboineku waire okukiwuliraku, oba eyaali alowooziizaaku nga kisobola okubaagho.”

2 Ab'e Korintho 9:8

Era Katonda aghanga okubagha ebintu kamaala okusinga bye mwetaaga, olwo musobole buliidho okubanga ni bye mwetaaga, era mugabenga ebintu kamaala olwa buli mulimo omukalamu

Ab'Efeso 1:19

Era mumanhe amaani ge agataloodheka agakolera mu ife abaikiriza. Amaani ago

Ab'Efeso 3:7

Katonda olw'ekisa kye, yampa ekirabo eky'okubunisa Amawulire Amalungi, ng'amaani ge gakola mu nze.

Ab'e Kolosai 1:29

Kino kye ntakabanira era ni nfaabiikana, mwene nga n'akolera mu nze n'amaani ge.

1 Timotheo 1:14

Musengwa waife yansaasira inho, yampa okwikiriza n'okugonza, bye tufunira mu Kurisito Yesu.

Abaheburayi 11:19

Aburahamu yamanha nga Katonda asobola okuzuukiza abafu kyaba ng'oti Katonda yamwiriza Isaaka ng'ali ng'aviire mu bafu.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

Yakobo 4:12

Agha Amateeka era asala emisango ali mulala yenka. Oyo n'asobola okuwonia n'okuzikiriza. Aye iwe niiwe ani asalira mwino omusango?

2 Petero 1:11

aye mulingizibwa n'ekitiisa mu Bwakyabazinga obutawaagho obwa Musengwa waife, era Omulokozi waife Yesu Kurisito.

Yuda 1:24

Katonda oyo ow'obusobozi obubakuuma ni mutagwa, ni bubatuusa mu maiso ge ag'ekitiisa nga muziraku musango gwonagwona era nga musagamba,